| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
અધિમાનવત્થુવણ્ણના
Adhimānavatthuvaṇṇanā
૧૯૬. અરહત્તેતિ અગ્ગફલે. ઞાણચક્ખુનાતિ પચ્ચવેક્ખણઞાણસઙ્ખાતેન ચક્ખુના, અથ વા ફલચિત્તસમ્પયુત્તેનેવ ઞાણચક્ખુના. અત્તના સમ્પયુત્તેનાપિ હિ ઞાણેન અસમ્મોહતો સયં દિટ્ઠં નામ હોતિ, તથા તસ્મિં અદિટ્ઠેતિ અત્થો. સબ્બેસં કિલેસાનં પહાયકવસેન આજાનાતિ, સમન્તતો સબ્બેન વા પકારેન જાનાતીતિ ‘‘અઞ્ઞા’’તિ અગ્ગમગ્ગો વુચ્ચતિ, તદુપચારેન પન તપ્ફલમ્પીતિ આહ ‘‘અઞ્ઞં બ્યાકરિંસૂતિ અરહત્તં બ્યાકરિંસૂ’’તિ. અન્તરા ઠપેતીતિ સેખભૂમિયં અધિમાનો ઠપેતિ. કિલેસસમુદાચારં અપસ્સન્તોતિ પુરિમમગ્ગત્તયવજ્ઝાનંયેવ કિલેસાનં વસેન વુત્તં, ન ભવરાગાદીનં.
196.Arahatteti aggaphale. Ñāṇacakkhunāti paccavekkhaṇañāṇasaṅkhātena cakkhunā, atha vā phalacittasampayutteneva ñāṇacakkhunā. Attanā sampayuttenāpi hi ñāṇena asammohato sayaṃ diṭṭhaṃ nāma hoti, tathā tasmiṃ adiṭṭheti attho. Sabbesaṃ kilesānaṃ pahāyakavasena ājānāti, samantato sabbena vā pakārena jānātīti ‘‘aññā’’ti aggamaggo vuccati, tadupacārena pana tapphalampīti āha ‘‘aññaṃ byākariṃsūti arahattaṃ byākariṃsū’’ti. Antarā ṭhapetīti sekhabhūmiyaṃ adhimāno ṭhapeti. Kilesasamudācāraṃ apassantoti purimamaggattayavajjhānaṃyeva kilesānaṃ vasena vuttaṃ, na bhavarāgādīnaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૪. ચતુત્થપારાજિકં • 4. Catutthapārājikaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૪. ચતુત્થપારાજિકં • 4. Catutthapārājikaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અધિમાનવત્થુવણ્ણના • Adhimānavatthuvaṇṇanā
