| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
ಅಧಿಕರಣನಿದಾನಾದಿವಣ್ಣನಾ
Adhikaraṇanidānādivaṇṇanā
೩೪೨-೩. ಕಿಂಸಮ್ಭಾರನ್ತಿ ಕಿಂಪರಿಕ್ಖಾರಂ, ಏತ್ಥ ಕಿನ್ತಿ ಲಿಙ್ಗಸಾಮಞ್ಞಮಬ್ಯಯಂ। ಪುಬ್ಬೇ ಉಪ್ಪನ್ನವಿವಾದಂ ನಿಸ್ಸಾಯ ಪಚ್ಛಾ ಉಪ್ಪಜ್ಜನಕವಿವಾದೋ ವಿವಾದನಿದಾನಂ ನಾಮ। ಆಪತ್ತಾಧಿಕರಣಪಚ್ಚಯಾ ಚತಸ್ಸೋ ಆಪತ್ತಿಯೋ ಆಪಜ್ಜತೀತಿ ಭಿಕ್ಖುನೀ ಜಾನಂ ಪಾರಾಜಿಕಂ ಧಮ್ಮಂ ಪಟಿಚ್ಛಾದೇತಿ ಪಾರಾಜಿಕಂ, ವೇಮತಿಕಾ ಪಟಿಚ್ಛಾದೇತಿ ಥುಲ್ಲಚ್ಚಯಂ, ಭಿಕ್ಖು ಸಙ್ಘಾದಿಸೇಸಂ ಪಟಿಚ್ಛಾದೇತಿ ಪಾಚಿತ್ತಿಯಂ, ಆಚಾರವಿಪತ್ತಿಂ ಪಟಿಚ್ಛಾದೇತಿ ದುಕ್ಕಟಂ। ಪುಬ್ಬೇ ಕತಉಕ್ಖೇಪನಿಯಾದಿಕಿಚ್ಚಂ ನಿಸ್ಸಾಯ ಉಪ್ಪಜ್ಜನಕಕಿಚ್ಚಾನಂ। ಕೀದಿಸಾನಂ? ಸಮನುಭಾಸನಾದೀನಂ ವಸೇನ। ತಂ ಹೀತಿ ಅಧಿಕರಣಂ।
342-3.Kiṃsambhāranti kiṃparikkhāraṃ, ettha kinti liṅgasāmaññamabyayaṃ. Pubbe uppannavivādaṃ nissāya pacchā uppajjanakavivādo vivādanidānaṃ nāma. Āpattādhikaraṇapaccayā catasso āpattiyo āpajjatīti bhikkhunī jānaṃ pārājikaṃ dhammaṃ paṭicchādeti pārājikaṃ, vematikā paṭicchādeti thullaccayaṃ, bhikkhu saṅghādisesaṃ paṭicchādeti pācittiyaṃ, ācāravipattiṃ paṭicchādeti dukkaṭaṃ. Pubbe kataukkhepaniyādikiccaṃ nissāya uppajjanakakiccānaṃ. Kīdisānaṃ? Samanubhāsanādīnaṃ vasena. Taṃ hīti adhikaraṇaṃ.
೩೪೪. ಅಧಿಕರಣೇಸು ಯೇನ ಅಧಿಕರಣೇನ ಸಮ್ಮನ್ತಿ, ತಂ ದಸ್ಸೇತುನ್ತಿ ಯದಾ ಅಧಿಕರಣೇಹಿ ಸಮ್ಮನ್ತಿ, ತದಾ ಕಿಚ್ಚಾಧಿಕರಣೇನೇವ ಸಮ್ಮನ್ತಿ, ನ ಅಞ್ಞೇಹೀತಿ ದಸ್ಸನತ್ಥಂ ವುತ್ತಂ, ನ ಏಕನ್ತತೋ ಅಧಿಕರಣೇನೇವ ಸಮ್ಮನ್ತೀತಿ ದಸ್ಸನತ್ಥಂ।
344. Adhikaraṇesu yena adhikaraṇena sammanti, taṃ dassetunti yadā adhikaraṇehi sammanti, tadā kiccādhikaraṇeneva sammanti, na aññehīti dassanatthaṃ vuttaṃ, na ekantato adhikaraṇeneva sammantīti dassanatthaṃ.
೩೪೮. ಆಪತ್ತಾಧಿಕರಣೇ ಸಙ್ಘೋ ವಿವದತೀತಿ ಆಪತ್ತಾನಾಪತ್ತೀತಿ ಏವಂ।
348.Āpattādhikaraṇesaṅgho vivadatīti āpattānāpattīti evaṃ.
೩೫೩. ಸಮುಟ್ಠಾನಾಭಾವತೋ ಸಮ್ಮುಖಾವಿನಯೇ ಕಮ್ಮಸ್ಸ ಕಿರಿಯಾಕರಣಮಿಚ್ಚಾದಿನಾ ಅವಿಭಜಿತ್ವಾವ ಸತಿವಿನಯಾದೀನಂ ಛನ್ನಂಯೇವ ಛ ಸಮುಟ್ಠಾನಾನಿ ವಿಭತ್ತಾನಿ। ತಂ ಕಸ್ಮಾ? ಕಮ್ಮಸಙ್ಗಹಾಭಾವೇನ, ಸತಿವಿನಯಾದೀನಂ ವಿಯ ಸಙ್ಘಸಮ್ಮುಖತಾದೀನಂ ಕಿಚ್ಚಯತಾ ನಾಮ ನತ್ಥೀತಿ ಅಧಿಪ್ಪಾಯೋ।
353. Samuṭṭhānābhāvato sammukhāvinaye kammassa kiriyākaraṇamiccādinā avibhajitvāva sativinayādīnaṃ channaṃyeva cha samuṭṭhānāni vibhattāni. Taṃ kasmā? Kammasaṅgahābhāvena, sativinayādīnaṃ viya saṅghasammukhatādīnaṃ kiccayatā nāma natthīti adhippāyo.
ಅಧಿಕರಣಭೇದವಣ್ಣನಾ ನಿಟ್ಠಿತಾ।
Adhikaraṇabhedavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೨. ಅಧಿಕರಣನಿದಾನಾದಿ • 2. Adhikaraṇanidānādi
೩. ಅಧಿಕರಣಮೂಲಾದಿ • 3. Adhikaraṇamūlādi
೪. ಅಧಿಕರಣಪಚ್ಚಯಾಪತ್ತಿ • 4. Adhikaraṇapaccayāpatti
೫. ಅಧಿಕರಣಾಧಿಪ್ಪಾಯೋ • 5. Adhikaraṇādhippāyo
೯. ಸತ್ತಸಮಥನಿದಾನಂ • 9. Sattasamathanidānaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā
ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಸತ್ತಸಮಥನಿದಾನವಣ್ಣನಾ • Sattasamathanidānavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಅಧಿಕರಣಭೇದವಣ್ಣನಾ • Adhikaraṇabhedavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
ಅಧಿಕರಣನಿದಾನಾದಿವಣ್ಣನಾ • Adhikaraṇanidānādivaṇṇanā
ಸತ್ತಸಮಥನಿದಾನವಣ್ಣನಾ • Sattasamathanidānavaṇṇanā
