| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. অঘমূলসুত্তং
10. Aghamūlasuttaṃ
৩১. সাৰত্থিনিদানং। ‘‘অঘঞ্চ, ভিক্খৰে, দেসেস্সামি অঘমূলঞ্চ। তং সুণাথ। কতমঞ্চ ভিক্খৰে অঘং? রূপং, ভিক্খৰে, অঘং, ৰেদনা অঘং, সঞ্ঞা অঘং, সঙ্খারা অঘং, ৰিঞ্ঞাণং অঘং। ইদং ৰুচ্চতি, ভিক্খৰে, অঘং। কতমঞ্চ, ভিক্খৰে, অঘমূলং? যাযং তণ্হা পোনোভৰিকা নন্দীরাগসহগতা 1 তত্রতত্রাভিনন্দিনী; সেয্যথিদং – কামতণ্হা, ভৰতণ্হা, ৰিভৰতণ্হা। ইদং ৰুচ্চতি, ভিক্খৰে, অঘমূল’’ন্তি। দসমং।
31. Sāvatthinidānaṃ. ‘‘Aghañca, bhikkhave, desessāmi aghamūlañca. Taṃ suṇātha. Katamañca bhikkhave aghaṃ? Rūpaṃ, bhikkhave, aghaṃ, vedanā aghaṃ, saññā aghaṃ, saṅkhārā aghaṃ, viññāṇaṃ aghaṃ. Idaṃ vuccati, bhikkhave, aghaṃ. Katamañca, bhikkhave, aghamūlaṃ? Yāyaṃ taṇhā ponobhavikā nandīrāgasahagatā 2 tatratatrābhinandinī; seyyathidaṃ – kāmataṇhā, bhavataṇhā, vibhavataṇhā. Idaṃ vuccati, bhikkhave, aghamūla’’nti. Dasamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. অঘমূলসুত্তৰণ্ণনা • 10. Aghamūlasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. অঘমূলসুত্তৰণ্ণনা • 10. Aghamūlasuttavaṇṇanā
