| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
424. ආදිත්තජාතකං (8)
424. Ādittajātakaṃ (8)
69.
69.
ආදිත්තස්මිං අගාරස්මිං, යං නීහරති භාජනං;
Ādittasmiṃ agārasmiṃ, yaṃ nīharati bhājanaṃ;
තං තස්ස හොති අත්ථාය, නො ච යං තත්ථ ඩය්හති.
Taṃ tassa hoti atthāya, no ca yaṃ tattha ḍayhati.
70.
70.
එවාමාදීපිතො ලොකො, ජරාය මරණෙන ච;
Evāmādīpito loko, jarāya maraṇena ca;
71.
71.
යො ධම්මලද්ධස්ස දදාති දානං, උට්ඨානවීරියාධිගතස්ස ජන්තු;
Yo dhammaladdhassa dadāti dānaṃ, uṭṭhānavīriyādhigatassa jantu;
අතික්කම්ම සො වෙතරණිං 3 යමස්ස, දිබ්බානි ඨානානි උපෙති මච්චො.
Atikkamma so vetaraṇiṃ 4 yamassa, dibbāni ṭhānāni upeti macco.
72.
72.
දානඤ්ච යුද්ධඤ්ච සමානමාහු, අප්පාපි සන්තා බහුකෙ ජිනන්ති;
Dānañca yuddhañca samānamāhu, appāpi santā bahuke jinanti;
අප්පම්පි චෙ සද්දහානො දදාති, තෙනෙව සො හොති සුඛී පරත්ථ.
Appampi ce saddahāno dadāti, teneva so hoti sukhī parattha.
73.
73.
විචෙය්ය දානං සුගතප්පසත්ථං, යෙ දක්ඛිණෙය්යා ඉධ ජීවලොකෙ;
Viceyya dānaṃ sugatappasatthaṃ, ye dakkhiṇeyyā idha jīvaloke;
එතෙසු දින්නානි මහප්ඵලානි, බීජානි වුත්තානි යථා සුඛෙත්තෙ.
Etesu dinnāni mahapphalāni, bījāni vuttāni yathā sukhette.
74.
74.
යො පාණභූතානි අහෙඨයං චරං, පරූපවාදා න කරොති පාපං;
Yo pāṇabhūtāni aheṭhayaṃ caraṃ, parūpavādā na karoti pāpaṃ;
භීරුං පසංසන්ති න තත්ථ සූරං, භයා හි සන්තො න කරොන්ති පාපං.
Bhīruṃ pasaṃsanti na tattha sūraṃ, bhayā hi santo na karonti pāpaṃ.
75.
75.
හීනෙන බ්රහ්මචරියෙන, ඛත්තියෙ උපපජ්ජති;
Hīnena brahmacariyena, khattiye upapajjati;
මජ්ඣිමෙන ච දෙවත්තං, උත්තමෙන විසුජ්ඣති.
Majjhimena ca devattaṃ, uttamena visujjhati.
76.
76.
අද්ධා හි දානං බහුධා පසත්ථං, දානා ච ඛො ධම්මපදංව සෙය්යො;
Addhā hi dānaṃ bahudhā pasatthaṃ, dānā ca kho dhammapadaṃva seyyo;
පුබ්බෙව හි පුබ්බතරෙව සන්තො 5, නිබ්බානමෙවජ්ඣගමුං සපඤ්ඤාති.
Pubbeva hi pubbatareva santo 6, nibbānamevajjhagamuṃ sapaññāti.
ආදිත්තජාතකං අට්ඨමං.
Ādittajātakaṃ aṭṭhamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ජාතක-අට්ඨකථා • Jātaka-aṭṭhakathā / [424] 8. ආදිත්තජාතකවණ්ණනා • [424] 8. Ādittajātakavaṇṇanā
