| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. མུཎྜརཱཛཝགྒོ
5. Muṇḍarājavaggo
༡. ཨཱདིཡསུཏྟཝཎྞནཱ
1. Ādiyasuttavaṇṇanā
༤༡. པཉྩམསྶ པཋམེ བྷོགཱནཾ ཨཱདིཡཱཏི བྷོགཱནཾ ཨཱདཱཏབྦཀཱརཎཱནི། ཨུཊྛཱནཝཱིརིཡཱདྷིགཏེཧཱིཏི ཨུཊྛཱནསངྑཱཏེན ཝཱིརིཡེན ཨདྷིགཏེཧི། བཱཧཱབལཔརིཙིཏེཧཱིཏི བཱཧུབལེན སཉྩིཏེཧི། སེདཱཝཀྑིཏྟེཧཱིཏི སེདཾ ཨཝཀྑིཔེཏྭཱ ཨུཔྤཱདིཏེཧི། དྷམྨིཀེཧཱིཏི དྷམྨཡུཏྟེཧི། དྷམྨལདྡྷེཧཱིཏི དསཀུསལཀམྨཾ ཨཀོཔེཏྭཱ ལདྡྷེཧི། པཱིཎེཏཱིཏི པཱིཎིཏཾ ཐཱུལཾ ཀརོཏི། སེསམེཏྠ ཙཏུཀྐནིཔཱཏེ ཝུཏྟནཡེནེཝ ཝེདིཏབྦཾ། དུཏིཡཾ ཨུཏྟཱནཏྠམེཝ།
41. Pañcamassa paṭhame bhogānaṃ ādiyāti bhogānaṃ ādātabbakāraṇāni. Uṭṭhānavīriyādhigatehīti uṭṭhānasaṅkhātena vīriyena adhigatehi. Bāhābalaparicitehīti bāhubalena sañcitehi. Sedāvakkhittehīti sedaṃ avakkhipetvā uppāditehi. Dhammikehīti dhammayuttehi. Dhammaladdhehīti dasakusalakammaṃ akopetvā laddhehi. Pīṇetīti pīṇitaṃ thūlaṃ karoti. Sesamettha catukkanipāte vuttanayeneva veditabbaṃ. Dutiyaṃ uttānatthameva.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. ཨཱདིཡསུཏྟཾ • 1. Ādiyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༢. ཨཱདིཡསུཏྟཱདིཝཎྞནཱ • 1-2. Ādiyasuttādivaṇṇanā
