| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
4. аг̇г̇исуд̇д̇ам̣
4. Aggisuttaṃ
93. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
93. Vuttañhetaṃ bhagavatā, vuttamarahatāti me sutaṃ –
‘‘д̇аяомз, бхигкавз, аг̇г̇ий. гад̇амз д̇аяо? рааг̇аг̇г̇и, д̣̇осаг̇г̇и, мохаг̇г̇и – имз ко, бхигкавз, д̇аяо аг̇г̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Tayome, bhikkhave, aggī. Katame tayo? Rāgaggi, dosaggi, mohaggi – ime kho, bhikkhave, tayo aggī’’ti. Etamatthaṃ bhagavā avoca. Tatthetaṃ iti vuccati –
‘‘рааг̇аг̇г̇и д̣̇ахад̇и мажжз, рад̇д̇з гаамзсу мужчид̇з;
‘‘Rāgaggi dahati macce, ratte kāmesu mucchite;
д̣̇осаг̇г̇и бана б̣яаабаннз, нарз баан̣аад̇ибаад̇ино.
Dosaggi pana byāpanne, nare pāṇātipātino.
‘‘мохаг̇г̇и бана саммуул̣хз, арияад̇хаммз аговид̣̇з;
‘‘Mohaggi pana sammūḷhe, ariyadhamme akovide;
зд̇з аг̇г̇ий аж̇аананд̇аа, саггааяаабхирад̇аа баж̇аа.
Ete aggī ajānantā, sakkāyābhiratā pajā.
‘‘д̇з вад̣дхаяанд̇и нираяам̣, д̇иражчаанан̃жа яонияо;
‘‘Te vaḍḍhayanti nirayaṃ, tiracchānañca yoniyo;
асурам̣ бзд̇д̇ивисаяам̣, амуд̇д̇аа маараб̣анд̇ханаа.
Asuraṃ pettivisayaṃ, amuttā mārabandhanā.
‘‘яз жа рад̇д̇инд̣̇иваа яуд̇д̇аа, саммаасамб̣уд̣̇д̇хасаасанз;
‘‘Ye ca rattindivā yuttā, sammāsambuddhasāsane;
д̇з ниб̣б̣аабзнд̇и рааг̇аг̇г̇им̣, нижжам̣ асубхасан̃н̃ино.
Te nibbāpenti rāgaggiṃ, niccaṃ asubhasaññino.
‘‘д̣̇осаг̇г̇им̣ бана мзд̇д̇ааяа, ниб̣б̣аабзнд̇и наруд̇д̇амаа;
‘‘Dosaggiṃ pana mettāya, nibbāpenti naruttamā;
мохаг̇г̇им̣ бана бан̃н̃ааяа, яааяам̣ ниб̣б̣зд̇хаг̇ааминий.
Mohaggiṃ pana paññāya, yāyaṃ nibbedhagāminī.
‘‘д̇з ниб̣б̣аабзд̇ваа нибагаа, рад̇д̇инд̣̇ивамад̇анд̣̇ид̇аа;
‘‘Te nibbāpetvā nipakā, rattindivamatanditā;
асзсам̣ бариниб̣б̣анд̇и, асзсам̣ д̣̇угкамажжаг̇ум̣.
Asesaṃ parinibbanti, asesaṃ dukkhamaccaguṃ.
‘‘арияад̣̇д̣̇асаа взд̣̇аг̇уно, саммад̣̇ан̃н̃ааяа бан̣д̣ид̇аа;
‘‘Ariyaddasā vedaguno, sammadaññāya paṇḍitā;
ж̇аад̇игкаяамабхин̃н̃ааяа, нааг̇ажчанд̇и бунаб̣бхава’’нд̇и.
Jātikkhayamabhiññāya, nāgacchanti punabbhava’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. жад̇уд̇т̇ам̣.
Ayampi attho vutto bhagavatā, iti me sutanti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 4. аг̇г̇исуд̇д̇аван̣н̣анаа • 4. Aggisuttavaṇṇanā
