| Library / Tipiṭaka / တိပိဋက • Tipiṭaka / ဝိနယဝိနိစ္ဆယ-ဋီကာ • Vinayavinicchaya-ṭīkā |
အဓိကရဏပစ္စယကထာဝဏ္ဏနာ
Adhikaraṇapaccayakathāvaṇṇanā
၂၈၅. ဝိဝာဒာဓိကရဏမ္ဟာတိ ‘‘အဓမ္မံ ‘ဓမ္မော’တိ ဒီပေတီ’’တိအာဒိနယပ္ပဝတ္တာ အဋ္ဌာရသဘေဒကရဝတ္ထုနိသ္သိတာ ဝိဝာဒာဓိကရဏမ္ဟာ။
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
၂၈၆. ဥပသမ္ပန္နံ ဩမသတော ဘိက္ခုသ္သ ပာစိတ္တိ ဟောတီတိ ယောဇနာ။
286. Upasampannaṃ omasato bhikkhussa pācitti hotīti yojanā.
၂၈၇. အနုဝာဒာဓိကရဏပစ္စယာတိ စောဒနာပရနာမဓေယ္ယံ အနုဝာဒာဓိကရဏမေဝ ပစ္စယော, တသ္မာ, အနုဝာဒနာဓိကရဏဟေတူတိ အတ္ထော။
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
၂၈၉. ‘‘တထာ’’တိ ဣမိနာ အမူလကတ္တံ အတိဒိသတိ။
289.‘‘Tathā’’ti iminā amūlakattaṃ atidisati.
၂၉၀. အာပတ္တိပစ္စယာတိ အာပတ္တာဓိကရဏပစ္စယာ။
290.Āpattipaccayāti āpattādhikaraṇapaccayā.
၂၉၃. ကိစ္စာဓိကရဏပစ္စယာတိ အပလောကနာဒိစတုဗ္ဗိဓကမ္မသင္ခာတကိစ္စာဓိကရဏဟေတု။
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
၂၉၄. အစ္စဇန္တီဝာတိ အတ္တနော လဒ္ဓိံ အပရိစ္စဇန္တီ ဧဝ။
294.Accajantīvāti attano laddhiṃ apariccajantī eva.
၂၉၇. ပာပိကာယ ဒိဋ္ဌိယာ ပရိစ္စဇနတ္ထာယ ကတာယ ယာဝတတိယကံ သမနုဘာသနာယ တံ ဒိဋ္ဌိံ အစ္စဇန္တိယာ တသ္သာ ဘိက္ခုနိယာ, တသ္သ ဘိက္ခုသ္သ စ အစ္စဇတော ပာစိတ္တိ ဟောတီတိ ယောဇနာ။
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
ဣတိ ဥတ္တရေ လီနတ္ထပကာသနိယာ
Iti uttare līnatthapakāsaniyā
အဓိကရဏပစ္စယကထာဝဏ္ဏနာ နိဋ္ဌိတာ။
Adhikaraṇapaccayakathāvaṇṇanā niṭṭhitā.
