| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အဓိမာနဝတ္ထုဝဏ္ဏနာ
Adhimānavatthuvaṇṇanā
၁၉၆. အရဟတ္တေတိ အဂ္ဂဖလေ။ ဉာဏစက္ခုနာတိ ပစ္စဝေက္ခဏဉာဏသင္ခာတေန စက္ခုနာ, အထ ဝာ ဖလစိတ္တသမ္ပယုတ္တေနေဝ ဉာဏစက္ခုနာ။ အတ္တနာ သမ္ပယုတ္တေနာပိ ဟိ ဉာဏေန အသမ္မောဟတော သယံ ဒိဋ္ဌံ နာမ ဟောတိ, တထာ တသ္မိံ အဒိဋ္ဌေတိ အတ္ထော။ သဗ္ဗေသံ ကိလေသာနံ ပဟာယကဝသေန အာဇာနာတိ, သမန္တတော သဗ္ဗေန ဝာ ပကာရေန ဇာနာတီတိ ‘‘အညာ’’တိ အဂ္ဂမဂ္ဂော ဝုစ္စတိ, တဒုပစာရေန ပန တပ္ဖလမ္ပီတိ အာဟ ‘‘အညံ ဗ္ယာကရိံသူတိ အရဟတ္တံ ဗ္ယာကရိံသူ’’တိ။ အန္တရာ ဌပေတီတိ သေခဘူမိယံ အဓိမာနော ဌပေတိ။ ကိလေသသမုဒာစာရံ အပသ္သန္တောတိ ပုရိမမဂ္ဂတ္တယဝဇ္ဈာနံယေဝ ကိလေသာနံ ဝသေန ဝုတ္တံ, န ဘဝရာဂာဒီနံ။
196.Arahatteti aggaphale. Ñāṇacakkhunāti paccavekkhaṇañāṇasaṅkhātena cakkhunā, atha vā phalacittasampayutteneva ñāṇacakkhunā. Attanā sampayuttenāpi hi ñāṇena asammohato sayaṃ diṭṭhaṃ nāma hoti, tathā tasmiṃ adiṭṭheti attho. Sabbesaṃ kilesānaṃ pahāyakavasena ājānāti, samantato sabbena vā pakārena jānātīti ‘‘aññā’’ti aggamaggo vuccati, tadupacārena pana tapphalampīti āha ‘‘aññaṃ byākariṃsūti arahattaṃ byākariṃsū’’ti. Antarā ṭhapetīti sekhabhūmiyaṃ adhimāno ṭhapeti. Kilesasamudācāraṃ apassantoti purimamaggattayavajjhānaṃyeva kilesānaṃ vasena vuttaṃ, na bhavarāgādīnaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၄. စတုတ္ထပာရာဇိကံ • 4. Catutthapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၄. စတုတ္ထပာရာဇိကံ • 4. Catutthapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဓိမာနဝတ္ထုဝဏ္ဏနာ • Adhimānavatthuvaṇṇanā
