| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಅಗ್ಘಸಮೋಧಾನಪರಿವಾಸಕಥಾವಣ್ಣನಾ
Agghasamodhānaparivāsakathāvaṇṇanā
೧೩೪. ‘‘ಏಕಾಪತ್ತಿಮೂಲಕಞ್ಚಾ’’ತಿ ಇಮಿನಾ ‘‘ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ದ್ವೀಹಪ್ಪಟಿಚ್ಛನ್ನಾ’’ತಿಆದಿನಯಂ ದಸ್ಸೇತಿ। ಅಪ್ಪಟಿಚ್ಛನ್ನಭಾವಂ ದಸ್ಸೇತುನ್ತಿ ಅಜಾನನಾದಿನಾ ಪಟಿಚ್ಛನ್ನಾಯಪಿ ಆಪತ್ತಿಯಾ ಮಾನತ್ತಾರಹತಾವಚನೇನ ಅಪ್ಪಟಿಚ್ಛನ್ನಭಾವಂ ದಸ್ಸೇತುಂ। ‘‘ಏಕಸ್ಸ, ಆವುಸೋ, ಮಾಸಸ್ಸ ಭಿಕ್ಖು ಮಾನತ್ತಾರಹೋ’’ತಿ (ಚೂಳವ॰ ೧೫೩) ಹಿ ವುತ್ತಂ। ಏತ್ಥ ಏಕಸ್ಸ ಅಜಾನನಪಟಿಚ್ಛನ್ನಮಾಸಸ್ಸ ಪರಿವಾಸಾರಹೋ ನ ಹೋತಿ, ಕೇವಲಂ ಆಪತ್ತಿಯಾ ಅಪ್ಪಟಿಚ್ಛನ್ನತ್ತಾ ಮಾನತ್ತಾರಹೋ ಹೋತೀತಿ ಅಧಿಪ್ಪಾಯೋ। ಪಾಳಿಯಂ ಮಕ್ಖಧಮ್ಮೋತಿ ಮದ್ದಿತುಕಾಮತಾ। ಸಙ್ಘಾದಿಸೇಸಾನಂ ಪರಿವಾಸದಾನಾದಿಸಬ್ಬವಿನಿಚ್ಛಯಸ್ಸ ಸಮುಚ್ಚಯತ್ತಾ ಪನೇಸ ಸಮುಚ್ಚಯಕ್ಖನ್ಧಕೋತಿ ವುತ್ತೋತಿ ವೇದಿತಬ್ಬೋ।
134.‘‘Ekāpattimūlakañcā’’ti iminā ‘‘ekā āpatti ekāhappaṭicchannā, ekā āpatti dvīhappaṭicchannā’’tiādinayaṃ dasseti. Appaṭicchannabhāvaṃ dassetunti ajānanādinā paṭicchannāyapi āpattiyā mānattārahatāvacanena appaṭicchannabhāvaṃ dassetuṃ. ‘‘Ekassa, āvuso, māsassa bhikkhu mānattāraho’’ti (cūḷava. 153) hi vuttaṃ. Ettha ekassa ajānanapaṭicchannamāsassa parivāsāraho na hoti, kevalaṃ āpattiyā appaṭicchannattā mānattāraho hotīti adhippāyo. Pāḷiyaṃ makkhadhammoti madditukāmatā. Saṅghādisesānaṃ parivāsadānādisabbavinicchayassa samuccayattā panesa samuccayakkhandhakoti vuttoti veditabbo.
ಅಗ್ಘಸಮೋಧಾನಪರಿವಾಸಕಥಾವಣ್ಣನಾ ನಿಟ್ಠಿತಾ।
Agghasamodhānaparivāsakathāvaṇṇanā niṭṭhitā.
ಸಮುಚ್ಚಯಕ್ಖನ್ಧಕವಣ್ಣನಾನಯೋ ನಿಟ್ಠಿತೋ।
Samuccayakkhandhakavaṇṇanānayo niṭṭhito.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ಅಗ್ಘಸಮೋಧಾನಪರಿವಾಸೋ • Agghasamodhānaparivāso
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ಅಗ್ಘಸಮೋಧಾನಪರಿವಾಸಕಥಾ • Agghasamodhānaparivāsakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಅಗ್ಘಸಮೋಧಾನಪರಿವಾಸಕಥಾವಣ್ಣನಾ • Agghasamodhānaparivāsakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಅಗ್ಘಸಮೋಧಾನಪರಿವಾಸಕಥಾ • Agghasamodhānaparivāsakathā
