| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. аахаараваг̇г̇о
2. Āhāravaggo
1. аахаарасуд̇д̇аван̣н̣анаа
1. Āhārasuttavaṇṇanā
11. аахаранд̇ийд̇и аанзнд̇и уббаад̣̇знд̇и, убад̇т̇амбхзнд̇ийд̇и ад̇т̇о. ниб̣б̣ад̇д̇аад̇и басуд̇аа. бхууд̇аа наама яасмаа д̇ад̇о бадтааяа логз ж̇аад̇авохааро бадисанд̇хиг̇г̇ахан̣ад̇о бана бадтааяа яаава маад̇угужчид̇о нигканд̇о, д̇аава самбхавзсино, зса д̇аава г̇аб̣бхасзяяагзсу бхууд̇асамбхавзсивибхааг̇о, ид̇арзсу бана батамажид̇д̇аад̣̇ивасзна вуд̇д̇о. самбхава-сад̣̇д̣̇о жзд̇т̇а г̇аб̣бхасзяяагаанам̣ васзна басууд̇ибарияааяо, ид̇арзсам̣ васзна уббад̇д̇ибарияааяо. батамажид̇д̇абатамаирияаабат̇агкан̣зсу хи д̇з самбхавам̣ уббад̇д̇им̣ зсанд̇и убаг̇ажчанд̇и наама, на д̇аава бхууд̇аа убабад̇д̇ияаа на суббад̇идтид̇ад̇д̇аа, бхууд̇аа зва саб̣б̣асо бхавзсанааяа самужчиннад̇д̇аа. на буна бхависсанд̇ийд̇и авад̇хааран̣зна нивад̇д̇ид̇амад̇т̇ам̣ д̣̇ассзд̇и. яо жа ‘‘гаалагхасо бхууд̇о’’д̇иаад̣̇ийсу бхууд̇а-сад̣̇д̣̇асса кийн̣аасававаажид̇аа д̣̇адтаб̣б̣аа. ваа-сад̣̇д̣̇о жзд̇т̇а самбин̣д̣анад̇т̇о ‘‘аг̇г̇инаа ваа уд̣̇агзна ваа’’д̇иаад̣̇ийсу вияа.
11.Āharantīti ānenti uppādenti, upatthambhentīti attho. Nibbattāti pasutā. Bhūtā nāma yasmā tato paṭṭhāya loke jātavohāro paṭisandhiggahaṇato pana paṭṭhāya yāva mātukucchito nikkhanto, tāva sambhavesino, esa tāva gabbhaseyyakesu bhūtasambhavesivibhāgo, itaresu pana paṭhamacittādivasena vutto. Sambhava-saddo cettha gabbhaseyyakānaṃ vasena pasūtipariyāyo, itaresaṃ vasena uppattipariyāyo. Paṭhamacittapaṭhamairiyāpathakkhaṇesu hi te sambhavaṃ uppattiṃ esanti upagacchanti nāma, na tāva bhūtā upapattiyā na suppatiṭṭhitattā, bhūtā eva sabbaso bhavesanāya samucchinnattā. Na puna bhavissantīti avadhāraṇena nivattitamatthaṃ dasseti. Yo ca ‘‘kālaghaso bhūto’’tiādīsu bhūta-saddassa khīṇāsavavācitā daṭṭhabbā. Vā-saddo cettha sampiṇḍanattho ‘‘agginā vā udakena vā’’tiādīsu viya.
яат̇аасагам̣ бажжаяабхаавзна ад̇д̇абхаавасса батабанамзвзд̇т̇а аахаарзхи гаад̇аб̣б̣аануг̇г̇ахо ход̇ийд̇и ад̇хиббааязнааха ‘‘важанабхзд̣̇о…бз… зго язваа’’д̇и. сад̇д̇асса уббаннад̇хаммаананд̇и сад̇д̇асса санд̇аанз уббаннад̇хаммаанам̣. яат̇аа ‘‘вассасад̇ам̣ д̇идтад̇ий’’д̇и вуд̇д̇з ануббаб̣анд̇хавасзна бавад̇д̇ад̇ийд̇и вуд̇д̇ам̣ ход̇и, звам̣ тид̇ияаад̇и ануббаб̣анд̇хавасзна бавад̇д̇ияаад̇и ад̇т̇о, саа бана авижчзд̣̇од̇и ааха ‘‘авижчзд̣̇ааяаа’’д̇и. ануббаб̣анд̇хад̇хаммуббад̇д̇ияаа сад̇д̇асанд̇аано ануг̇г̇ахид̇о наама ход̇ийд̇и ааха ‘‘ануббаннаанам̣ уббаад̣̇ааяаа’’д̇и. зд̇аанийд̇и тид̇иануг̇г̇ахабад̣̇аани. убхаяад̇т̇а д̣̇адтаб̣б̣аани на яат̇аасамб̣анд̇хад̇о.
Yathāsakaṃ paccayabhāvena attabhāvassa paṭhapanamevettha āhārehi kātabbaanuggaho hotīti adhippāyenāha ‘‘vacanabhedo…pe… eko yevā’’ti. Sattassa uppannadhammānanti sattassa santāne uppannadhammānaṃ. Yathā ‘‘vassasataṃ tiṭṭhatī’’ti vutte anuppabandhavasena pavattatīti vuttaṃ hoti, evaṃ ṭhitiyāti anuppabandhavasena pavattiyāti attho, sā pana avicchedoti āha ‘‘avicchedāyā’’ti. Anuppabandhadhammuppattiyā sattasantāno anuggahito nāma hotīti āha ‘‘anuppannānaṃ uppādāyā’’ti. Etānīti ṭhitianuggahapadāni. Ubhayattha daṭṭhabbāni na yathāsambandhato.
вад̇т̇уг̇ад̇аа ож̇аа вад̇т̇у вияа д̇зна сад̣̇д̇хим̣ аж̇жхохарид̇аб̣б̣ад̇ам̣ г̇ажчад̇ийд̇и вуд̇д̇ам̣ ‘‘аж̇жхохарид̇аб̣б̣аго аахааро’’д̇и, ниб̣б̣ад̇д̇ид̇аож̇ам̣ бана санд̇хааяа ‘‘габ̣ал̣ийгааро аахааро ож̇адтамагаруубаани аахарад̇ий’’д̇и вагкад̇и. ол̣ааригад̇аа аббож̇ад̇ааяа на вад̇т̇уно т̇уулад̇ааяа гат̇инад̇ааяа ваа, д̇асмаа яасмим̣ вад̇т̇усмим̣ барид̇д̇аа ож̇аа ход̇и, д̇ам̣ ол̣ааригам̣. саббаад̣̇аяо д̣̇угкуббаад̣̇агад̇ааяа ол̣ааригаа взд̣̇ид̇аб̣б̣аа. висаан̣аад̣̇ийнам̣ д̇ивассачад̣д̣ид̇аанам̣ бууд̇ибхууд̇ад̇д̇аа муд̣̇угад̇аад̇и вад̣̇анд̇и. д̇аражчакзл̣ад̇змид̇ад̇ааяа бана д̇ат̇аабхууд̇аанам̣ д̇зсам̣ муд̣̇угад̇аа. д̇хаммасабхааво хзса. сасаанам̣ аахааро сукумо д̇арун̣ад̇ин̣асассакаад̣̇анад̇о. сагун̣аанам̣ аахааро сукумо д̇ин̣аб̣ийж̇аад̣̇икаад̣̇анад̇о. бажжанд̇аваасийнам̣ аахааро сукумо маасамуг̇г̇агураад̣̇ибхож̇анад̇д̇аа. д̇зсанд̇и бараниммид̇авасавад̇д̇ийнам̣. сукумод̇взваад̇и на гин̃жи убаад̣̇ааяа, ат̇а ко сукумоижжзва нидтам̣ бад̇д̇о д̇ад̇о барамасукумасса абхаавад̇о.
Vatthugatā ojā vatthu viya tena saddhiṃ ajjhoharitabbataṃ gacchatīti vuttaṃ ‘‘ajjhoharitabbako āhāro’’ti, nibbattitaojaṃ pana sandhāya ‘‘kabaḷīkāro āhāro ojaṭṭhamakarūpāni āharatī’’ti vakkhati. Oḷārikatā appojatāya na vatthuno thūlatāya kathinatāya vā, tasmā yasmiṃ vatthusmiṃ parittā ojā hoti, taṃ oḷārikaṃ. Sappādayo dukkhuppādakatāya oḷārikā veditabbā. Visāṇādīnaṃ tivassachaḍḍitānaṃ pūtibhūtattā mudukatāti vadanti. Taracchakheḷatemitatāya pana tathābhūtānaṃ tesaṃ mudukatā. Dhammasabhāvo hesa. Sasānaṃ āhāro sukhumo taruṇatiṇasassakhādanato. Sakuṇānaṃ āhāro sukhumo tiṇabījādikhādanato. Paccantavāsīnaṃ āhāro sukhumo māsamuggakurādibhojanattā. Tesanti paranimmitavasavattīnaṃ. Sukhumotvevāti na kiñci upādāya, atha kho sukhumoicceva niṭṭhaṃ patto tato paramasukhumassa abhāvato.
вад̇т̇увасзна банзд̇т̇а аахаарасса ол̣ааригасукумад̇аа вуд̇д̇аа, саа жасса аббож̇амахож̇ад̇аахи взд̣̇ид̇аб̣б̣аад̇и д̣̇ассзд̇ум̣ ‘‘зд̇т̇а жаа’’д̇иаад̣̇имааха. бариссаяанд̇и куд̣̇аавасзна уббаннам̣ вихим̣сам̣ сарийрад̣̇арат̇ам̣. винод̣̇зд̇ийд̇и вад̇т̇у д̇асса винод̣̇анамад̇д̇ам̣ гарод̇и. на бана саггод̇и баалзд̇унд̇и сарийрам̣ яаабзд̇ум̣ наббаход̇и нирож̇ад̇д̇аа. на саггод̇и бариссаяам̣ винод̣̇зд̇ум̣ аамаасаяасса абууран̣ад̇о.
Vatthuvasena panettha āhārassa oḷārikasukhumatā vuttā, sā cassa appojamahojatāhi veditabbāti dassetuṃ ‘‘ettha cā’’tiādimāha. Parissayanti khudāvasena uppannaṃ vihiṃsaṃ sarīradarathaṃ. Vinodetīti vatthu tassa vinodanamattaṃ karoti. Na pana sakkoti pāletunti sarīraṃ yāpetuṃ nappahoti nirojattā. Na sakkoti parissayaṃ vinodetuṃ āmāsayassa apūraṇato.
чаб̣б̣ид̇хобийд̇и иминаа гассажи пассасса анавасзсид̇аб̣б̣ад̇амааха. д̣̇зсанаггамзнзвзд̇т̇а пассаад̣̇ийнам̣ д̣̇уд̇ияаад̣̇ид̇аа, на ан̃н̃зна гааран̣знаад̇и ааха ‘‘д̣̇зсанаанаяо зва жзсаа’’д̇иаад̣̇и. манасо сан̃жзд̇анаа на сад̇д̇ассаад̇и д̣̇ассанад̇т̇ам̣ маног̇ахан̣ам̣ яат̇аа ‘‘жид̇д̇асса тид̇и, жзд̇овимуд̇д̇и жаа’’д̇и ааха ‘‘маносан̃жзд̇анаад̇и жзд̇анааваа’’д̇и. жид̇д̇анд̇и яам̣ гин̃жи жид̇д̇амзва. згараасим̣ гад̇ваад̇и згаж̇жхам̣ г̇ахзд̇ваа вибхааг̇ам̣ агад̇ваа, сааман̃н̃зна г̇ахид̇аад̇и ад̇т̇о. д̇ад̇т̇а лаб̣бхамаанам̣ убаад̣̇ин̣н̣агаад̣̇ивибхааг̇ам̣ д̣̇ассзд̇ум̣ ‘‘габ̣ал̣ийгааро аахааро’’д̇иаад̣̇и вуд̇д̇ам̣. аахаарад̇т̇ам̣ на саад̇хзнд̇ийд̇и д̇аад̣̇исасса аахаарасса анаахаран̣ад̇о. д̇ад̣̇аабийд̇и бхиж̇ж̇ид̇ваа виг̇ад̇агаалзби. убаад̣̇ин̣н̣агаахаарод̇и вужжанд̇ийд̇и гзжи. ид̣̇ам̣ бана аажарияаанам̣ на ружжад̇и д̇ад̣̇аа убаад̣̇ин̣н̣агаруубассзва абхаавад̇о. бадисанд̇хижид̇д̇знзва сахаж̇аад̇аад̇и лагкан̣аважанамзд̇ам̣, саб̣б̣ааяаби гаммаж̇аруубабарияаабаннааяа ож̇ааяа ад̇т̇ибхаавасса авижчзд̣̇аббавад̇д̇исамбхавад̣̇ассанад̇т̇о. сад̇д̇амаад̇и уббаннад̣̇ивасад̇о бадтааяа яаава сад̇д̇амад̣̇ивасааби. руубасанд̇ад̇им̣ баалзд̇и бавзн̣игхаданавасзна. аяамзваад̇и гаммаж̇аож̇аа. гаммаж̇аож̇ам̣ бана бадижжа уббаннаож̇аа агаммаж̇ад̇д̇аа анубаад̣̇ин̣н̣ааахаарод̇взва взд̣̇ид̇аб̣б̣о. анубаад̣̇ин̣н̣агаа пассаад̣̇аяо взд̣̇ид̇аб̣б̣аад̇и аанзд̇ваа самб̣анд̇хо. логуд̇д̇араа пассаад̣̇аяо гат̇анд̇и ааха ‘‘логуд̇д̇араа бана рул̣хийвасзна гат̇ид̇аа’’д̇и. яасмаа д̇зсам̣ гусалаанам̣ убзд̇абарияааяо над̇т̇и, д̇асмаа вибаагаанам̣ убаад̣̇ин̣н̣абарияааяо над̇т̇зваад̇и анубаад̣̇ин̣н̣абарияааяоби рул̣хийвасзна вуд̇д̇од̇и взд̣̇ид̇аб̣б̣о.
Chabbidhopīti iminā kassaci phassassa anavasesitabbatamāha. Desanakkamenevettha phassādīnaṃ dutiyāditā, na aññena kāraṇenāti āha ‘‘desanānayo eva cesā’’tiādi. Manaso sañcetanā na sattassāti dassanatthaṃ manogahaṇaṃ yathā ‘‘cittassa ṭhiti, cetovimutti cā’’ti āha ‘‘manosañcetanāti cetanāvā’’ti. Cittanti yaṃ kiñci cittameva. Ekarāsiṃ katvāti ekajjhaṃ gahetvā vibhāgaṃ akatvā, sāmaññena gahitāti attho. Tattha labbhamānaṃ upādiṇṇakādivibhāgaṃ dassetuṃ ‘‘kabaḷīkāro āhāro’’tiādi vuttaṃ. Āhāratthaṃ na sādhentīti tādisassa āhārassa anāharaṇato. Tadāpīti bhijjitvā vigatakālepi. Upādiṇṇakāhāroti vuccantīti keci. Idaṃ pana ācariyānaṃ na ruccati tadā upādiṇṇakarūpasseva abhāvato. Paṭisandhicitteneva sahajātāti lakkhaṇavacanametaṃ, sabbāyapi kammajarūpapariyāpannāya ojāya atthibhāvassa avicchedappavattisambhavadassanattho. Sattamāti uppannadivasato paṭṭhāya yāva sattamadivasāpi. Rūpasantatiṃ pāleti paveṇighaṭanavasena. Ayamevāti kammajaojā. Kammajaojaṃ pana paṭicca uppannaojā akammajattā anupādiṇṇaāhārotveva veditabbo. Anupādiṇṇakā phassādayo veditabbāti ānetvā sambandho. Lokuttarā phassādayo kathanti āha ‘‘lokuttarā pana ruḷhīvasena kathitā’’ti. Yasmā tesaṃ kusalānaṃ upetapariyāyo natthi, tasmā vipākānaṃ upādiṇṇapariyāyo natthevāti anupādiṇṇapariyāyopi ruḷhīvasena vuttoti veditabbo.
буб̣б̣з ‘‘аахаараад̇и бажжаяаа’’д̇и вуд̇д̇ад̇д̇аа яад̣̇и бажжаяадто аахаарадтод̇иаад̣̇инаа жод̣̇зд̇и, ат̇а гасмаа имз зва жад̇д̇ааро вуд̇д̇аад̇и ат̇а гасмаа жад̇д̇аарова вуд̇д̇аа. имз зва жа вуд̇д̇аад̇и яож̇анаа. висзсаббажжаяад̇д̇аад̇и зд̇зна яат̇аа ан̃н̃з бажжаяад̇хаммаа ад̇д̇ано бажжаяуббаннасса бажжаяаава хонд̇и, имз бана д̇ат̇аа жа ход̇и ан̃н̃ат̇аа жаад̇и самаанзби бажжаяад̇д̇з ад̇ирзгабажжаяаа хонд̇и, д̇асмаа ‘‘аахаараад̇и вуд̇д̇аа’’д̇и имамад̇т̇ам̣ д̣̇ассзд̇и. ид̣̇аани д̇ам̣ ад̇ирзгабажжаяад̇ам̣ д̣̇ассзд̇ум̣ ‘‘висзсабажжаяо хий’’д̇иаад̣̇и вуд̇д̇ам̣. висзсаббажжаяо руубагааяасса габ̣ал̣ийгааро аахааро убат̇амбхагабхаавад̇о. д̇знааха адтагат̇ааяам̣ ‘‘руубааруубаанам̣ убат̇амбхагад̇д̇зна убагаарагаа жад̇д̇ааро аахаараа аахаарабажжаяо’’д̇и (висуд̣̇д̇хи. 2.608; бадтаа. адта. бажжаяуд̣̇д̣̇зсаван̣н̣анаа). убат̇амбхагад̇д̇ан̃хи сад̇ийби ж̇анагад̇д̇з аруубийнам̣ аахаараанам̣ аахаараж̇аруубасамудтаанагаруубаахаарасса жа ход̇и, асад̇и бана убат̇амбхагад̇д̇з аахаараанам̣ ж̇анагад̇д̇ам̣ над̇т̇ийд̇и убат̇амбхагад̇д̇ам̣ бад̇хаанам̣. ж̇анаяамааноби хи аахааро авижчзд̣̇авасзна убат̇амбхаяамаано зва ж̇анзд̇ийд̇и убат̇амбхагабхааво зва аахаарабхааво. взд̣̇анааяа пассо висзсабажжаяо. ‘‘пассабажжаяаа взд̣̇анаа’’д̇и хи вуд̇д̇ам̣. ‘‘сан̇каарабажжаяаа вин̃н̃аан̣а’’нд̇и важанад̇о вин̃н̃аан̣асса маносан̃жзд̇анаа. ‘‘жзд̇анаа д̇ивид̇хам̣ бхавам̣ ж̇анзд̇ий’’д̇и хи вуд̇д̇ам̣. ‘‘вин̃н̃аан̣абажжаяаа наамарууба’’нд̇и бана важанад̇о наамаруубасса вин̃н̃аан̣ам̣ висзсабажжаяо. на хи огганд̇авин̃н̃аан̣аабхаавз наамаруубасса ад̇т̇и самбхаво. яат̇ааха ‘‘вин̃н̃аан̣ан̃жа хи, аананд̣̇а, маад̇угужчисмим̣ на оггамиссат̇а, аби ну ко наамаруубам̣ маад̇угужчисмим̣ самужжиссат̇аа’’д̇иаад̣̇и (д̣̇ий. ни. 2.115). вуд̇д̇амзвад̇т̇ам̣ суд̇д̇зна саад̇хзд̇ум̣ ‘‘яат̇аахаа’’д̇иаад̣̇и вуд̇д̇ам̣.
Pubbe ‘‘āhārāti paccayā’’ti vuttattā yadi paccayaṭṭho āhāraṭṭhotiādinā codeti, atha kasmā ime eva cattāro vuttāti atha kasmā cattārova vuttā. Ime eva ca vuttāti yojanā. Visesappaccayattāti etena yathā aññe paccayadhammā attano paccayuppannassa paccayāva honti, ime pana tathā ca hoti aññathā cāti samānepi paccayatte atirekapaccayā honti, tasmā ‘‘āhārāti vuttā’’ti imamatthaṃ dasseti. Idāni taṃ atirekapaccayataṃ dassetuṃ ‘‘visesapaccayo hī’’tiādi vuttaṃ. Visesappaccayo rūpakāyassa kabaḷīkāro āhāro upathambhakabhāvato. Tenāha aṭṭhakathāyaṃ ‘‘rūpārūpānaṃ upathambhakattena upakārakā cattāro āhārā āhārapaccayo’’ti (visuddhi. 2.608; paṭṭhā. aṭṭha. paccayuddesavaṇṇanā). Upathambhakattañhi satīpi janakatte arūpīnaṃ āhārānaṃ āhārajarūpasamuṭṭhānakarūpāhārassa ca hoti, asati pana upathambhakatte āhārānaṃ janakattaṃ natthīti upathambhakattaṃ padhānaṃ. Janayamānopi hi āhāro avicchedavasena upathambhayamāno eva janetīti upathambhakabhāvo eva āhārabhāvo. Vedanāya phasso visesapaccayo. ‘‘Phassapaccayā vedanā’’ti hi vuttaṃ. ‘‘Saṅkhārapaccayā viññāṇa’’nti vacanato viññāṇassa manosañcetanā. ‘‘Cetanā tividhaṃ bhavaṃ janetī’’ti hi vuttaṃ. ‘‘Viññāṇapaccayā nāmarūpa’’nti pana vacanato nāmarūpassa viññāṇaṃ visesapaccayo. Na hi okkantaviññāṇābhāve nāmarūpassa atthi sambhavo. Yathāha ‘‘viññāṇañca hi, ānanda, mātukucchismiṃ na okkamissatha, api nu kho nāmarūpaṃ mātukucchismiṃ samuccissathā’’tiādi (dī. ni. 2.115). Vuttamevatthaṃ suttena sādhetuṃ ‘‘yathāhā’’tiādi vuttaṃ.
звам̣ яад̣̇иби бажжаяад̇т̇о аахаарад̇т̇о, висзсабажжаяад̇д̇аа бана имзва аахаараад̇и вуд̇д̇аад̇и д̇ам̣ нзсам̣ висзсабажжаяад̇ам̣ авибхааг̇ад̇о д̣̇ассзд̇ваа ид̣̇аани вибхааг̇ад̇о д̣̇ассзд̇ум̣ ‘‘го банзд̇т̇аа’’д̇иаад̣̇и аарад̣̇д̇хам̣. мукз табид̇амад̇д̇о зва асан̇каад̣̇ид̇о, д̇ад̇д̇агзнааби аб̣бханд̇арасса аахаарасса бажжаяо ход̇и зва. д̇знааха ‘‘адта руубаани самудтаабзд̇ий’’д̇и. сукавзд̣̇анааяа хид̇о сукавзд̣̇анийяо. саб̣б̣ат̇аабийд̇и жагкусампассаад̣̇ивасзна. яад̇д̇агаа пассасса багаарабхзд̣̇аа, д̇зсам̣ васзна саб̣б̣аббагаароби пассаахааро яат̇аарахам̣ д̇иссо взд̣̇анаа аахарад̇и, анаахаараго над̇т̇и.
Evaṃ yadipi paccayattho āhārattho, visesapaccayattā pana imeva āhārāti vuttāti taṃ nesaṃ visesapaccayataṃ avibhāgato dassetvā idāni vibhāgato dassetuṃ ‘‘ko panetthā’’tiādi āraddhaṃ. Mukhe ṭhapitamatto eva asaṅkhādito, tattakenāpi abbhantarassa āhārassa paccayo hoti eva. Tenāha ‘‘aṭṭha rūpāni samuṭṭhāpetī’’ti. Sukhavedanāya hito sukhavedanīyo. Sabbathāpīti cakkhusamphassādivasena. Yattakā phassassa pakārabhedā, tesaṃ vasena sabbappakāropi phassāhāro yathārahaṃ tisso vedanā āharati, anāhārako natthi.
саб̣б̣ат̇аабийд̇и ид̇хааби пассаахаарз вуд̇д̇анаяаанусаарзна ад̇т̇о взд̣̇ид̇аб̣б̣о. д̇исанд̇ад̇ивасзнаад̇и гааяад̣̇асагам̣ бхаавад̣̇асагам̣ вад̇т̇уд̣̇асаганд̇и д̇ивид̇хасанд̇ад̇ивасзна. сахаж̇аад̇аад̣̇ибажжаяанаязнаад̇и сахаж̇аад̇аад̣̇ибажжаяавид̇хинаа. бадисанд̇хивин̃н̃аан̣ан̃хи ад̇д̇анаа сахаж̇аад̇анаамасса сахаж̇аад̇аан̃н̃аман̃н̃авибаагинд̣̇рияасамбаяуд̇д̇аад̇т̇иавиг̇ад̇абажжаязхи бажжаяо хонд̇оязва аахаарабажжаяад̇ааяа д̇ам̣ аахаарзд̇и вуд̇д̇ам̣, сахаж̇аад̇аруубзсу бана вад̇т̇уно самбаяуд̇д̇абажжаяам̣ табзд̇ваа виббаяуд̇д̇абажжаязна, сзсаруубаанам̣ ан̃н̃аман̃н̃абажжаяан̃жа табзд̇ваа ид̇арзсам̣ бажжаяаанам̣ васзна яож̇анаа гаад̇аб̣б̣аа. д̇аанийд̇и набум̣саганид̣̇д̣̇зсо анабум̣сагаанамби набум̣сагзхи саха важанад̇о. саасавагусалаагусалажзд̇анаава вуд̇д̇аа висзсабажжаяабхаавад̣̇ассанам̣ хзд̇анд̇и, д̇знааха ‘‘ависзсзна банаа’’д̇иаад̣̇и. бадисанд̇хивин̃н̃аан̣амзва вуд̇д̇анд̇и зд̇т̇ааби зсзва наяо. яат̇аа д̇асса д̇асса паласса висзсад̇о бажжаяад̇ааяа зд̇зсам̣ аахаарад̇т̇о, звам̣ ависзсад̇обийд̇и д̣̇ассзд̇ум̣ ‘‘ависзсзнаа’’д̇иаад̣̇и вуд̇д̇ам̣. д̇ад̇т̇а д̇ам̣самбаяуд̇д̇ад̇ам̣самудтаанад̇хаммаананд̇и д̇зхи пассаад̣̇ийхи самбаяуд̇д̇ад̇хаммаанан̃жзва д̇ам̣самудтаанаруубад̇хаммаанан̃жа. д̇ад̇т̇а самбаяуд̇д̇аг̇г̇ахан̣ам̣ яат̇аарахад̇о д̣̇адтаб̣б̣ам̣, самудтаанаг̇г̇ахан̣ам̣ бана ависзсад̇о.
Sabbathāpīti idhāpi phassāhāre vuttanayānusārena attho veditabbo. Tisantativasenāti kāyadasakaṃ bhāvadasakaṃ vatthudasakanti tividhasantativasena. Sahajātādipaccayanayenāti sahajātādipaccayavidhinā. Paṭisandhiviññāṇañhi attanā sahajātanāmassa sahajātaaññamaññavipākindriyasampayuttaatthiavigatapaccayehi paccayo hontoyeva āhārapaccayatāya taṃ āhāreti vuttaṃ, sahajātarūpesu pana vatthuno sampayuttapaccayaṃ ṭhapetvā vippayuttapaccayena, sesarūpānaṃ aññamaññapaccayañca ṭhapetvā itaresaṃ paccayānaṃ vasena yojanā kātabbā. Tānīti napuṃsakaniddeso anapuṃsakānampi napuṃsakehi saha vacanato. Sāsavakusalākusalacetanāva vuttā visesapaccayabhāvadassanaṃ hetanti, tenāha ‘‘avisesena panā’’tiādi. Paṭisandhiviññāṇameva vuttanti etthāpi eseva nayo. Yathā tassa tassa phalassa visesato paccayatāya etesaṃ āhārattho, evaṃ avisesatopīti dassetuṃ ‘‘avisesenā’’tiādi vuttaṃ. Tattha taṃsampayuttataṃsamuṭṭhānadhammānanti tehi phassādīhi sampayuttadhammānañceva taṃsamuṭṭhānarūpadhammānañca. Tattha sampayuttaggahaṇaṃ yathārahato daṭṭhabbaṃ, samuṭṭhānaggahaṇaṃ pana avisesato.
убад̇т̇амбхзнд̇о аахаарагижжам̣ саад̇хзд̇ийд̇и убад̇т̇амбхзнд̇о зва руубам̣ самудтаабзд̇и, ож̇адтамагасамудтаабанзнзва банасса убат̇амбханагижжасид̣̇д̇хи. пусанд̇оязваад̇и пусанагижжам̣ гаронд̇о зва. ааяуухамаанааваад̇и жзд̇аяамаанаа зва абхисанд̣̇аханд̇ий зва. виж̇аананд̇амзваад̇и убабад̇д̇ибаригаббанавасзна виж̇аананд̇амзва аахаарагижжам̣ саад̇хзд̇ийд̇и яож̇анаа. саб̣б̣ад̇т̇а аахаарагижжасаад̇ханан̃жа д̇зсам̣ взд̣̇анаад̣̇иуббад̇д̇ихзд̇уд̇ааяа ад̇д̇абхаавасса бавад̇д̇анамзва. гааяадтабанзнаад̇и гасмаа вуд̇д̇ам̣, нану гаммаж̇аад̣̇ируубам̣ гаммаад̣̇инаава бавад̇д̇ад̇ийд̇и жод̣̇анам̣ санд̇хааяааха ‘‘гаммаж̇анид̇обий’’д̇иаад̣̇и.
Upatthambhento āhārakiccaṃ sādhetīti upatthambhento eva rūpaṃ samuṭṭhāpeti, ojaṭṭhamakasamuṭṭhāpaneneva panassa upathambhanakiccasiddhi. Phusantoyevāti phusanakiccaṃ karonto eva. Āyūhamānāvāti cetayamānā eva abhisandahantī eva. Vijānantamevāti upapattiparikappanavasena vijānantameva āhārakiccaṃ sādhetīti yojanā. Sabbattha āhārakiccasādhanañca tesaṃ vedanādiuppattihetutāya attabhāvassa pavattanameva. Kāyaṭṭhapanenāti kasmā vuttaṃ, nanu kammajādirūpaṃ kammādināva pavattatīti codanaṃ sandhāyāha ‘‘kammajanitopī’’tiādi.
убаад̣̇ин̣н̣аруубасанд̇ад̇ияаа убад̇т̇амбханзнзва уд̇ужид̇д̇аж̇аруубасанд̇ад̇ийнамби убад̇т̇амбханасид̣̇д̇хи ход̇ийд̇и ‘‘д̣̇виннам̣ руубасанд̇ад̇ийна’’нд̇и вуд̇д̇ам̣. убад̇т̇амбханамзва санд̇хааяа ‘‘анубаалаго худ̇ваа’’д̇и жа вуд̇д̇ам̣. руубагааяасса тид̇ихзд̇уд̇аа хи яаабанаа анубааланаа. сукаад̣̇ивад̇т̇убхууд̇анд̇и сукаад̣̇ийнам̣ бавад̇д̇идтаанабхууд̇ам̣. аарамман̣амби хи васад̇и зд̇т̇а аарамман̣агаран̣авасзна д̇ад̣̇аарамман̣аа д̇хаммаад̇и вад̇т̇ууд̇и вужжад̇и. пусанд̇оязваад̇и ид̣̇ам̣ пассасса пусанасабхаавад̇д̇аа вуд̇д̇ам̣. на хи д̇хаммаанам̣ сабхаавзна винаа бавад̇д̇и ад̇т̇и, взд̣̇анаабавад̇д̇ияаа винаа сад̇д̇аанам̣ санд̇хааванад̇аа над̇т̇ийд̇и ааха ‘‘сукаад̣̇и…бз… ход̇ий’’д̇и. на жзд̇т̇а сан̃н̃ийбхавагат̇ааяам̣ асан̃н̃ийбхаво д̣̇ассзд̇аб̣б̣о, д̇ассааби ваа гааран̣абхууд̇авзд̣̇анаабавад̇д̇ивасзнзва тид̇ияаа хзд̇уно аб̣яаабид̇ад̇д̇аа, д̇ат̇аа хи ‘‘маносан̃жзд̇анаа…бз… бхавамууланибпаад̣̇анад̇о сад̇д̇аанам̣ тид̇ияаа ход̇ий’’д̇и вуд̇д̇аа. д̇ад̇о зва вин̃н̃аан̣ам̣ виж̇аананд̇амзваад̇и убабад̇д̇ибаригаббанавасзна виж̇аананд̇амзваад̇и вуд̇д̇овааяамад̇т̇о.
Upādiṇṇarūpasantatiyā upatthambhaneneva utucittajarūpasantatīnampi upatthambhanasiddhi hotīti ‘‘dvinnaṃ rūpasantatīna’’nti vuttaṃ. Upatthambhanameva sandhāya ‘‘anupālako hutvā’’ti ca vuttaṃ. Rūpakāyassa ṭhitihetutā hi yāpanā anupālanā. Sukhādivatthubhūtanti sukhādīnaṃ pavattiṭṭhānabhūtaṃ. Ārammaṇampi hi vasati ettha ārammaṇakaraṇavasena tadārammaṇā dhammāti vatthūti vuccati. Phusantoyevāti idaṃ phassassa phusanasabhāvattā vuttaṃ. Na hi dhammānaṃ sabhāvena vinā pavatti atthi, vedanāpavattiyā vinā sattānaṃ sandhāvanatā natthīti āha ‘‘sukhādi…pe… hotī’’ti. Na cettha saññībhavakathāyaṃ asaññībhavo dassetabbo, tassāpi vā kāraṇabhūtavedanāpavattivaseneva ṭhitiyā hetuno abyāpitattā, tathā hi ‘‘manosañcetanā…pe… bhavamūlanipphādanato sattānaṃ ṭhitiyā hotī’’ti vuttā. Tato eva viññāṇaṃ vijānantamevāti upapattiparikappanavasena vijānantamevāti vuttovāyamattho.
жад̇д̇аари бхаяаани д̣̇адтаб̣б̣аани аад̣̇ийнававибхааванад̇о. ниганд̇ийд̇и нигааманаа, расад̇ан̣хам̣ санд̇хааяа вад̣̇ад̇и. саа хи габ̣ал̣ийгаарз аахаарз б̣алавад̇ий, д̇знзвзд̇т̇а авад̇хааран̣ам̣ гад̇ам̣. бхааяад̇и зд̇асмаад̇и бхаяам̣, ниганд̇иязва бхаяам̣ махаанад̇т̇ахзд̇уд̇о. убаг̇аманам̣ висаяинд̣̇рияавин̃н̃аан̣зсу висаяавин̃н̃аан̣зсу жа сан̇г̇ад̇ивасзна бавад̇д̇и, д̇ам̣ взд̣̇анаад̣̇иуббад̇д̇ихзд̇уд̇ааяа ‘‘бхаяа’’нд̇и вуд̇д̇ам̣. авад̇хааран̣з баяож̇анам̣ вуд̇д̇анаяамзва. сзсад̣̇ваязби зсзва наяо. ааяууханам̣ абхисанд̣̇аханам̣, сам̣вид̇хаананд̇иби вад̣̇анд̇и. д̇ам̣ бхавуубабад̇д̇ихзд̇уд̇ааяа ‘‘бхаяа’’нд̇и вуд̇д̇ам̣. абхинибаад̇о д̇ад̇т̇а д̇ад̇т̇а бхавз бадисанд̇хиг̇г̇ахан̣авасзна вин̃н̃аан̣асса ниб̣б̣ад̇д̇и. со бхавуубабад̇д̇ихзд̇угаанам̣ саб̣б̣зсам̣ анад̇т̇аанам̣ муулагааран̣ад̇ааяа ‘‘бхаяа’’нд̇и вуд̇д̇ам̣. ид̣̇аани ниганд̇иаад̣̇ийнам̣ саббадибхаяад̇ам̣ вид̇т̇аарад̇о д̣̇ассзд̇ум̣ ‘‘гим̣ гааран̣аа’’д̇иаад̣̇и аарад̣̇д̇хам̣. д̇ад̇т̇а ниганд̇им̣ гад̇ваад̇и аалаяам̣ ж̇анзд̇ваа, д̇ан̣хам̣ уббаад̣̇зд̇ваад̇и ад̇т̇о. сийд̇аад̣̇ийнам̣ бурагкад̇аад̇и сийд̇аад̣̇ийнам̣ бурад̇о тид̇аа, сийд̇аад̣̇ийхи б̣аад̇хияамаанаад̇и ад̇т̇о.
Cattāri bhayāni daṭṭhabbāni ādīnavavibhāvanato. Nikantīti nikāmanā, rasataṇhaṃ sandhāya vadati. Sā hi kabaḷīkāre āhāre balavatī, tenevettha avadhāraṇaṃ kataṃ. Bhāyati etasmāti bhayaṃ, nikantiyevabhayaṃ mahānatthahetuto. Upagamanaṃ visayindriyaviññāṇesu visayaviññāṇesu ca saṅgativasena pavatti, taṃ vedanādiuppattihetutāya ‘‘bhaya’’nti vuttaṃ. Avadhāraṇe payojanaṃ vuttanayameva. Sesadvayepi eseva nayo. Āyūhanaṃ abhisandahanaṃ, saṃvidhānantipi vadanti. Taṃ bhavūpapattihetutāya ‘‘bhaya’’nti vuttaṃ. Abhinipāto tattha tattha bhave paṭisandhiggahaṇavasena viññāṇassa nibbatti. So bhavūpapattihetukānaṃ sabbesaṃ anatthānaṃ mūlakāraṇatāya ‘‘bhaya’’nti vuttaṃ. Idāni nikantiādīnaṃ sappaṭibhayataṃ vitthārato dassetuṃ ‘‘kiṃ kāraṇā’’tiādi āraddhaṃ. Tattha nikantiṃ katvāti ālayaṃ janetvā, taṇhaṃ uppādetvāti attho. Sītādīnaṃ purakkhatāti sītādīnaṃ purato ṭhitā, sītādīhi bādhiyamānāti attho.
пассам̣ убаг̇ажчанд̇аад̇и жагкусампассаад̣̇ибхзд̣̇ам̣ пассам̣ бавад̇д̇знд̇аа. пассассаад̣̇инод̇и гааяасампассавасзна подтаб̣б̣асан̇каад̇асса ассаад̣̇анасийлаа. гааяасампассавасзна хи сад̇д̇аанам̣ подтаб̣б̣ад̇ан̣хаа бавад̇д̇ад̇ийд̇и д̣̇ассзд̇ум̣ пассаахаараад̣̇ийнавад̣̇ассанз подтаб̣б̣аарамман̣ам̣ уд̣̇д̇хадам̣ ‘‘барзсам̣ рагкид̇аг̇обид̇зсуу’’д̇иаад̣̇инаа. пассассаад̣̇инод̇и ваа пассаахаарассаад̣̇инод̇и ад̇т̇о. сад̇и хи пассаахаарз сад̇д̇аанам̣ пассаарамман̣з ассаад̣̇о, наасад̇и, д̇знааха ‘‘пассассаад̣̇амуулага’’нд̇иаад̣̇и.
Phassaṃ upagacchantāti cakkhusamphassādibhedaṃ phassaṃ pavattentā. Phassassādinoti kāyasamphassavasena phoṭṭhabbasaṅkhātassa assādanasīlā. Kāyasamphassavasena hi sattānaṃ phoṭṭhabbataṇhā pavattatīti dassetuṃ phassāhārādīnavadassane phoṭṭhabbārammaṇaṃ uddhaṭaṃ ‘‘paresaṃ rakkhitagopitesū’’tiādinā. Phassassādinoti vā phassāhārassādinoti attho. Sati hi phassāhāre sattānaṃ phassārammaṇe assādo, nāsati, tenāha ‘‘phassassādamūlaka’’ntiādi.
ж̇аад̇инимид̇д̇асса бхаяасса абхинибаад̇асабхаавзна г̇ахид̇ад̇д̇аа ‘‘д̇аммуулага’’нд̇и вуд̇д̇ам̣. гаммааяуухананимид̇д̇анд̇и ад̇т̇о. бхаяам̣ саб̣б̣анд̇и бан̃жавийсад̇и, д̇ивид̇хамахаабхаяам̣, ан̃н̃ан̃жа саб̣б̣абхаяам̣ ааг̇ад̇амзва ход̇и бхаяаад̇хидтаанасса ад̇д̇абхаавасса нибпаад̣̇анад̇о.
Jātinimittassa bhayassa abhinipātasabhāvena gahitattā ‘‘tammūlaka’’nti vuttaṃ. Kammāyūhananimittanti attho. Bhayaṃ sabbanti pañcavīsati, tividhamahābhayaṃ, aññañca sabbabhayaṃ āgatameva hoti bhayādhiṭṭhānassa attabhāvassa nipphādanato.
абхинибад̇ад̇ийд̇и абхиниб̣б̣ад̇д̇ад̇и. батамаабхиниб̣б̣ад̇д̇и хи сад̇д̇аанам̣ д̇ад̇т̇а д̇ад̇т̇а ан̇г̇аарагаасусад̣̇исз бхавз абхинибаад̇асад̣̇исий. д̇аммуулагад̇д̇аад̇и наамаруубаниб̣б̣ад̇д̇имуулагад̇д̇аа. саб̣б̣абхаяаанам̣ абхинибаад̇оязва бхаяам̣ бхааяад̇и зд̇асмаад̇и гад̇ваа.
Abhinipatatīti abhinibbattati. Paṭhamābhinibbatti hi sattānaṃ tattha tattha aṅgārakāsusadise bhave abhinipātasadisī. Tammūlakattāti nāmarūpanibbattimūlakattā. Sabbabhayānaṃ abhinipātoyeva bhayaṃ bhāyati etasmāti katvā.
аббзд̇и вияаад̇и паласса ад̇д̇алаабхахзд̇убхаавад̇о гааран̣ам̣, д̇ам̣ нияяаад̣̇зд̇и вияа. д̇анд̇и палам̣. д̇ад̇од̇и гааран̣ад̇о. зд̇зсанд̇и аахаараанам̣ . яат̇аавуд̇д̇знаад̇и ‘‘палам̣ нид̣̇зд̇ий’’д̇иаад̣̇инаа вуд̇д̇аббагаарзна ад̇т̇зна. саб̣б̣абад̣̇зсууд̇и ‘‘взд̣̇анаанирод̇хзнаа’’д̇иаад̣̇ийсу саб̣б̣зсу бад̣̇зсу.
Appeti viyāti phalassa attalābhahetubhāvato kāraṇaṃ, taṃ niyyādeti viya. Tanti phalaṃ. Tatoti kāraṇato. Etesanti āhārānaṃ . Yathāvuttenāti ‘‘phalaṃ nidetī’’tiādinā vuttappakārena atthena. Sabbapadesūti ‘‘vedanānirodhenā’’tiādīsu sabbesu padesu.
бадисанд̇хим̣ аад̣̇им̣ гад̇ваад̇и бадисанд̇хигкан̣ам̣ аад̣̇им̣ гад̇ваа. убаад̣̇ин̣н̣агааахаарз санд̇хааяа ‘‘ад̇д̇абхаавасан̇каад̇аанам̣ аахаараана’’нд̇и вуд̇д̇ам̣. д̇з хи ниббарияааяад̇о д̇ан̣хаанид̣̇аанаа. барибун̣н̣ааяад̇анаанам̣ сад̇д̇аанам̣ сад̇д̇асанд̇ад̇ивасзнаад̇и барибун̣н̣ааяад̇анаанам̣ сабхаавагаанам̣ жагку сод̇ам̣ гхаанам̣ ж̇ивхаа гааяо бхааво вад̇т̇ууд̇и имзсам̣ сад̇д̇аннам̣ санд̇ад̇ийнам̣ васзна. сзсаанам̣ абарибун̣н̣ааяад̇анаанам̣ анд̇хаб̣ад̇хираабхаавагаанам̣. уунауунасанд̇ад̇ивасзнаад̇и жагкунаа, сод̇зна, д̇ад̣̇убхаязна, бхаавзна жа уунауунасанд̇ад̇ивасзна. бадисанд̇хияам̣ ж̇аад̇аа бадисанд̇хигаа. батамабхаван̇г̇ажид̇д̇агкан̣аад̣̇ийд̇и аад̣̇и-сад̣̇д̣̇зна д̇ад̣̇аарамман̣ажид̇д̇асса сан̇г̇ахо д̣̇адтаб̣б̣о.
Paṭisandhiṃ ādiṃ katvāti paṭisandhikkhaṇaṃ ādiṃ katvā. Upādiṇṇakaāhāre sandhāya ‘‘attabhāvasaṅkhātānaṃ āhārāna’’nti vuttaṃ. Te hi nippariyāyato taṇhānidānā. Paripuṇṇāyatanānaṃ sattānaṃ sattasantativasenāti paripuṇṇāyatanānaṃ sabhāvakānaṃ cakkhu sotaṃ ghānaṃ jivhā kāyo bhāvo vatthūti imesaṃ sattannaṃ santatīnaṃ vasena. Sesānaṃ aparipuṇṇāyatanānaṃ andhabadhiraabhāvakānaṃ. Ūnaūnasantativasenāti cakkhunā, sotena, tadubhayena, bhāvena ca ūnaūnasantativasena. Paṭisandhiyaṃ jātā paṭisandhikā. Paṭhamabhavaṅgacittakkhaṇādīti ādi-saddena tadārammaṇacittassa saṅgaho daṭṭhabbo.
д̇ан̣хааяаби нид̣̇аанам̣ ж̇аанаад̇ийд̇и яож̇анаа. д̇ан̣хаанид̣̇аананд̇иби баато. ваддам̣ д̣̇ассзд̇ваад̇и саруубад̇о наяад̇о жа сагаламзва ваддам̣ д̣̇ассзд̇ваа. ид̣̇аани д̇амад̇т̇ам̣ вид̇т̇аарад̇о вибхаавзд̇ум̣ ‘‘имасмин̃жа бана таанз’’д̇иаад̣̇имааха. ад̇ийд̇аабхимукам̣ д̣̇зсанам̣ гад̇ваад̇и бажжуббаннабхавад̇о бадтааяа ад̇ийд̇ад̇хаммаабхимукам̣ д̇аб̣б̣исаяам̣ д̣̇зсанам̣ гад̇ваа д̇ат̇аагааран̣зна. ад̇ийд̇зна ваддам̣ д̣̇ассзд̇ийд̇и ад̇ийд̇абхавзна гаммагилзсавибаагаваддам̣ д̣̇ассзд̇и. ад̇д̇абхаавод̇и бажжуббанно ад̇д̇абхааво. яад̣̇и звам̣ гасмаа ‘‘ад̇ийд̇зна ваддам̣ д̣̇ассзд̇ий’’д̇и вуд̇д̇анд̇и? нааяам̣ д̣̇осо ‘‘ад̇ийд̇знзваа’’д̇и анавад̇хааран̣ад̇о, зван̃жа гад̇ваа ад̇ийд̇аабхимукаг̇г̇ахан̣ам̣ ж̇анагагаммам̣ г̇ахид̇ам̣, д̇ан̣хаасийсзна наананд̇арияабхаавад̇о. на хи гаммунаа винаа д̇ан̣хаа бхаванзд̇д̇и яуж̇ж̇ад̇и.
Taṇhāyapi nidānaṃ jānātīti yojanā. Taṇhānidānantipi pāṭho. Vaṭṭaṃ dassetvāti sarūpato nayato ca sakalameva vaṭṭaṃ dassetvā. Idāni tamatthaṃ vitthārato vibhāvetuṃ ‘‘imasmiñca pana ṭhāne’’tiādimāha. Atītābhimukhaṃ desanaṃ katvāti paccuppannabhavato paṭṭhāya atītadhammābhimukhaṃ tabbisayaṃ desanaṃ katvā tathākāraṇena. Atītena vaṭṭaṃ dassetīti atītabhavena kammakilesavipākavaṭṭaṃ dasseti. Attabhāvoti paccuppanno attabhāvo. Yadi evaṃ kasmā ‘‘atītena vaṭṭaṃ dassetī’’ti vuttanti? Nāyaṃ doso ‘‘atītenevā’’ti anavadhāraṇato, evañca katvā atītābhimukhaggahaṇaṃ janakakammaṃ gahitaṃ, taṇhāsīsena nānantariyabhāvato. Na hi kammunā vinā taṇhā bhavanetti yujjati.
д̇ам̣ гамманд̇и д̇ан̣хаасийсзна вуд̇д̇агаммам̣. д̣̇ассзд̇унд̇и д̇ам̣ ад̇ийд̇ам̣ ад̇д̇абхаавам̣ д̣̇ассзд̇ум̣. д̇ассад̇д̇абхаавасса ж̇анагам̣ гамманд̇и д̇асса яат̇аавуд̇д̇асса ад̇д̇абхаавасса ж̇анагам̣. д̇ад̇о барамби ад̇д̇абхаавам̣ ааяуухид̇ам̣ гаммам̣ д̣̇ассзд̇ум̣ вуд̇д̇ам̣. авиж̇ж̇аа жа наама д̇ан̣хаа вияа гаммад̇д̇аад̇и гаммассзва г̇ахан̣ам̣. д̣̇вийсу таанзсууд̇и аахаараг̇г̇ахан̣зна взд̣̇анаад̣̇иг̇г̇ахан̣знаад̇и д̣̇вийсу таанзсу. ад̇д̇абхаавод̇и бажжуббаннагаалиго ад̇ийд̇агаалиго жа ад̇д̇абхааво. буна д̣̇вийсууд̇и д̇ан̣хааг̇г̇ахан̣з авиж̇ж̇аасан̇каараг̇г̇ахан̣зд̇и д̣̇вийсу таанзсу. д̇асса ж̇анаганд̇и бажжуббаннасса жзва ад̇ийд̇асса жа ад̇д̇абхаавасса ж̇анагам̣ гаммам̣ вуд̇д̇анд̇и яож̇анаа . гаммаг̇г̇ахан̣зна жзд̇т̇а яад̇т̇а д̇ам̣ гаммам̣ ааяуухид̇ам̣, саа ад̇ийд̇аа ж̇аад̇и ад̇т̇ад̇о д̣̇ассид̇аа ход̇и. д̇зна сам̣саараваддасса анамад̇аг̇г̇ад̇ам̣ д̣̇ийбзд̇и. сан̇кзбзнаад̇и сан̇кзбзна хзд̇убан̃жагапалабан̃жагаг̇г̇ахан̣амби хи сан̇кзбо зва хзд̇упалабхаавзна сан̇г̇ахзд̇аб̣б̣ад̇хаммаанам̣ анзгавид̇хад̇д̇аа.
Taṃ kammanti taṇhāsīsena vuttakammaṃ. Dassetunti taṃ atītaṃ attabhāvaṃ dassetuṃ. Tassattabhāvassa janakaṃ kammanti tassa yathāvuttassa attabhāvassa janakaṃ. Tato parampi attabhāvaṃ āyūhitaṃ kammaṃ dassetuṃ vuttaṃ. Avijjā ca nāma taṇhā viya kammattāti kammasseva gahaṇaṃ. Dvīsu ṭhānesūti āhāraggahaṇena vedanādiggahaṇenāti dvīsu ṭhānesu. Attabhāvoti paccuppannakāliko atītakāliko ca attabhāvo. Puna dvīsūti taṇhāggahaṇe avijjāsaṅkhāraggahaṇeti dvīsu ṭhānesu. Tassa janakanti paccuppannassa ceva atītassa ca attabhāvassa janakaṃ kammaṃ vuttanti yojanā . Kammaggahaṇena cettha yattha taṃ kammaṃ āyūhitaṃ, sā atītā jāti atthato dassitā hoti. Tena saṃsāravaṭṭassa anamataggataṃ dīpeti. Saṅkhepenāti saṅkhepena hetupañcakaphalapañcakaggahaṇampi hi saṅkhepo eva hetuphalabhāvena saṅgahetabbadhammānaṃ anekavidhattā.
яад̣̇и ад̇ийд̇зна ваддам̣ д̣̇ассид̇ам̣, звам̣ сад̇и саббад̣̇зсаа бадижжасамуббаад̣̇ад̇хаммад̣̇зсанаа ход̇ийд̇и д̣̇ассзнд̇о ‘‘д̇ад̇рааяа’’нд̇иаад̣̇имааха. д̇зна хи яад̣̇иби саруубад̇о анааг̇ад̇зна ваддам̣ ид̇ха на д̣̇ассид̇ам̣, наяад̇о бана д̇ассаби д̣̇ассид̇ад̇д̇аа ниббад̣̇зсаа зва бадижжасамуббаад̣̇ад̣̇зсанаад̇и д̣̇ассзд̇и. ид̣̇аани д̇амад̇т̇ам̣ убамааяа вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. уд̣̇агабидтз нибаннанд̇и уд̣̇агам̣ бариблававасзна нибаннам̣. барабхааг̇анд̇и барауд̇д̇аман̇г̇абхааг̇ам̣. орад̇од̇и д̇ад̇о абарабхааг̇ад̇о ологзнд̇о. абарибун̣н̣од̇и вигалааваяаво. звам̣самбад̣̇анд̇иаад̣̇и убамааяа сам̣санд̣̇анам̣.
Yadi atītena vaṭṭaṃ dassitaṃ, evaṃ sati sappadesā paṭiccasamuppādadhammadesanā hotīti dassento ‘‘tatrāya’’ntiādimāha. Tena hi yadipi sarūpato anāgatena vaṭṭaṃ idha na dassitaṃ, nayato pana tassapi dassitattā nippadesā eva paṭiccasamuppādadesanāti dasseti. Idāni tamatthaṃ upamāya vibhāvetuṃ ‘‘yathā hī’’tiādi vuttaṃ. Udakapiṭṭhe nipannanti udakaṃ pariplavavasena nipannaṃ. Parabhāganti parauttamaṅgabhāgaṃ. Oratoti tato aparabhāgato olokento. Aparipuṇṇoti vikalāvayavo. Evaṃsampadantiādi upamāya saṃsandanaṃ.
яат̇аа хи г̇ийваа сарийрасанд̇хаарагаган̣д̣араанам̣ мууладтаанабхууд̇аа, звам̣ ад̇д̇абхаавасанд̇хаарагаанам̣ сан̇каараанам̣ муулабхууд̇аа д̇ан̣хаад̇и вуд̇д̇ам̣ ‘‘г̇ийвааяа д̣̇идтагаало’’д̇и. яат̇аа взд̣̇анаад̣̇ианзгааваяавасамуд̣̇ааяабхууд̇о ад̇д̇абхааво, звам̣ паасугабидтиган̣д̣агаад̣̇ианзгааваяавасамуд̣̇ааяабхууд̇аа бидтийд̇и ‘‘бидтияаа…бз… д̇асса д̣̇идтагаало’’д̇и вуд̇д̇ам̣. д̇ан̣хаасан̇каад̇анд̇и д̇ан̣хааяа гат̇ид̇ам̣. ид̇ха д̣̇зсанааяа бажжаяаа авиж̇ж̇аасан̇каараа взд̣̇ид̇аб̣б̣аад̇и ‘‘нан̇г̇удтамууласса д̣̇идтагаало вияаа’’д̇и вуд̇д̇ам̣. д̇ат̇аа хи барияосаанз ‘‘нан̇г̇удтамуулам̣ бассзяяаа’’д̇и убамаад̣̇ассанам̣ гад̇ам̣. наяад̇о барибун̣н̣абхааваг̇г̇ахан̣ам̣ взд̣̇ид̇аб̣б̣ам̣. баал̣ияам̣ анааг̇ад̇ассааби бажжаяаваддасса хзд̇увасзна палавасзна ваа барибун̣н̣абхаавасса мукамад̇д̇ад̣̇ассанийяад̇д̇аа аад̣̇ид̇о палахзд̇усанд̇хи, маж̇жхз хзд̇упаласанд̇хи, анд̇зби палахзд̇усанд̇хийд̇и звам̣ д̇исанд̇хигад̇д̇аа жад̇усан̇кзбамзва ваддам̣ д̣̇ассид̇анд̇и.
Yathā hi gīvā sarīrasandhārakakaṇḍarānaṃ mūlaṭṭhānabhūtā, evaṃ attabhāvasandhārakānaṃ saṅkhārānaṃ mūlabhūtā taṇhāti vuttaṃ ‘‘gīvāya diṭṭhakālo’’ti. Yathā vedanādianekāvayavasamudāyabhūto attabhāvo, evaṃ phāsukapiṭṭhikaṇḍakādianekāvayavasamudāyabhūtā piṭṭhīti ‘‘piṭṭhiyā…pe… tassa diṭṭhakālo’’ti vuttaṃ. Taṇhāsaṅkhātanti taṇhāya kathitaṃ. Idha desanāya paccayā avijjāsaṅkhārā veditabbāti ‘‘naṅguṭṭhamūlassa diṭṭhakālo viyā’’ti vuttaṃ. Tathā hi pariyosāne ‘‘naṅguṭṭhamūlaṃ passeyyā’’ti upamādassanaṃ kataṃ. Nayato paripuṇṇabhāvaggahaṇaṃ veditabbaṃ. Pāḷiyaṃ anāgatassāpi paccayavaṭṭassa hetuvasena phalavasena vā paripuṇṇabhāvassa mukhamattadassanīyattā ādito phalahetusandhi, majjhe hetuphalasandhi, antepi phalahetusandhīti evaṃ tisandhikattā catusaṅkhepameva vaṭṭaṃ dassitanti.
аахаарасуд̇д̇аван̣н̣анаа нидтид̇аа.
Āhārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аахаарасуд̇д̇ам̣ • 1. Āhārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. аахаарасуд̇д̇аван̣н̣анаа • 1. Āhārasuttavaṇṇanā
