| Library / Tipiṭaka / તિપિટક • Tipiṭaka / નેત્તિપ્પકરણ-અટ્ઠકથા • Nettippakaraṇa-aṭṭhakathā |
૧૪. અધિટ્ઠાનહારસમ્પાતવણ્ણના
14. Adhiṭṭhānahārasampātavaṇṇanā
૭૬. અધિટ્ઠાનહારસમ્પાતે સમ્માદિટ્ઠિ નામ યં દુક્ખે ઞાણન્તિઆદિના ચતુસચ્ચહેતુહેતુસમુપ્પન્નપચ્ચયપચ્ચયુપ્પન્નસઙ્ખાતસ્સ વિસયસ્સ વસેન વેમત્તતં દસ્સેત્વા પુન યં તત્થ તત્થ યથાભૂતં ઞાણદસ્સનન્તિ પાળિપાળિઅત્થાનં અવસિટ્ઠવિસયવસેનેવ વેમત્તતં દીપેતિ. તત્થ યં સચ્ચાગમનન્તિ યં સચ્ચતો અવિપરીતતો વિસયસ્સ આગમનં, અધિગમોતિ અત્થો. ‘‘યં પચ્ચાગમન’’ન્તિપિ પાઠો, તસ્સ યં પટિપાટિવિસયસ્સ આગમનં, તંતંવિસયાધિગમોતિ અત્થો . સેસમેત્થ પરિક્ખારસમારોપનહારસમ્પાતેસુ યં વત્તબ્બં, તં પુબ્બે વુત્તનયત્તા ઉત્તાનમેવ.
76. Adhiṭṭhānahārasampāte sammādiṭṭhi nāma yaṃ dukkhe ñāṇantiādinā catusaccahetuhetusamuppannapaccayapaccayuppannasaṅkhātassa visayassa vasena vemattataṃ dassetvā puna yaṃ tattha tattha yathābhūtaṃ ñāṇadassananti pāḷipāḷiatthānaṃ avasiṭṭhavisayavaseneva vemattataṃ dīpeti. Tattha yaṃ saccāgamananti yaṃ saccato aviparītato visayassa āgamanaṃ, adhigamoti attho. ‘‘Yaṃ paccāgamana’’ntipi pāṭho, tassa yaṃ paṭipāṭivisayassa āgamanaṃ, taṃtaṃvisayādhigamoti attho . Sesamettha parikkhārasamāropanahārasampātesu yaṃ vattabbaṃ, taṃ pubbe vuttanayattā uttānameva.
અધિટ્ઠાનહારસમ્પાતવણ્ણના નિટ્ઠિતા.
Adhiṭṭhānahārasampātavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / નેત્તિપ્પકરણપાળિ • Nettippakaraṇapāḷi / ૧૪. અધિટ્ઠાનહારસમ્પાતો • 14. Adhiṭṭhānahārasampāto
