| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. আদিত্তৰগ্গো
5. Ādittavaggo
১. আদিত্তসুত্তং
1. Ādittasuttaṃ
৪১. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। অথ খো অঞ্ঞতরা দেৰতা অভিক্কন্তায রত্তিযা অভিক্কন্তৰণ্ণা কেৰলকপ্পং জেতৰনং ওভাসেত্ৰা যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং অট্ঠাসি। একমন্তং ঠিতা খো সা দেৰতা ভগৰতো সন্তিকে ইমা গাথাযো অভাসি –
41. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavato santike imā gāthāyo abhāsi –
‘‘আদিত্তস্মিং অগারস্মিং, যং নীহরতি ভাজনং।
‘‘Ādittasmiṃ agārasmiṃ, yaṃ nīharati bhājanaṃ;
তং তস্স হোতি অত্থায, নো চ যং তত্থ ডয্হতি॥
Taṃ tassa hoti atthāya, no ca yaṃ tattha ḍayhati.
‘‘এৰং আদিত্তকো লোকো, জরায মরণেন চ।
‘‘Evaṃ ādittako loko, jarāya maraṇena ca;
নীহরেথেৰ দানেন, দিন্নং হোতি সুনীহতং॥
Nīharetheva dānena, dinnaṃ hoti sunīhataṃ.
‘‘দিন্নং সুখফলং হোতি, নাদিন্নং হোতি তং তথা।
‘‘Dinnaṃ sukhaphalaṃ hoti, nādinnaṃ hoti taṃ tathā;
চোরা হরন্তি রাজানো, অগ্গি ডহতি নস্সতি॥
Corā haranti rājāno, aggi ḍahati nassati.
‘‘অথ অন্তেন জহতি, সরীরং সপরিগ্গহং।
‘‘Atha antena jahati, sarīraṃ sapariggahaṃ;
এতদঞ্ঞায মেধাৰী, ভুঞ্জেথ চ দদেথ চ।
Etadaññāya medhāvī, bhuñjetha ca dadetha ca;
দত্ৰা চ ভুত্ৰা চ যথানুভাৰং।
Datvā ca bhutvā ca yathānubhāvaṃ;
অনিন্দিতো সগ্গমুপেতি ঠান’’ন্তি॥
Anindito saggamupeti ṭhāna’’nti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. আদিত্তসুত্তৰণ্ণনা • 1. Ādittasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. আদিত্তসুত্তৰণ্ণনা • 1. Ādittasuttavaṇṇanā
