| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༤. ཨགཱརསུཏྟཝཎྞནཱ
4. Agārasuttavaṇṇanā
༢༦༢. ཙཏུཏྠེ པུརཏྠིམཱཏི པུརཏྠིམཱཡ། ཨེཝཾ སབྦཏྠ། སཱམིསཱཔི སུཁཱ ཝེདནཱཏིཨཱདཱིསུ སཱམིསཱ སུཁཱ ནཱམ ཀཱམཱམིསཔཊིསཾཡུཏྟཱ ཝེདནཱ། ནིརཱམིསཱ སུཁཱ ནཱམ པཋམཛ྄ཛྷཱནཱདིཝསེན ཝིཔསྶནཱཝསེན ཨནུསྶཏིཝསེན ཙ ཨུཔྤནྣཱ ཝེདནཱ། སཱམིསཱ དུཀྑཱ ནཱམ ཀཱམཱམིསེནེཝ སཱམིསཱ ཝེདནཱ, ནིརཱམིསཱ དུཀྑཱ ནཱམ ཨནུཏྟརེསུ ཝིམོཀྑེསུ པིཧཾ ཨུཔཊྛཱཔཡཏོ པིཧཔཙྩཡཱ ཨུཔྤནྣདོམནསྶཝེདནཱ། སཱམིསཱ ཨདུཀྑམསུཁཱ ནཱམ ཀཱམཱམིསེནེཝ སཱམིསཱ ཝེདནཱ། ནིརཱམིསཱ ཨདུཀྑམསུཁཱ ནཱམ ཙཏུཏྠཛ྄ཛྷཱནཝསེན ཨུཔྤནྣཱ ཨདུཀྑམསུཁཱ ཝེདནཱ།
262. Catutthe puratthimāti puratthimāya. Evaṃ sabbattha. Sāmisāpi sukhā vedanātiādīsu sāmisā sukhā nāma kāmāmisapaṭisaṃyuttā vedanā. Nirāmisā sukhā nāma paṭhamajjhānādivasena vipassanāvasena anussativasena ca uppannā vedanā. Sāmisā dukkhā nāma kāmāmiseneva sāmisā vedanā, nirāmisā dukkhā nāma anuttaresu vimokkhesu pihaṃ upaṭṭhāpayato pihapaccayā uppannadomanassavedanā. Sāmisā adukkhamasukhā nāma kāmāmiseneva sāmisā vedanā. Nirāmisā adukkhamasukhā nāma catutthajjhānavasena uppannā adukkhamasukhā vedanā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༤. ཨགཱརསུཏྟཾ • 4. Agārasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. ཨགཱརསུཏྟཝཎྞནཱ • 4. Agārasuttavaṇṇanā
