| Library / Tipiṭaka / තිපිටක • Tipiṭaka / විනයවිනිච්ඡය-ටීකා • Vinayavinicchaya-ṭīkā |
අධිකරණපච්චයකථාවණ්ණනා
Adhikaraṇapaccayakathāvaṇṇanā
285. විවාදාධිකරණම්හාති ‘‘අධම්මං ‘ධම්මො’ති දීපෙතී’’තිආදිනයප්පවත්තා අට්ඨාරසභෙදකරවත්ථුනිස්සිතා විවාදාධිකරණම්හා.
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
286. උපසම්පන්නං ඔමසතො භික්ඛුස්ස පාචිත්ති හොතීති යොජනා.
286. Upasampannaṃ omasato bhikkhussa pācitti hotīti yojanā.
287. අනුවාදාධිකරණපච්චයාති චොදනාපරනාමධෙය්යං අනුවාදාධිකරණමෙව පච්චයො, තස්මා, අනුවාදනාධිකරණහෙතූති අත්ථො.
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
289. ‘‘තථා’’ති ඉමිනා අමූලකත්තං අතිදිසති.
289.‘‘Tathā’’ti iminā amūlakattaṃ atidisati.
290. ආපත්තිපච්චයාති ආපත්තාධිකරණපච්චයා.
290.Āpattipaccayāti āpattādhikaraṇapaccayā.
293. කිච්චාධිකරණපච්චයාති අපලොකනාදිචතුබ්බිධකම්මසඞ්ඛාතකිච්චාධිකරණහෙතු.
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
294. අච්චජන්තීවාති අත්තනො ලද්ධිං අපරිච්චජන්තී එව.
294.Accajantīvāti attano laddhiṃ apariccajantī eva.
297. පාපිකාය දිට්ඨියා පරිච්චජනත්ථාය කතාය යාවතතියකං සමනුභාසනාය තං දිට්ඨිං අච්චජන්තියා තස්සා භික්ඛුනියා, තස්ස භික්ඛුස්ස ච අච්චජතො පාචිත්ති හොතීති යොජනා.
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
ඉති උත්තරෙ ලීනත්ථපකාසනියා
Iti uttare līnatthapakāsaniyā
අධිකරණපච්චයකථාවණ්ණනා නිට්ඨිතා.
Adhikaraṇapaccayakathāvaṇṇanā niṭṭhitā.
