| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਅਧਿਕਰਣવੂਪਸਮવਗ੍ਗવਣ੍ਣਨਾ
Adhikaraṇavūpasamavaggavaṇṇanā
੪੫੮. ਪਞ੍ਚਹਿ ਕਾਰਣੇਹੀਤਿ ਇਦਂ ਅਤ੍ਥਨਿਪ੍ਫਾਦਨਕਾਨਿ ਤੇਸਂ ਪੁਬ੍ਬਭਾਗਾਨਿ ਚ ਕਾਰਣਭਾવਸਾਮਞ੍ਞੇਨ ਏਕਜ੍ਝਂ ਗਹੇਤ੍વਾ વੁਤ੍ਤਂ, ਨ ਪਨ ਸਬ੍ਬੇਸਂ ਪਞ੍ਚਨ੍ਨਂ ਸਮਾਨਯੋਗਕ੍ਖੇਮਤ੍ਤਾ। ਅਨੁਸ੍ਸਾવਨੇਨਾਤਿ ਭੇਦਸ੍ਸ ਅਨੁਰੂਪਸਾવਨੇਨ। ਯਥਾ ਭੇਦੋ ਹੋਤਿ, ਏવਂ ਭਿਨ੍ਦਿਤਬ੍ਬਾਨਂ ਭਿਕ੍ਖੂਨਂ ਅਤ੍ਤਨੋ વਚਨਸ੍ਸ ਸਾવਨੇਨ વਿਞ੍ਞਾਪਨੇਨਾਤਿ ਅਤ੍ਥੋ। ਤੇਨਾਹ ‘‘ਨਨੁ ਤੁਮ੍ਹੇ’’ਤਿਆਦਿ। ਕਣ੍ਣਮੂਲੇ વਚੀਭੇਦਂ ਕਤ੍વਾਤਿ ਏਤੇਨ ਪਾਕਟਂ ਕਤ੍વਾ ਭੇਦਕਰવਤ੍ਥੁਦੀਪਨਂ વੋਹਰਣਂ। ਤਤ੍ਥ ਅਤ੍ਤਨਾ વਿਨਿਚ੍ਛਿਤਮਤ੍ਤਂ ਰਹਸ੍ਸવਸੇਨ વਿਞ੍ਞਾਪਨਂ ਅਨੁਸ੍ਸਾવਨਨ੍ਤਿ ਦਸ੍ਸੇਤਿ। ਕਮ੍ਮਮੇવ ਉਦ੍ਦੇਸੋ વਾ ਪਮਾਣਨ੍ਤਿ ਤੇਹਿ ਸਙ੍ਘਭੇਦਸਿਦ੍ਧਿਤੋ ਪਮਾਣਂ, ਇਤਰੇ ਪਨ ਤੇਸਂ ਸਮ੍ਭਾਰਭੂਤਾ। ਤੇਨਾਹ ‘‘વੋਹਾਰਾ’’ਤਿਆਦਿ। ਤਤ੍ਥਾਤਿ વੋਹਰਣੇ।
458.Pañcahi kāraṇehīti idaṃ atthanipphādanakāni tesaṃ pubbabhāgāni ca kāraṇabhāvasāmaññena ekajjhaṃ gahetvā vuttaṃ, na pana sabbesaṃ pañcannaṃ samānayogakkhemattā. Anussāvanenāti bhedassa anurūpasāvanena. Yathā bhedo hoti, evaṃ bhinditabbānaṃ bhikkhūnaṃ attano vacanassa sāvanena viññāpanenāti attho. Tenāha ‘‘nanu tumhe’’tiādi. Kaṇṇamūle vacībhedaṃ katvāti etena pākaṭaṃ katvā bhedakaravatthudīpanaṃ voharaṇaṃ. Tattha attanā vinicchitamattaṃ rahassavasena viññāpanaṃ anussāvananti dasseti. Kammameva uddeso vā pamāṇanti tehi saṅghabhedasiddhito pamāṇaṃ, itare pana tesaṃ sambhārabhūtā. Tenāha ‘‘vohārā’’tiādi. Tatthāti voharaṇe.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧੦. ਅਧਿਕਰਣવੂਪਸਮવਗ੍ਗੋ • 10. Adhikaraṇavūpasamavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਅਧਿਕਰਣવੂਪਸਮવਗ੍ਗવਣ੍ਣਨਾ • Adhikaraṇavūpasamavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਿਕਰਣવੂਪਸਮવਗ੍ਗવਣ੍ਣਨਾ • Adhikaraṇavūpasamavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਾਰવਗ੍ਗਾਦਿવਣ੍ਣਨਾ • Vohāravaggādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਧਿਕਰਣવੂਪਸਮવਗ੍ਗવਣ੍ਣਨਾ • Adhikaraṇavūpasamavaggavaṇṇanā
