| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အဓိကရဏပစ္စယဝာရဝဏ္ဏနာ
Adhikaraṇapaccayavāravaṇṇanā
၂၉၁. ပဉ္စမေ အဓိကရဏပစ္စယဝာရေ ကိစ္စာဓိကရဏပစ္စယာတိ အပလောကနဝစနဉတ္တိကမ္မဝာစာသင္ခတကမ္မဝာစာပစ္စယာ။ ပဉ္စာတိ ဧတ္ထ အဓမ္မိကကတိကာဒိံ အပလောကေတ္ဝာ ကရောန္တာနံ အနိမိတ္တန္တိ အတ္ထော။ ပဉ္စမေ အဓိကရဏပစ္စယဝာရေ ကိစ္စာဓိကရဏပစ္စယာ အပလောကနာဝသာနေ ဒုက္ကဋံ, အဓိပ္ပာယာဒိနာ ဉတ္တိကမ္မာဒိံ ကရောန္တာနံ ထုလ္လစ္စယာဒိ စ သင္ဂယ္ဟတီတိ ဒဋ္ဌဗ္ဗံ။ အဝသေသာ အာပတ္တိယောတိ သောတာပတ္တိဖလသမာပတ္တိအာဒယော။ ‘‘နတ္ထညာ အာပတ္တိယော’’တိ ဣဒံ ဝိပတ္တိအာဒိဘာဂိနိယော သာဝဇ္ဇာပတ္တိယော သန္ဓာယ ဝုတ္တံ။
291. Pañcame adhikaraṇapaccayavāre kiccādhikaraṇapaccayāti apalokanavacanañattikammavācāsaṅkhatakammavācāpaccayā. Pañcāti ettha adhammikakatikādiṃ apaloketvā karontānaṃ animittanti attho. Pañcame adhikaraṇapaccayavāre kiccādhikaraṇapaccayā apalokanāvasāne dukkaṭaṃ, adhippāyādinā ñattikammādiṃ karontānaṃ thullaccayādi ca saṅgayhatīti daṭṭhabbaṃ. Avasesā āpattiyoti sotāpattiphalasamāpattiādayo. ‘‘Natthaññā āpattiyo’’ti idaṃ vipattiādibhāginiyo sāvajjāpattiyo sandhāya vuttaṃ.
အဓိကရဏပစ္စယဝာရဝဏ္ဏနာ နိဋ္ဌိတာ။
Adhikaraṇapaccayavāravaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၅. အဓိကရဏပစ္စယဝာရော • 5. Adhikaraṇapaccayavāro
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဆအာပတ္တိသမုဋ္ဌာနဝာရာဒိဝဏ္ဏနာ • Chaāpattisamuṭṭhānavārādivaṇṇanā
