| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൯. ആഘാതവത്ഥുസുത്തം
9. Āghātavatthusuttaṃ
൭൯. 1 ‘‘ദസയിമാനി, ഭിക്ഖവേ, ആഘാതവത്ഥൂനി. കതമാനി ദസ? ‘അനത്ഥം മേ അചരീ’തി ആഘാതം ബന്ധതി; ‘അനത്ഥം മേ ചരതീ’തി ആഘാതം ബന്ധതി; ‘അനത്ഥം മേ ചരിസ്സതീ’തി ആഘാതം ബന്ധതി; ‘പിയസ്സ മേ മനാപസ്സ അനത്ഥം അചരീ’തി…പേ॰… ‘അനത്ഥം ചരതീ’തി…പേ॰… ‘അനത്ഥം ചരിസ്സതീ’തി ആഘാതം ബന്ധതി, ‘അപ്പിയസ്സ മേ അമനാപസ്സ അത്ഥം അചരീ’തി…പേ॰… ‘അത്ഥം ചരതീ’തി…പേ॰… ‘അത്ഥം ചരിസ്സതീ’തി ആഘാതം ബന്ധതി; അട്ഠാനേ ച കുപ്പതി – ഇമാനി ഖോ, ഭിക്ഖവേ, ദസ ആഘാതവത്ഥൂനീ’’തി. നവമം.
79.2 ‘‘Dasayimāni, bhikkhave, āghātavatthūni. Katamāni dasa? ‘Anatthaṃ me acarī’ti āghātaṃ bandhati; ‘anatthaṃ me caratī’ti āghātaṃ bandhati; ‘anatthaṃ me carissatī’ti āghātaṃ bandhati; ‘piyassa me manāpassa anatthaṃ acarī’ti…pe… ‘anatthaṃ caratī’ti…pe… ‘anatthaṃ carissatī’ti āghātaṃ bandhati, ‘appiyassa me amanāpassa atthaṃ acarī’ti…pe… ‘atthaṃ caratī’ti…pe… ‘atthaṃ carissatī’ti āghātaṃ bandhati; aṭṭhāne ca kuppati – imāni kho, bhikkhave, dasa āghātavatthūnī’’ti. Navamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൯. ആഘാതവത്ഥുസുത്തവണ്ണനാ • 9. Āghātavatthusuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൫-൧൦. മിഗസാലാസുത്താദിവണ്ണനാ • 5-10. Migasālāsuttādivaṇṇanā
