| Library / Tipiṭaka / तिपिटक • Tipiṭaka / विनयविनिच्छय-टीका • Vinayavinicchaya-ṭīkā |
अधिकरणपच्चयकथावण्णना
Adhikaraṇapaccayakathāvaṇṇanā
२८५. विवादाधिकरणम्हाति ‘‘अधम्मं ‘धम्मो’ति दीपेती’’तिआदिनयप्पवत्ता अट्ठारसभेदकरवत्थुनिस्सिता विवादाधिकरणम्हा।
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
२८६. उपसम्पन्नं ओमसतो भिक्खुस्स पाचित्ति होतीति योजना।
286. Upasampannaṃ omasato bhikkhussa pācitti hotīti yojanā.
२८७. अनुवादाधिकरणपच्चयाति चोदनापरनामधेय्यं अनुवादाधिकरणमेव पच्चयो, तस्मा, अनुवादनाधिकरणहेतूति अत्थो।
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
२८९. ‘‘तथा’’ति इमिना अमूलकत्तं अतिदिसति।
289.‘‘Tathā’’ti iminā amūlakattaṃ atidisati.
२९०. आपत्तिपच्चयाति आपत्ताधिकरणपच्चया।
290.Āpattipaccayāti āpattādhikaraṇapaccayā.
२९३. किच्चाधिकरणपच्चयाति अपलोकनादिचतुब्बिधकम्मसङ्खातकिच्चाधिकरणहेतु।
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
२९४. अच्चजन्तीवाति अत्तनो लद्धिं अपरिच्चजन्ती एव।
294.Accajantīvāti attano laddhiṃ apariccajantī eva.
२९७. पापिकाय दिट्ठिया परिच्चजनत्थाय कताय यावततियकं समनुभासनाय तं दिट्ठिं अच्चजन्तिया तस्सा भिक्खुनिया, तस्स भिक्खुस्स च अच्चजतो पाचित्ति होतीति योजना।
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
इति उत्तरे लीनत्थपकासनिया
Iti uttare līnatthapakāsaniyā
अधिकरणपच्चयकथावण्णना निट्ठिता।
Adhikaraṇapaccayakathāvaṇṇanā niṭṭhitā.
