| Library / Tipiṭaka / திபிடக • Tipiṭaka / வினயவினிச்ச²ய-உத்தரவினிச்ச²ய • Vinayavinicchaya-uttaravinicchaya |
அதி⁴கரணபச்சயகதா²
Adhikaraṇapaccayakathā
285.
285.
விவாதா³தி⁴கரணம்ஹா, கதி ஆபத்தியோ ஸியுங்?
Vivādādhikaraṇamhā, kati āpattiyo siyuṃ?
விவாதா³தி⁴கரணம்ஹா, த்³வே பனாபத்தியோ ஸியுங்.
Vivādādhikaraṇamhā, dve panāpattiyo siyuṃ.
286.
286.
பாசித்தி உபஸம்பன்னங், ஹோதி ஓமஸதோ பன;
Pācitti upasampannaṃ, hoti omasato pana;
பி⁴க்கு²ஸ்ஸானுபஸம்பன்னங், ஓமஸந்தஸ்ஸ து³க்கடங்.
Bhikkhussānupasampannaṃ, omasantassa dukkaṭaṃ.
287.
287.
அனுவாதா³தி⁴கரண-பச்சயாபத்தியோ கதி?
Anuvādādhikaraṇa-paccayāpattiyo kati?
அனுவாதா³தி⁴கரண-பச்சயா திவிதா⁴ ஸியுங்.
Anuvādādhikaraṇa-paccayā tividhā siyuṃ.
288.
288.
அனுத்³த⁴ங்ஸேதி சே பி⁴க்கு²ங், அமூலந்திமவத்து²னா;
Anuddhaṃseti ce bhikkhuṃ, amūlantimavatthunā;
ஸங்கா⁴தி³ஸேஸமாபத்தி-மாபஜ்ஜதி, ந ஸங்ஸயோ.
Saṅghādisesamāpatti-māpajjati, na saṃsayo.
289.
289.
ததா² ஸங்கா⁴தி³ஸேஸேன, அனுத்³த⁴ங்ஸேதி சே பன;
Tathā saṅghādisesena, anuddhaṃseti ce pana;
பாசித்தி, து³க்கடங் வுத்தங், ததா²சாரவிபத்தியா.
Pācitti, dukkaṭaṃ vuttaṃ, tathācāravipattiyā.
290.
290.
ஆபத்திபச்சயா வுத்தா, கதி ஆபத்தியோ பன?
Āpattipaccayā vuttā, kati āpattiyo pana?
ஆபத்திபச்சயா வுத்தா, சதஸ்ஸோவ மஹேஸினா.
Āpattipaccayā vuttā, catassova mahesinā.
291.
291.
ஜானங் பாராஜிகங் த⁴ம்மங், ஸசே சா²தே³தி பி⁴க்கு²னீ;
Jānaṃ pārājikaṃ dhammaṃ, sace chādeti bhikkhunī;
சுதா, து²ல்லச்சயங் ஹோதி, ஸசே வேமதிகா ஸியா.
Cutā, thullaccayaṃ hoti, sace vematikā siyā.
292.
292.
பாசித்தி பி⁴க்கு² ஸங்கா⁴தி³-ஸேஸங் சா²தே³தி சே பன;
Pācitti bhikkhu saṅghādi-sesaṃ chādeti ce pana;
ததா²சாரவிபத்திங் து, ஸசே சா²தே³தி து³க்கடங்.
Tathācāravipattiṃ tu, sace chādeti dukkaṭaṃ.
293.
293.
ஆபத்தியோ ஹி கிச்சாதி⁴-கரணபச்சயா கதி?
Āpattiyo hi kiccādhi-karaṇapaccayā kati?
பஞ்சேவ ஹொந்தி கிச்சாதி⁴-கரணபச்சயா பன.
Pañceva honti kiccādhi-karaṇapaccayā pana.
294.
294.
ஸமனுபா⁴ஸனாயேவ, ஞத்தியா து³க்கடங் பு²ஸே;
Samanubhāsanāyeva, ñattiyā dukkaṭaṃ phuse;
ஸமணீ அச்சஜந்தீவ, உக்கி²த்தஸ்ஸானுவத்திகா.
Samaṇī accajantīva, ukkhittassānuvattikā.
295.
295.
து²ல்லச்சயங் த்³வயங் த்³வீஹி, கம்மவாசாஹி ஸா பு²ஸே;
Thullaccayaṃ dvayaṃ dvīhi, kammavācāhi sā phuse;
கம்மவாசாய ஓஸானே, தஸ்ஸா பாராஜிகங் ஸியா.
Kammavācāya osāne, tassā pārājikaṃ siyā.
296.
296.
ஸமனுபா⁴ஸனாயேவ, பே⁴த³கஸ்ஸானுவத்திகா;
Samanubhāsanāyeva, bhedakassānuvattikā;
ந பரிச்சஜதி தங் லத்³தி⁴ங், ஹோதி ஸங்கா⁴தி³ஸேஸதா.
Na pariccajati taṃ laddhiṃ, hoti saṅghādisesatā.
297.
297.
ஸமனுபா⁴ஸனாயேவ, பாபிகாய ச தி³ட்டி²யா;
Samanubhāsanāyeva, pāpikāya ca diṭṭhiyā;
யாவததியகங் தஸ்ஸா, பாசித்தச்சஜதோபி ச.
Yāvatatiyakaṃ tassā, pācittaccajatopi ca.
அதி⁴கரணபச்சயகதா².
Adhikaraṇapaccayakathā.
