| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā |
༡༤. ཨདྷིཊྛཱནཧཱརསམྤཱཏཝཎྞནཱ
14. Adhiṭṭhānahārasampātavaṇṇanā
༧༦. ཨདྷིཊྛཱནཧཱརསམྤཱཏེ སམྨཱདིཊྛི ནཱམ ཡཾ དུཀྑེ ཉཱཎནྟིཨཱདིནཱ ཙཏུསཙྩཧེཏུཧེཏུསམུཔྤནྣཔཙྩཡཔཙྩཡུཔྤནྣསངྑཱཏསྶ ཝིསཡསྶ ཝསེན ཝེམཏྟཏཾ དསྶེཏྭཱ པུན ཡཾ ཏཏྠ ཏཏྠ ཡཐཱབྷཱུཏཾ ཉཱཎདསྶནནྟི པཱལི༹པཱལི༹ཨཏྠཱནཾ ཨཝསིཊྛཝིསཡཝསེནེཝ ཝེམཏྟཏཾ དཱིཔེཏི། ཏཏྠ ཡཾ སཙྩཱགམནནྟི ཡཾ སཙྩཏོ ཨཝིཔརཱིཏཏོ ཝིསཡསྶ ཨཱགམནཾ, ཨདྷིགམོཏི ཨཏྠོ། ‘‘ཡཾ པཙྩཱགམན’’ནྟིཔི པཱཋོ, ཏསྶ ཡཾ པཊིཔཱཊིཝིསཡསྶ ཨཱགམནཾ, ཏཾཏཾཝིསཡཱདྷིགམོཏི ཨཏྠོ ། སེསམེཏྠ པརིཀྑཱརསམཱརོཔནཧཱརསམྤཱཏེསུ ཡཾ ཝཏྟབྦཾ, ཏཾ པུབྦེ ཝུཏྟནཡཏྟཱ ཨུཏྟཱནམེཝ།
76. Adhiṭṭhānahārasampāte sammādiṭṭhi nāma yaṃ dukkhe ñāṇantiādinā catusaccahetuhetusamuppannapaccayapaccayuppannasaṅkhātassa visayassa vasena vemattataṃ dassetvā puna yaṃ tattha tattha yathābhūtaṃ ñāṇadassananti pāḷipāḷiatthānaṃ avasiṭṭhavisayavaseneva vemattataṃ dīpeti. Tattha yaṃ saccāgamananti yaṃ saccato aviparītato visayassa āgamanaṃ, adhigamoti attho. ‘‘Yaṃ paccāgamana’’ntipi pāṭho, tassa yaṃ paṭipāṭivisayassa āgamanaṃ, taṃtaṃvisayādhigamoti attho . Sesamettha parikkhārasamāropanahārasampātesu yaṃ vattabbaṃ, taṃ pubbe vuttanayattā uttānameva.
ཨདྷིཊྛཱནཧཱརསམྤཱཏཝཎྞནཱ ནིཊྛིཏཱ།
Adhiṭṭhānahārasampātavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ནེཏྟིཔྤཀརཎཔཱལི༹ • Nettippakaraṇapāḷi / ༡༤. ཨདྷིཊྛཱནཧཱརསམྤཱཏོ • 14. Adhiṭṭhānahārasampāto
