| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အဂ္ဃသမောဓာနပရိဝာသကထာဝဏ္ဏနာ
Agghasamodhānaparivāsakathāvaṇṇanā
၁၃၄. ‘‘ဧကာပတ္တိမူလကဉ္စာ’’တိ ဣမိနာ ‘‘ဧကာ အာပတ္တိ ဧကာဟပ္ပဋိစ္ဆန္နာ, ဧကာ အာပတ္တိ ဒ္ဝီဟပ္ပဋိစ္ဆန္နာ’’တိအာဒိနယံ ဒသ္သေတိ။ အပ္ပဋိစ္ဆန္နဘာဝံ ဒသ္သေတုန္တိ အဇာနနာဒိနာ ပဋိစ္ဆန္နာယပိ အာပတ္တိယာ မာနတ္တာရဟတာဝစနေန အပ္ပဋိစ္ဆန္နဘာဝံ ဒသ္သေတုံ။ ‘‘ဧကသ္သ, အာဝုသော, မာသသ္သ ဘိက္ခု မာနတ္တာရဟော’’တိ (စူဠဝ. ၁၅၃) ဟိ ဝုတ္တံ။ ဧတ္ထ ဧကသ္သ အဇာနနပဋိစ္ဆန္နမာသသ္သ ပရိဝာသာရဟော န ဟောတိ, ကေဝလံ အာပတ္တိယာ အပ္ပဋိစ္ဆန္နတ္တာ မာနတ္တာရဟော ဟောတီတိ အဓိပ္ပာယော။ ပာဠိယံ မက္ခဓမ္မောတိ မဒ္ဒိတုကာမတာ။ သင္ဃာဒိသေသာနံ ပရိဝာသဒာနာဒိသဗ္ဗဝိနိစ္ဆယသ္သ သမုစ္စယတ္တာ ပနေသ သမုစ္စယက္ခန္ဓကောတိ ဝုတ္တောတိ ဝေဒိတဗ္ဗော။
134.‘‘Ekāpattimūlakañcā’’ti iminā ‘‘ekā āpatti ekāhappaṭicchannā, ekā āpatti dvīhappaṭicchannā’’tiādinayaṃ dasseti. Appaṭicchannabhāvaṃ dassetunti ajānanādinā paṭicchannāyapi āpattiyā mānattārahatāvacanena appaṭicchannabhāvaṃ dassetuṃ. ‘‘Ekassa, āvuso, māsassa bhikkhu mānattāraho’’ti (cūḷava. 153) hi vuttaṃ. Ettha ekassa ajānanapaṭicchannamāsassa parivāsāraho na hoti, kevalaṃ āpattiyā appaṭicchannattā mānattāraho hotīti adhippāyo. Pāḷiyaṃ makkhadhammoti madditukāmatā. Saṅghādisesānaṃ parivāsadānādisabbavinicchayassa samuccayattā panesa samuccayakkhandhakoti vuttoti veditabbo.
အဂ္ဃသမောဓာနပရိဝာသကထာဝဏ္ဏနာ နိဋ္ဌိတာ။
Agghasamodhānaparivāsakathāvaṇṇanā niṭṭhitā.
သမုစ္စယက္ခန္ဓကဝဏ္ဏနာနယော နိဋ္ဌိတော။
Samuccayakkhandhakavaṇṇanānayo niṭṭhito.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / အဂ္ဃသမောဓာနပရိဝာသော • Agghasamodhānaparivāso
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / အဂ္ဃသမောဓာနပရိဝာသကထာ • Agghasamodhānaparivāsakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဂ္ဃသမောဓာနပရိဝာသကထာဝဏ္ဏနာ • Agghasamodhānaparivāsakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အဂ္ဃသမောဓာနပရိဝာသကထာ • Agghasamodhānaparivāsakathā
