| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. အဃမူလသုတ္တံ
10. Aghamūlasuttaṃ
၃၁. သာဝတ္ထိနိဒာနံ။ ‘‘အဃဉ္စ, ဘိက္ခဝေ, ဒေသေသ္သာမိ အဃမူလဉ္စ။ တံ သုဏာထ။ ကတမဉ္စ ဘိက္ခဝေ အဃံ? ရူပံ, ဘိက္ခဝေ, အဃံ, ဝေဒနာ အဃံ, သညာ အဃံ, သင္ခာရာ အဃံ, ဝိညာဏံ အဃံ။ ဣဒံ ဝုစ္စတိ, ဘိက္ခဝေ, အဃံ။ ကတမဉ္စ, ဘိက္ခဝေ, အဃမူလံ? ယာယံ တဏ္ဟာ ပောနောဘဝိကာ နန္ဒီရာဂသဟဂတာ 1 တတ္ရတတ္ရာဘိနန္ဒိနီ; သေယ္ယထိဒံ – ကာမတဏ္ဟာ, ဘဝတဏ္ဟာ, ဝိဘဝတဏ္ဟာ။ ဣဒံ ဝုစ္စတိ, ဘိက္ခဝေ, အဃမူလ’’န္တိ။ ဒသမံ။
31. Sāvatthinidānaṃ. ‘‘Aghañca, bhikkhave, desessāmi aghamūlañca. Taṃ suṇātha. Katamañca bhikkhave aghaṃ? Rūpaṃ, bhikkhave, aghaṃ, vedanā aghaṃ, saññā aghaṃ, saṅkhārā aghaṃ, viññāṇaṃ aghaṃ. Idaṃ vuccati, bhikkhave, aghaṃ. Katamañca, bhikkhave, aghamūlaṃ? Yāyaṃ taṇhā ponobhavikā nandīrāgasahagatā 2 tatratatrābhinandinī; seyyathidaṃ – kāmataṇhā, bhavataṇhā, vibhavataṇhā. Idaṃ vuccati, bhikkhave, aghamūla’’nti. Dasamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. အဃမူလသုတ္တဝဏ္ဏနာ • 10. Aghamūlasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. အဃမူလသုတ္တဝဏ္ဏနာ • 10. Aghamūlasuttavaṇṇanā
