| Library / Tipiṭaka / ཏིཔིཊཀ • Tipiṭaka / ཝིནཡཝིནིཙྪཡ-ཊཱིཀཱ • Vinayavinicchaya-ṭīkā |
ཨདྷིཀརཎཔཙྩཡཀཐཱཝཎྞནཱ
Adhikaraṇapaccayakathāvaṇṇanā
༢༨༥. ཝིཝཱདཱདྷིཀརཎམྷཱཏི ‘‘ཨདྷམྨཾ ‘དྷམྨོ’ཏི དཱིཔེཏཱི’’ཏིཨཱདིནཡཔྤཝཏྟཱ ཨཊྛཱརསབྷེདཀརཝཏྠུནིསྶིཏཱ ཝིཝཱདཱདྷིཀརཎམྷཱ།
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
༢༨༦. ཨུཔསམྤནྣཾ ཨོམསཏོ བྷིཀྑུསྶ པཱཙིཏྟི ཧོཏཱིཏི ཡོཛནཱ།
286. Upasampannaṃ omasato bhikkhussa pācitti hotīti yojanā.
༢༨༧. ཨནུཝཱདཱདྷིཀརཎཔཙྩཡཱཏི ཙོདནཱཔརནཱམདྷེཡྻཾ ཨནུཝཱདཱདྷིཀརཎམེཝ པཙྩཡོ, ཏསྨཱ, ཨནུཝཱདནཱདྷིཀརཎཧེཏཱུཏི ཨཏྠོ།
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
༢༨༩. ‘‘ཏཐཱ’’ཏི ཨིམིནཱ ཨམཱུལཀཏྟཾ ཨཏིདིསཏི།
289.‘‘Tathā’’ti iminā amūlakattaṃ atidisati.
༢༩༠. ཨཱཔཏྟིཔཙྩཡཱཏི ཨཱཔཏྟཱདྷིཀརཎཔཙྩཡཱ།
290.Āpattipaccayāti āpattādhikaraṇapaccayā.
༢༩༣. ཀིཙྩཱདྷིཀརཎཔཙྩཡཱཏི ཨཔལོཀནཱདིཙཏུབྦིདྷཀམྨསངྑཱཏཀིཙྩཱདྷིཀརཎཧེཏུ།
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
༢༩༤. ཨཙྩཛནྟཱིཝཱཏི ཨཏྟནོ ལདྡྷིཾ ཨཔརིཙྩཛནྟཱི ཨེཝ།
294.Accajantīvāti attano laddhiṃ apariccajantī eva.
༢༩༧. པཱཔིཀཱཡ དིཊྛིཡཱ པརིཙྩཛནཏྠཱཡ ཀཏཱཡ ཡཱཝཏཏིཡཀཾ སམནུབྷཱསནཱཡ ཏཾ དིཊྛིཾ ཨཙྩཛནྟིཡཱ ཏསྶཱ བྷིཀྑུནིཡཱ, ཏསྶ བྷིཀྑུསྶ ཙ ཨཙྩཛཏོ པཱཙིཏྟི ཧོཏཱིཏི ཡོཛནཱ།
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
ཨིཏི ཨུཏྟརེ ལཱིནཏྠཔཀཱསནིཡཱ
Iti uttare līnatthapakāsaniyā
ཨདྷིཀརཎཔཙྩཡཀཐཱཝཎྞནཱ ནིཊྛིཏཱ།
Adhikaraṇapaccayakathāvaṇṇanā niṭṭhitā.
