| Library / Tipiṭaka / તિપિટક • Tipiṭaka / વિનયવિનિચ્છય-ટીકા • Vinayavinicchaya-ṭīkā |
અધિકરણપચ્ચયકથાવણ્ણના
Adhikaraṇapaccayakathāvaṇṇanā
૨૮૫. વિવાદાધિકરણમ્હાતિ ‘‘અધમ્મં ‘ધમ્મો’તિ દીપેતી’’તિઆદિનયપ્પવત્તા અટ્ઠારસભેદકરવત્થુનિસ્સિતા વિવાદાધિકરણમ્હા.
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
૨૮૬. ઉપસમ્પન્નં ઓમસતો ભિક્ખુસ્સ પાચિત્તિ હોતીતિ યોજના.
286. Upasampannaṃ omasato bhikkhussa pācitti hotīti yojanā.
૨૮૭. અનુવાદાધિકરણપચ્ચયાતિ ચોદનાપરનામધેય્યં અનુવાદાધિકરણમેવ પચ્ચયો, તસ્મા, અનુવાદનાધિકરણહેતૂતિ અત્થો.
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
૨૮૯. ‘‘તથા’’તિ ઇમિના અમૂલકત્તં અતિદિસતિ.
289.‘‘Tathā’’ti iminā amūlakattaṃ atidisati.
૨૯૦. આપત્તિપચ્ચયાતિ આપત્તાધિકરણપચ્ચયા.
290.Āpattipaccayāti āpattādhikaraṇapaccayā.
૨૯૩. કિચ્ચાધિકરણપચ્ચયાતિ અપલોકનાદિચતુબ્બિધકમ્મસઙ્ખાતકિચ્ચાધિકરણહેતુ.
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
૨૯૪. અચ્ચજન્તીવાતિ અત્તનો લદ્ધિં અપરિચ્ચજન્તી એવ.
294.Accajantīvāti attano laddhiṃ apariccajantī eva.
૨૯૭. પાપિકાય દિટ્ઠિયા પરિચ્ચજનત્થાય કતાય યાવતતિયકં સમનુભાસનાય તં દિટ્ઠિં અચ્ચજન્તિયા તસ્સા ભિક્ખુનિયા, તસ્સ ભિક્ખુસ્સ ચ અચ્ચજતો પાચિત્તિ હોતીતિ યોજના.
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
ઇતિ ઉત્તરે લીનત્થપકાસનિયા
Iti uttare līnatthapakāsaniyā
અધિકરણપચ્ચયકથાવણ્ણના નિટ્ઠિતા.
Adhikaraṇapaccayakathāvaṇṇanā niṭṭhitā.
