| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৫. অহিংসকসুত্তৰণ্ণনা
5. Ahiṃsakasuttavaṇṇanā
১৯১. পঞ্চমে অহিংসকভারদ্ৰাজোতি ভারদ্ৰাজোৰেস, অহিংসকপঞ্হং পন পুচ্ছি, তেনস্সেতং সঙ্গীতিকারেহি নামং গহিতং। নামেন ৰা এস অহিংসকো, গোত্তেন ভারদ্ৰাজো। অহিংসকাহন্তি অহিংসকো অহং, ইতি মে ভৰং গোতমো জানাতূতি আহ। তথা চস্সাতি তথা চে অস্স, ভৰেয্যাসীতি অত্থো। ন হিংসতীতি ন ৰিহেঠেতি ন দুক্খাপেতি। পঞ্চমং।
191. Pañcame ahiṃsakabhāradvājoti bhāradvājovesa, ahiṃsakapañhaṃ pana pucchi, tenassetaṃ saṅgītikārehi nāmaṃ gahitaṃ. Nāmena vā esa ahiṃsako, gottena bhāradvājo. Ahiṃsakāhanti ahiṃsako ahaṃ, iti me bhavaṃ gotamo jānātūti āha. Tathā cassāti tathā ce assa, bhaveyyāsīti attho. Na hiṃsatīti na viheṭheti na dukkhāpeti. Pañcamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. অহিংসকসুত্তং • 5. Ahiṃsakasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. অহিংসকসুত্তৰণ্ণনা • 5. Ahiṃsakasuttavaṇṇanā
