| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๒๔. อาทิตฺตชาตกํ (๘)
424. Ādittajātakaṃ (8)
๖๙.
69.
อาทิตฺตสฺมิํ อคารสฺมิํ, ยํ นีหรติ ภาชนํ;
Ādittasmiṃ agārasmiṃ, yaṃ nīharati bhājanaṃ;
ตํ ตสฺส โหติ อตฺถาย, โน จ ยํ ตตฺถ ฑยฺหติฯ
Taṃ tassa hoti atthāya, no ca yaṃ tattha ḍayhati.
๗๐.
70.
เอวามาทีปิโต โลโก, ชราย มรเณน จ;
Evāmādīpito loko, jarāya maraṇena ca;
๗๑.
71.
โย ธมฺมลทฺธสฺส ททาติ ทานํ, อุฎฺฐานวีริยาธิคตสฺส ชนฺตุ;
Yo dhammaladdhassa dadāti dānaṃ, uṭṭhānavīriyādhigatassa jantu;
อติกฺกมฺม โส เวตรณิํ 3 ยมสฺส, ทิพฺพานิ ฐานานิ อุเปติ มโจฺจฯ
Atikkamma so vetaraṇiṃ 4 yamassa, dibbāni ṭhānāni upeti macco.
๗๒.
72.
ทานญฺจ ยุทฺธญฺจ สมานมาหุ, อปฺปาปิ สนฺตา พหุเก ชินนฺติ;
Dānañca yuddhañca samānamāhu, appāpi santā bahuke jinanti;
อปฺปมฺปิ เจ สทฺทหาโน ททาติ, เตเนว โส โหติ สุขี ปรตฺถฯ
Appampi ce saddahāno dadāti, teneva so hoti sukhī parattha.
๗๓.
73.
วิเจยฺย ทานํ สุคตปฺปสตฺถํ, เย ทกฺขิเณยฺยา อิธ ชีวโลเก;
Viceyya dānaṃ sugatappasatthaṃ, ye dakkhiṇeyyā idha jīvaloke;
เอเตสุ ทินฺนานิ มหปฺผลานิ, พีชานิ วุตฺตานิ ยถา สุเขเตฺตฯ
Etesu dinnāni mahapphalāni, bījāni vuttāni yathā sukhette.
๗๔.
74.
โย ปาณภูตานิ อเหฐยํ จรํ, ปรูปวาทา น กโรติ ปาปํ;
Yo pāṇabhūtāni aheṭhayaṃ caraṃ, parūpavādā na karoti pāpaṃ;
ภีรุํ ปสํสนฺติ น ตตฺถ สูรํ, ภยา หิ สโนฺต น กโรนฺติ ปาปํฯ
Bhīruṃ pasaṃsanti na tattha sūraṃ, bhayā hi santo na karonti pāpaṃ.
๗๕.
75.
หีเนน พฺรหฺมจริเยน, ขตฺติเย อุปปชฺชติ;
Hīnena brahmacariyena, khattiye upapajjati;
มชฺฌิเมน จ เทวตฺตํ, อุตฺตเมน วิสุชฺฌติฯ
Majjhimena ca devattaṃ, uttamena visujjhati.
๗๖.
76.
อทฺธา หิ ทานํ พหุธา ปสตฺถํ, ทานา จ โข ธมฺมปทํว เสโยฺย;
Addhā hi dānaṃ bahudhā pasatthaṃ, dānā ca kho dhammapadaṃva seyyo;
ปุเพฺพว หิ ปุพฺพตเรว สโนฺต 5, นิพฺพานเมวชฺฌคมุํ สปญฺญาติฯ
Pubbeva hi pubbatareva santo 6, nibbānamevajjhagamuṃ sapaññāti.
อาทิตฺตชาตกํ อฎฺฐมํฯ
Ādittajātakaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๒๔] ๘. อาทิตฺตชาตกวณฺณนา • [424] 8. Ādittajātakavaṇṇanā
