| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੫. ਅਗਦਙ੍ਗਪਞ੍ਹੋ
5. Agadaṅgapañho
੫. ‘‘ਭਨ੍ਤੇ ਨਾਗਸੇਨ, ‘ਅਗਦਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ। ‘‘ਯਥਾ, ਮਹਾਰਾਜ, ਅਗਦੇ ਕਿਮੀ ਨ ਸਣ੍ਠਹਨ੍ਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਮਾਨਸੇ ਕਿਲੇਸਾ ਨ ਸਣ੍ਠਪੇਤਬ੍ਬਾ। ਇਦਂ, ਮਹਾਰਾਜ, ਅਗਦਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
5. ‘‘Bhante nāgasena, ‘agadassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti. ‘‘Yathā, mahārāja, agade kimī na saṇṭhahanti, evameva kho, mahārāja, yoginā yogāvacarena mānase kilesā na saṇṭhapetabbā. Idaṃ, mahārāja, agadassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਅਗਦੋ ਦਟ੍ਠਫੁਟ੍ਠਦਿਟ੍ਠਅਸਿਤਪੀਤਖਾਯਿਤਸਾਯਿਤਂ ਸਬ੍ਬਂ વਿਸਂ ਪਟਿਹਨਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਰਾਗਦੋਸਮੋਹਮਾਨਦਿਟ੍ਠਿવਿਸਂ ਸਬ੍ਬਂ ਪਟਿਹਨਿਤਬ੍ਬਂ। ਇਦਂ, ਮਹਾਰਾਜ, ਅਗਦਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ –
‘‘Puna caparaṃ, mahārāja, agado daṭṭhaphuṭṭhadiṭṭhaasitapītakhāyitasāyitaṃ sabbaṃ visaṃ paṭihanati, evameva kho, mahārāja, yoginā yogāvacarena rāgadosamohamānadiṭṭhivisaṃ sabbaṃ paṭihanitabbaṃ. Idaṃ, mahārāja, agadassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘ਸਙ੍ਖਾਰਾਨਂ ਸਭਾવਤ੍ਥਂ, ਦਟ੍ਠੁਕਾਮੇਨ ਯੋਗਿਨਾ।
‘‘‘Saṅkhārānaṃ sabhāvatthaṃ, daṭṭhukāmena yoginā;
ਅਗਦੇਨੇવ ਹੋਤਬ੍ਬਂ, ਕਿਲੇਸવਿਸਨਾਸਨੇ’’’ਤਿ॥
Agadeneva hotabbaṃ, kilesavisanāsane’’’ti.
ਅਗਦਙ੍ਗਪਞ੍ਹੋ ਪਞ੍ਚਮੋ।
Agadaṅgapañho pañcamo.
