4. Adhopupphiyattheraapadānaṃ

22.

‘‘Abhibhū nāma so bhikkhu, sikhino aggasāvako;

Mahānubhāvo tevijjo, himavantaṃ upāgami.

23.

‘‘Ahampi himavantamhi, ramaṇīyassame isi;

Vasāmi appamaññāsu, iddhīsu ca tadā vasī.

24.

‘‘Pakkhijāto viyākāse, pabbataṃ adhivattayiṃ ²;

Adhopupphaṃ gahetvāna, āgacchiṃ ⁴ pabbataṃ ahaṃ.

25.

‘‘Satta pupphāni gaṇhitvā, matthake okiriṃ ahaṃ;

Ālokite ⁶ ca vīrena, pakkāmiṃ pācināmukho.

26.

‘‘Āvāsaṃ abhisambhosiṃ, patvāna assamaṃ ahaṃ;

Khāribhāraṃ gahetvāna, pāyāsiṃ ⁸ pabbatantaraṃ.

27.

‘‘Ajagaro maṃ pīḷesi, ghorarūpo mahabbalo;

Pubbakammaṃ saritvāna, tattha kālaṅkato ahaṃ.

28.

‘‘Ekattiṃse ito kappe, yaṃ pupphamabhiropayiṃ;

Duggatiṃ nābhijānāmi, pupphapūjāyidaṃ phalaṃ.

29.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā adhopupphiyo thero imā gāthāyo abhāsitthāti.

Adhopupphiyattherassāpadānaṃ catutthaṃ.