| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. อาฆาตปฎิวินยสุตฺตํ
10. Āghātapaṭivinayasuttaṃ
๘๐. ‘‘ทสยิเม , ภิกฺขเว, อาฆาตปฎิวินยาฯ กตเม ทส? ‘อนตฺถํ เม อจริ, ตํ กุเตตฺถ ลพฺภา’ติ อาฆาตํ ปฎิวิเนติ , ‘อนตฺถํ เม จรติ, ตํ กุเตตฺถ ลพฺภา’ติ อาฆาตํ ปฎิวิเนติ, ‘อนตฺถํ เม จริสฺสติ, ตํ กุเตตฺถ ลพฺภา’ติ อาฆาตํ ปฎิวิเนติ, ปิยสฺส เม มนาปสฺส อนตฺถํ อจริ…เป.… จรติ…เป.… จริสฺสติ, ตํ กุเตตฺถ ลพฺภาติ อาฆาตํ ปฎิวิเนติ , อปฺปิยสฺส เม อมนาปสฺส อตฺถํ อจริ…เป.… อตฺถํ จรติ…เป.… อตฺถํ จริสฺสติ, ตํ กุเตตฺถ ลพฺภาติ อาฆาตํ ปฎิวิเนติ, อฎฺฐาเน จ น กุปฺปติ – อิเม โข, ภิกฺขเว, ทส อาฆาตปฎิวินยา’’ติฯ ทสมํฯ
80. ‘‘Dasayime , bhikkhave, āghātapaṭivinayā. Katame dasa? ‘Anatthaṃ me acari, taṃ kutettha labbhā’ti āghātaṃ paṭivineti , ‘anatthaṃ me carati, taṃ kutettha labbhā’ti āghātaṃ paṭivineti, ‘anatthaṃ me carissati, taṃ kutettha labbhā’ti āghātaṃ paṭivineti, piyassa me manāpassa anatthaṃ acari…pe… carati…pe… carissati, taṃ kutettha labbhāti āghātaṃ paṭivineti , appiyassa me amanāpassa atthaṃ acari…pe… atthaṃ carati…pe… atthaṃ carissati, taṃ kutettha labbhāti āghātaṃ paṭivineti, aṭṭhāne ca na kuppati – ime kho, bhikkhave, dasa āghātapaṭivinayā’’ti. Dasamaṃ.
อากงฺขวโคฺค ตติโยฯ
Ākaṅkhavaggo tatiyo.
ตสฺสุทฺทานํ –
Tassuddānaṃ –
อากโงฺข กณฺฎโก อิฎฺฐา, วฑฺฒิ จ มิคสาลาย;
Ākaṅkho kaṇṭako iṭṭhā, vaḍḍhi ca migasālāya;
ตโย ธมฺมา จ กาโก จ, นิคณฺฐา เทฺว จ อาฆาตาติฯ
Tayo dhammā ca kāko ca, nigaṇṭhā dve ca āghātāti.
Related texts:
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕-๑๐. มิคสาลาสุตฺตาทิวณฺณนา • 5-10. Migasālāsuttādivaṇṇanā
