| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਅਗਾਰਸੁਤ੍ਤਂ
4. Agārasuttaṃ
੨੬੨. ‘‘ਸੇਯ੍ਯਥਾਪਿ, ਭਿਕ੍ਖવੇ, ਆਗਨ੍ਤੁਕਾਗਾਰਂ। ਤਤ੍ਥ ਪੁਰਤ੍ਥਿਮਾਯਪਿ ਦਿਸਾਯ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ, ਪਚ੍ਛਿਮਾਯਪਿ ਦਿਸਾਯ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ, ਉਤ੍ਤਰਾਯਪਿ ਦਿਸਾਯ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ, ਦਕ੍ਖਿਣਾਯਪਿ ਦਿਸਾਯ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ। ਖਤ੍ਤਿਯਾਪਿ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ, ਬ੍ਰਾਹ੍ਮਣਾਪਿ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ, વੇਸ੍ਸਾਪਿ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ, ਸੁਦ੍ਦਾਪਿ ਆਗਨ੍ਤ੍વਾ વਾਸਂ ਕਪ੍ਪੇਨ੍ਤਿ। ਏવਮੇવ ਖੋ, ਭਿਕ੍ਖવੇ, ਇਮਸ੍ਮਿਂ ਕਾਯਸ੍ਮਿਂ વਿવਿਧਾ વੇਦਨਾ ਉਪ੍ਪਜ੍ਜਨ੍ਤਿ। ਸੁਖਾਪਿ વੇਦਨਾ ਉਪ੍ਪਜ੍ਜਤਿ, ਦੁਕ੍ਖਾਪਿ વੇਦਨਾ ਉਪ੍ਪਜ੍ਜਤਿ, ਅਦੁਕ੍ਖਮਸੁਖਾਪਿ વੇਦਨਾ ਉਪ੍ਪਜ੍ਜਤਿ। ਸਾਮਿਸਾਪਿ ਸੁਖਾ વੇਦਨਾ ਉਪ੍ਪਜ੍ਜਤਿ, ਸਾਮਿਸਾਪਿ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਸਾਮਿਸਾਪਿ ਅਦੁਕ੍ਖਮਸੁਖਾ વੇਦਨਾ ਉਪ੍ਪਜ੍ਜਤਿ। ਨਿਰਾਮਿਸਾਪਿ ਸੁਖਾ વੇਦਨਾ ਉਪ੍ਪਜ੍ਜਤਿ, ਨਿਰਾਮਿਸਾਪਿ ਦੁਕ੍ਖਾ વੇਦਨਾ ਉਪ੍ਪਜ੍ਜਤਿ, ਨਿਰਾਮਿਸਾਪਿ ਅਦੁਕ੍ਖਮਸੁਖਾ વੇਦਨਾ ਉਪ੍ਪਜ੍ਜਤੀ’’ਤਿ। ਚਤੁਤ੍ਥਂ।
262. ‘‘Seyyathāpi, bhikkhave, āgantukāgāraṃ. Tattha puratthimāyapi disāya āgantvā vāsaṃ kappenti, pacchimāyapi disāya āgantvā vāsaṃ kappenti, uttarāyapi disāya āgantvā vāsaṃ kappenti, dakkhiṇāyapi disāya āgantvā vāsaṃ kappenti. Khattiyāpi āgantvā vāsaṃ kappenti, brāhmaṇāpi āgantvā vāsaṃ kappenti, vessāpi āgantvā vāsaṃ kappenti, suddāpi āgantvā vāsaṃ kappenti. Evameva kho, bhikkhave, imasmiṃ kāyasmiṃ vividhā vedanā uppajjanti. Sukhāpi vedanā uppajjati, dukkhāpi vedanā uppajjati, adukkhamasukhāpi vedanā uppajjati. Sāmisāpi sukhā vedanā uppajjati, sāmisāpi dukkhā vedanā uppajjati, sāmisāpi adukkhamasukhā vedanā uppajjati. Nirāmisāpi sukhā vedanā uppajjati, nirāmisāpi dukkhā vedanā uppajjati, nirāmisāpi adukkhamasukhā vedanā uppajjatī’’ti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਅਗਾਰਸੁਤ੍ਤવਣ੍ਣਨਾ • 4. Agārasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਅਗਾਰਸੁਤ੍ਤવਣ੍ਣਨਾ • 4. Agārasuttavaṇṇanā
