| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१०. अधिकरणसमथसुत्तं
10. Adhikaraṇasamathasuttaṃ
८४. ‘‘सत्तिमे , भिक्खवे, अधिकरणसमथा धम्मा उप्पन्नुप्पन्नानं अधिकरणानं समथाय वूपसमाय। कतमे सत्त? सम्मुखाविनयो दातब्बो , सतिविनयो दातब्बो, अमूळ्हविनयो दातब्बो 1, पटिञ्ञातकरणं दातब्बं, येभुय्यसिका दातब्बा, तस्सपापियसिका दातब्बा, तिणवत्थारको दातब्बो 2। इमे खो, भिक्खवे, सत्त अधिकरणसमथा धम्मा उप्पन्नुप्पन्नानं अधिकरणानं समथाय वूपसमाया’’ति। दसमं।
84. ‘‘Sattime , bhikkhave, adhikaraṇasamathā dhammā uppannuppannānaṃ adhikaraṇānaṃ samathāya vūpasamāya. Katame satta? Sammukhāvinayo dātabbo , sativinayo dātabbo, amūḷhavinayo dātabbo 3, paṭiññātakaraṇaṃ dātabbaṃ, yebhuyyasikā dātabbā, tassapāpiyasikā dātabbā, tiṇavatthārako dātabbo 4. Ime kho, bhikkhave, satta adhikaraṇasamathā dhammā uppannuppannānaṃ adhikaraṇānaṃ samathāya vūpasamāyā’’ti. Dasamaṃ.
विनयवग्गो अट्ठमो।
Vinayavaggo aṭṭhamo.
तस्सुद्दानं –
Tassuddānaṃ –
चतुरो विनयधरा, चतुरो चेव सोभना।
Caturo vinayadharā, caturo ceva sobhanā;
सासनं अधिकरण-समथेनट्ठमे दसाति॥
Sāsanaṃ adhikaraṇa-samathenaṭṭhame dasāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०. अधिकरणसमथसुत्तवण्णना • 10. Adhikaraṇasamathasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १०. अधिकरणसमथसुत्तवण्णना • 10. Adhikaraṇasamathasuttavaṇṇanā
