| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಅಧೋಪುಪ್ಫಿಯತ್ಥೇರಅಪದಾನಂ
4. Adhopupphiyattheraapadānaṃ
೨೨.
22.
‘‘ಅಭಿಭೂ ನಾಮ ಸೋ ಭಿಕ್ಖು, ಸಿಖಿನೋ ಅಗ್ಗಸಾವಕೋ।
‘‘Abhibhū nāma so bhikkhu, sikhino aggasāvako;
ಮಹಾನುಭಾವೋ ತೇವಿಜ್ಜೋ, ಹಿಮವನ್ತಂ ಉಪಾಗಮಿ॥
Mahānubhāvo tevijjo, himavantaṃ upāgami.
೨೩.
23.
‘‘ಅಹಮ್ಪಿ ಹಿಮವನ್ತಮ್ಹಿ, ರಮಣೀಯಸ್ಸಮೇ ಇಸಿ।
‘‘Ahampi himavantamhi, ramaṇīyassame isi;
ವಸಾಮಿ ಅಪ್ಪಮಞ್ಞಾಸು, ಇದ್ಧೀಸು ಚ ತದಾ ವಸೀ॥
Vasāmi appamaññāsu, iddhīsu ca tadā vasī.
೨೪.
24.
೨೫.
25.
‘‘ಸತ್ತ ಪುಪ್ಫಾನಿ ಗಣ್ಹಿತ್ವಾ, ಮತ್ಥಕೇ ಓಕಿರಿಂ ಅಹಂ।
‘‘Satta pupphāni gaṇhitvā, matthake okiriṃ ahaṃ;
೨೬.
26.
‘‘ಆವಾಸಂ ಅಭಿಸಮ್ಭೋಸಿಂ, ಪತ್ವಾನ ಅಸ್ಸಮಂ ಅಹಂ।
‘‘Āvāsaṃ abhisambhosiṃ, patvāna assamaṃ ahaṃ;
೨೭.
27.
‘‘ಅಜಗರೋ ಮಂ ಪೀಳೇಸಿ, ಘೋರರೂಪೋ ಮಹಬ್ಬಲೋ।
‘‘Ajagaro maṃ pīḷesi, ghorarūpo mahabbalo;
ಪುಬ್ಬಕಮ್ಮಂ ಸರಿತ್ವಾನ, ತತ್ಥ ಕಾಲಙ್ಕತೋ ಅಹಂ॥
Pubbakammaṃ saritvāna, tattha kālaṅkato ahaṃ.
೨೮.
28.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ।
‘‘Ekattiṃse ito kappe, yaṃ pupphamabhiropayiṃ;
ದುಗ್ಗತಿಂ ನಾಭಿಜಾನಾಮಿ, ಪುಪ್ಫಪೂಜಾಯಿದಂ ಫಲಂ॥
Duggatiṃ nābhijānāmi, pupphapūjāyidaṃ phalaṃ.
೨೯.
29.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಅಧೋಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā adhopupphiyo thero imā gāthāyo abhāsitthāti.
ಅಧೋಪುಪ್ಫಿಯತ್ಥೇರಸ್ಸಾಪದಾನಂ ಚತುತ್ಥಂ।
Adhopupphiyattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೪. ಅಧೋಪುಪ್ಫಿಯತ್ಥೇರಅಪದಾನವಣ್ಣನಾ • 4. Adhopupphiyattheraapadānavaṇṇanā
