| Library / Tipiṭaka / তিপিটক • Tipiṭaka / ৰিনযৰিনিচ্ছয-টীকা • Vinayavinicchaya-ṭīkā |
অধিকরণপচ্চযকথাৰণ্ণনা
Adhikaraṇapaccayakathāvaṇṇanā
২৮৫. ৰিৰাদাধিকরণম্হাতি ‘‘অধম্মং ‘ধম্মো’তি দীপেতী’’তিআদিনযপ্পৰত্তা অট্ঠারসভেদকরৰত্থুনিস্সিতা ৰিৰাদাধিকরণম্হা।
285.Vivādādhikaraṇamhāti ‘‘adhammaṃ ‘dhammo’ti dīpetī’’tiādinayappavattā aṭṭhārasabhedakaravatthunissitā vivādādhikaraṇamhā.
২৮৬. উপসম্পন্নং ওমসতো ভিক্খুস্স পাচিত্তি হোতীতি যোজনা।
286. Upasampannaṃ omasato bhikkhussa pācitti hotīti yojanā.
২৮৭. অনুৰাদাধিকরণপচ্চযাতি চোদনাপরনামধেয্যং অনুৰাদাধিকরণমেৰ পচ্চযো, তস্মা, অনুৰাদনাধিকরণহেতূতি অত্থো।
287.Anuvādādhikaraṇapaccayāti codanāparanāmadheyyaṃ anuvādādhikaraṇameva paccayo, tasmā, anuvādanādhikaraṇahetūti attho.
২৮৯. ‘‘তথা’’তি ইমিনা অমূলকত্তং অতিদিসতি।
289.‘‘Tathā’’ti iminā amūlakattaṃ atidisati.
২৯০. আপত্তিপচ্চযাতি আপত্তাধিকরণপচ্চযা।
290.Āpattipaccayāti āpattādhikaraṇapaccayā.
২৯৩. কিচ্চাধিকরণপচ্চযাতি অপলোকনাদিচতুব্বিধকম্মসঙ্খাতকিচ্চাধিকরণহেতু।
293.Kiccādhikaraṇapaccayāti apalokanādicatubbidhakammasaṅkhātakiccādhikaraṇahetu.
২৯৪. অচ্চজন্তীৰাতি অত্তনো লদ্ধিং অপরিচ্চজন্তী এৰ।
294.Accajantīvāti attano laddhiṃ apariccajantī eva.
২৯৭. পাপিকায দিট্ঠিযা পরিচ্চজনত্থায কতায যাৰততিযকং সমনুভাসনায তং দিট্ঠিং অচ্চজন্তিযা তস্সা ভিক্খুনিযা, তস্স ভিক্খুস্স চ অচ্চজতো পাচিত্তি হোতীতি যোজনা।
297.Pāpikāya diṭṭhiyā pariccajanatthāya katāya yāvatatiyakaṃ samanubhāsanāya taṃ diṭṭhiṃ accajantiyā tassā bhikkhuniyā, tassa bhikkhussa ca accajato pācitti hotīti yojanā.
ইতি উত্তরে লীনত্থপকাসনিযা
Iti uttare līnatthapakāsaniyā
অধিকরণপচ্চযকথাৰণ্ণনা নিট্ঠিতা।
Adhikaraṇapaccayakathāvaṇṇanā niṭṭhitā.
