| Library / Tipiṭaka / တိပိဋက • Tipiṭaka / ပရိဝာရ-အဋ္ဌကထာ • Parivāra-aṭṭhakathā |
အဂတိအဂန္တဗ္ဗဝဏ္ဏနာ
Agatiagantabbavaṇṇanā
၃၇၉. ဗဟုဇနအဟိတာယ ပဋိပန္နော ဟောတီတိ ဝိနယဓရေန ဟိ ဧဝံ ဆန္ဒာဒိဂတိယာ အဓိကရဏေ ဝိနိစ္ဆိတေ တသ္မိံ ဝိဟာရေ သင္ဃော ဒ္ဝိဓာ ဘိဇ္ဇတိ။ ဩဝာဒူပဇီဝိနိယော ဘိက္ခုနိယောပိ ဒ္ဝေ ဘာဂာ ဟောန္တိ။ ဥပာသကာပိ ဥပာသိကာယောပိ ဒာရကာပိ ဒာရိကာယောပိ တေသံ အာရက္ခဒေဝတာပိ တထေဝ ဒ္ဝိဓာ ဘိဇ္ဇန္တိ။ တတော ဘုမ္မဒေဝတာ အာဒိံ ကတ္ဝာ ယာဝ အကနိဋ္ဌဗ္ရဟ္မာနော ဒ္ဝိဓာဝ ဟောန္တိ။ တေန ဝုတ္တံ – ‘‘ဗဟုဇနအဟိတာယ ပဋိပန္နော ဟောတိ။ပေ.။ ဒုက္ခာယ ဒေဝမနုသ္သာန’’န္တိ။
379.Bahujanaahitāyapaṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati. Ovādūpajīviniyo bhikkhuniyopi dve bhāgā honti. Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti. Tato bhummadevatā ādiṃ katvā yāva akaniṭṭhabrahmāno dvidhāva honti. Tena vuttaṃ – ‘‘bahujanaahitāya paṭipanno hoti…pe… dukkhāya devamanussāna’’nti.
၃၈၂. ဝိသမနိသ္သိတောတိ ဝိသမာနိ ကာယကမ္မာဒီနိ နိသ္သိတော။ ဂဟနနိသ္သိတောတိ မိစ္ဆာဒိဋ္ဌိအန္တဂ္ဂာဟိကဒိဋ္ဌိသင္ခာတံ ဂဟနံ နိသ္သိတော။ ဗလဝနိသ္သိတောတိ ဗလဝန္တေ အဘိညာတေ ဘိက္ခူ နိသ္သိတော။
382.Visamanissitoti visamāni kāyakammādīni nissito. Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito. Balavanissitoti balavante abhiññāte bhikkhū nissito.
၃၉၃. တသ္သ အဝဇာနန္တောတိ တသ္သ ဝစနံ အဝဇာနန္တော။ ဥပယောဂတ္ထေ ဝာ သာမိဝစနံ, တံ အဝဇာနန္တောတိ အတ္ထော။
393.Tassa avajānantoti tassa vacanaṃ avajānanto. Upayogatthe vā sāmivacanaṃ, taṃ avajānantoti attho.
၃၉၄. ယံ အတ္ထာယာတိ ယဒတ္ထာယ။ တံ အတ္ထန္တိ သော အတ္ထော။ သေသံ သဗ္ဗတ္ထ ဥတ္တာနမေဝာတိ။
394.Yaṃ atthāyāti yadatthāya. Taṃ atthanti so attho. Sesaṃ sabbattha uttānamevāti.
မဟာသင္ဂာမဝဏ္ဏနာ နိဋ္ဌိတာ။
Mahāsaṅgāmavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၂. အဂတိအဂန္တဗ္ဗော • 2. Agatiagantabbo
၅. ပရပက္ခာဒိအဝဇာနနံ • 5. Parapakkhādiavajānanaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝောဟရန္တေန ဇာနိတဗ္ဗာဒိဝဏ္ဏနာ • Voharantena jānitabbādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အဂတိအဂန္တဗ္ဗဝဏ္ဏနာ • Agatiagantabbavaṇṇanā
