| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩. అగ్గిసుత్తవణ్ణనా
3. Aggisuttavaṇṇanā
౨౩౪. తతియే సతిఞ్చ ఖ్వాహం, భిక్ఖవే, సబ్బత్థికం వదామీతి లోణధూపనం వియ సబ్బకమ్మికామచ్చం వియ చ సబ్బత్థ ఇచ్ఛితబ్బం వదామీతి అత్థో. యథా హి లోణధూపనం సబ్బబ్యఞ్జనేసుపి నివిసతి, యథా చ సబ్బకమ్మికో అమచ్చో యోధకమ్మమ్పి కరోతి మన్తకమ్మమ్పి పటిహారకమ్మమ్పీతి సబ్బకిచ్చాని సాధేతి, ఏవం ఉద్ధతస్స చిత్తస్స నిగ్గణ్హనం, లీనస్స పగ్గణ్హనన్తి సబ్బమేతం సతియా ఇజ్ఝతి, న సక్కా వినా సతియా ఏతం సమ్పాదేతుం, తస్మా ఏవమాహ. ఇమస్మిం సుత్తే పుబ్బభాగవిపస్సనా బోజ్ఝఙ్గావ కథితా.
234. Tatiye satiñca khvāhaṃ, bhikkhave, sabbatthikaṃ vadāmīti loṇadhūpanaṃ viya sabbakammikāmaccaṃ viya ca sabbattha icchitabbaṃ vadāmīti attho. Yathā hi loṇadhūpanaṃ sabbabyañjanesupi nivisati, yathā ca sabbakammiko amacco yodhakammampi karoti mantakammampi paṭihārakammampīti sabbakiccāni sādheti, evaṃ uddhatassa cittassa niggaṇhanaṃ, līnassa paggaṇhananti sabbametaṃ satiyā ijjhati, na sakkā vinā satiyā etaṃ sampādetuṃ, tasmā evamāha. Imasmiṃ sutte pubbabhāgavipassanā bojjhaṅgāva kathitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. అగ్గిసుత్తం • 3. Aggisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. అగ్గిసుత్తవణ్ణనా • 3. Aggisuttavaṇṇanā
