| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨགྒྷསམོདྷཱནཔརིཝཱསཀཐཱཝཎྞནཱ
Agghasamodhānaparivāsakathāvaṇṇanā
༡༣༤. ‘‘ཨེཀཱཔཏྟིམཱུལཀཉྩཱ’’ཏི ཨིམིནཱ ‘‘ཨེཀཱ ཨཱཔཏྟི ཨེཀཱཧཔྤཊིཙྪནྣཱ, ཨེཀཱ ཨཱཔཏྟི དྭཱིཧཔྤཊིཙྪནྣཱ’’ཏིཨཱདིནཡཾ དསྶེཏི། ཨཔྤཊིཙྪནྣབྷཱཝཾ དསྶེཏུནྟི ཨཛཱནནཱདིནཱ པཊིཙྪནྣཱཡཔི ཨཱཔཏྟིཡཱ མཱནཏྟཱརཧཏཱཝཙནེན ཨཔྤཊིཙྪནྣབྷཱཝཾ དསྶེཏུཾ། ‘‘ཨེཀསྶ, ཨཱཝུསོ, མཱསསྶ བྷིཀྑུ མཱནཏྟཱརཧོ’’ཏི (ཙཱུལ༹ཝ॰ ༡༥༣) ཧི ཝུཏྟཾ། ཨེཏྠ ཨེཀསྶ ཨཛཱནནཔཊིཙྪནྣམཱསསྶ པརིཝཱསཱརཧོ ན ཧོཏི, ཀེཝལཾ ཨཱཔཏྟིཡཱ ཨཔྤཊིཙྪནྣཏྟཱ མཱནཏྟཱརཧོ ཧོཏཱིཏི ཨདྷིཔྤཱཡོ། པཱལི༹ཡཾ མཀྑདྷམྨོཏི མདྡིཏུཀཱམཏཱ། སངྒྷཱདིསེསཱནཾ པརིཝཱསདཱནཱདིསབྦཝིནིཙྪཡསྶ སམུཙྩཡཏྟཱ པནེས སམུཙྩཡཀྑནྡྷཀོཏི ཝུཏྟོཏི ཝེདིཏབྦོ།
134.‘‘Ekāpattimūlakañcā’’ti iminā ‘‘ekā āpatti ekāhappaṭicchannā, ekā āpatti dvīhappaṭicchannā’’tiādinayaṃ dasseti. Appaṭicchannabhāvaṃ dassetunti ajānanādinā paṭicchannāyapi āpattiyā mānattārahatāvacanena appaṭicchannabhāvaṃ dassetuṃ. ‘‘Ekassa, āvuso, māsassa bhikkhu mānattāraho’’ti (cūḷava. 153) hi vuttaṃ. Ettha ekassa ajānanapaṭicchannamāsassa parivāsāraho na hoti, kevalaṃ āpattiyā appaṭicchannattā mānattāraho hotīti adhippāyo. Pāḷiyaṃ makkhadhammoti madditukāmatā. Saṅghādisesānaṃ parivāsadānādisabbavinicchayassa samuccayattā panesa samuccayakkhandhakoti vuttoti veditabbo.
ཨགྒྷསམོདྷཱནཔརིཝཱསཀཐཱཝཎྞནཱ ནིཊྛིཏཱ།
Agghasamodhānaparivāsakathāvaṇṇanā niṭṭhitā.
སམུཙྩཡཀྑནྡྷཀཝཎྞནཱནཡོ ནིཊྛིཏོ།
Samuccayakkhandhakavaṇṇanānayo niṭṭhito.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ཨགྒྷསམོདྷཱནཔརིཝཱསོ • Agghasamodhānaparivāso
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / ཨགྒྷསམོདྷཱནཔརིཝཱསཀཐཱ • Agghasamodhānaparivāsakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨགྒྷསམོདྷཱནཔརིཝཱསཀཐཱཝཎྞནཱ • Agghasamodhānaparivāsakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨགྒྷསམོདྷཱནཔརིཝཱསཀཐཱ • Agghasamodhānaparivāsakathā
