| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౫. ముణ్డరాజవగ్గో
5. Muṇḍarājavaggo
౧. ఆదియసుత్తవణ్ణనా
1. Ādiyasuttavaṇṇanā
౪౧. పఞ్చమస్స పఠమే భోగానం ఆదియాతి భోగానం ఆదాతబ్బకారణాని. ఉట్ఠానవీరియాధిగతేహీతి ఉట్ఠానసఙ్ఖాతేన వీరియేన అధిగతేహి. బాహాబలపరిచితేహీతి బాహుబలేన సఞ్చితేహి. సేదావక్ఖిత్తేహీతి సేదం అవక్ఖిపేత్వా ఉప్పాదితేహి. ధమ్మికేహీతి ధమ్మయుత్తేహి. ధమ్మలద్ధేహీతి దసకుసలకమ్మం అకోపేత్వా లద్ధేహి. పీణేతీతి పీణితం థూలం కరోతి. సేసమేత్థ చతుక్కనిపాతే వుత్తనయేనేవ వేదితబ్బం. దుతియం ఉత్తానత్థమేవ.
41. Pañcamassa paṭhame bhogānaṃ ādiyāti bhogānaṃ ādātabbakāraṇāni. Uṭṭhānavīriyādhigatehīti uṭṭhānasaṅkhātena vīriyena adhigatehi. Bāhābalaparicitehīti bāhubalena sañcitehi. Sedāvakkhittehīti sedaṃ avakkhipetvā uppāditehi. Dhammikehīti dhammayuttehi. Dhammaladdhehīti dasakusalakammaṃ akopetvā laddhehi. Pīṇetīti pīṇitaṃ thūlaṃ karoti. Sesamettha catukkanipāte vuttanayeneva veditabbaṃ. Dutiyaṃ uttānatthameva.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧. ఆదియసుత్తం • 1. Ādiyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౨. ఆదియసుత్తాదివణ్ణనా • 1-2. Ādiyasuttādivaṇṇanā
