| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਅਧਮ੍ਮਿਕਸੁਤ੍ਤવਣ੍ਣਨਾ
10. Adhammikasuttavaṇṇanā
੭੦. ਦਸਮੇ ਅਧਮ੍ਮਿਕਾ ਹੋਨ੍ਤੀਤਿ ਪੋਰਾਣਕਰਾਜੂਹਿ ਠਪਿਤਂ ਦਸਭਾਗਬਲਿਞ੍ਚੇવ ਅਪਰਾਧਾਨੁਰੂਪਞ੍ਚ ਦਣ੍ਡਂ ਅਗ੍ਗਹੇਤ੍વਾ ਅਤਿਰੇਕਬਲਿਨੋ ਚੇવ ਅਤਿਰੇਕਦਣ੍ਡਸ੍ਸ ਚ ਗਹਣੇਨ ਅਧਮ੍ਮਿਕਾ। ਰਾਜਾਯੁਤ੍ਤਾਤਿ ਰਞ੍ਞੋ ਜਨਪਦੇਸੁ ਕਿਚ੍ਚਸਂવਿਧਾਯਕਾ ਆਯੁਤ੍ਤਕਪੁਰਿਸਾ। ਬ੍ਰਾਹ੍ਮਣਗਹਪਤਿਕਾਤਿ ਅਨ੍ਤੋਨਗਰવਾਸਿਨੋ ਬ੍ਰਾਹ੍ਮਣਗਹਪਤਯੋ। ਨੇਗਮਜਾਨਪਦਾਤਿ ਨਿਗਮવਾਸਿਨੋ ਚੇવ ਜਨਪਦવਾਸਿਨੋ ਚ। વਿਸਮਨ੍ਤਿ વਿਸਮਾ ਹੁਤ੍વਾ, ਅਸਮਯੇਨ વਾਯਨ੍ਤੀਤਿ ਅਤ੍ਥੋ। વਿਸਮਾਤਿ ਨ ਸਮਾ, ਅਤਿਥਦ੍ਧਾ વਾ ਅਤਿਮੁਦੁਕਾ વਾਤਿ ਅਤ੍ਥੋ। ਅਪਞ੍ਜਸਾਤਿ ਮਗ੍ਗਤੋ ਅਪਗਤਾ, ਉਮ੍ਮਗ੍ਗਗਾਮਿਨੋ ਹੁਤ੍વਾ વਾਯਨ੍ਤੀਤਿ ਅਤ੍ਥੋ। ਦੇવਤਾ ਪਰਿਕੁਪਿਤਾ ਭવਨ੍ਤੀਤਿ વਾਤੇਸੁ ਹਿ વਿਸਮੇਸੁ ਅਪਞ੍ਜਸੇਸੁ વਾਯਨ੍ਤੇਸੁ ਰੁਕ੍ਖਾ ਭਿਜ੍ਜਨ੍ਤਿ, વਿਮਾਨਾਨਿ ਭਿਜ੍ਜਨ੍ਤਿ। ਤਸ੍ਮਾ ਦੇવਤਾ ਪਰਿਕੁਪਿਤਾ ਭવਨ੍ਤਿ, ਤਾ ਦੇવਸ੍ਸ ਸਮ੍ਮਾ વਸ੍ਸਿਤੁਂ ਨ ਦੇਨ੍ਤਿ। ਤੇਨ વੁਤ੍ਤਂ ਦੇવੋ ਨ ਸਮ੍ਮਾ ਧਾਰਂ ਅਨੁਪ੍ਪવੇਚ੍ਛਤੀਤਿ। વਿਸਮਪਾਕਾਨਿ ਸਸ੍ਸਾਨਿ ਭવਨ੍ਤੀਤਿ ਏਕਸ੍ਮਿਂ ਠਾਨੇ ਗਬ੍ਭੀਨਿ ਹੋਨ੍ਤਿ, ਏਕਸ੍ਮਿਂ ਸਞ੍ਜਾਤਖੀਰਾਨਿ, ਏਕਂ ਠਾਨਂ ਪਚ੍ਚਤੀਤਿ ਏવਂ વਿਸਮਂ ਪਾਕਾਨਿ ਸਸ੍ਸਾਨਿ ਭવਨ੍ਤਿ।
70. Dasame adhammikā hontīti porāṇakarājūhi ṭhapitaṃ dasabhāgabaliñceva aparādhānurūpañca daṇḍaṃ aggahetvā atirekabalino ceva atirekadaṇḍassa ca gahaṇena adhammikā. Rājāyuttāti rañño janapadesu kiccasaṃvidhāyakā āyuttakapurisā. Brāhmaṇagahapatikāti antonagaravāsino brāhmaṇagahapatayo. Negamajānapadāti nigamavāsino ceva janapadavāsino ca. Visamanti visamā hutvā, asamayena vāyantīti attho. Visamāti na samā, atithaddhā vā atimudukā vāti attho. Apañjasāti maggato apagatā, ummaggagāmino hutvā vāyantīti attho. Devatā parikupitā bhavantīti vātesu hi visamesu apañjasesu vāyantesu rukkhā bhijjanti, vimānāni bhijjanti. Tasmā devatā parikupitā bhavanti, tā devassa sammā vassituṃ na denti. Tena vuttaṃ devo na sammā dhāraṃ anuppavecchatīti. Visamapākāni sassāni bhavantīti ekasmiṃ ṭhāne gabbhīni honti, ekasmiṃ sañjātakhīrāni, ekaṃ ṭhānaṃ paccatīti evaṃ visamaṃ pākāni sassāni bhavanti.
ਸਮਂ ਨਕ੍ਖਤ੍ਤਾਨਿ ਤਾਰਕਰੂਪਾਨਿ ਪਰਿવਤ੍ਤਨ੍ਤੀਤਿ ਯਥਾ ਕਤ੍ਤਿਕਪੁਣ੍ਣਮਾ ਕਤ੍ਤਿਕਨਕ੍ਖਤ੍ਤਮੇવ ਲਭਤਿ, ਮਿਗਸਿਰਪੁਣ੍ਣਮਾ ਮਿਗਸਿਰਨਕ੍ਖਤ੍ਤਮੇવਾਤਿ ਏવਂ ਤਸ੍ਮਿਂ ਤਸ੍ਮਿਂ ਮਾਸੇ ਸਾ ਸਾ ਪੁਣ੍ਣਮਾ ਤਂ ਤਂ ਨਕ੍ਖਤ੍ਤਮੇવ ਲਭਤਿ, ਤਥਾ ਸਮ੍ਮਾ ਪਰਿવਤ੍ਤਨ੍ਤਿ। ਸਮਂ વਾਤਾ વਾਯਨ੍ਤੀਤਿ ਅવਿਸਮਾ ਹੁਤ੍વਾ ਸਮਯਸ੍ਮਿਂਯੇવ વਾਯਨ੍ਤਿ, ਛ ਮਾਸੇ ਉਤ੍ਤਰਾ વਾਤਾ, ਛ ਮਾਸੇਦਕ੍ਖਿਣਾਤਿ ਏવਂ ਤੇਸਂ ਤੇਸਂ ਜਨਪਦਾਨਂ ਅਨੁਰੂਪੇ ਸਮਯੇ વਾਯਨ੍ਤਿ। ਸਮਾਤਿ ਸਮਪ੍ਪવਤ੍ਤਿਨੋ ਨਾਤਿਥਦ੍ਧਾ ਨਾਤਿਮੁਦੂ। ਪਞ੍ਜਸਾਤਿ ਮਗ੍ਗਪ੍ਪਟਿਪਨ੍ਨਾ, ਮਗ੍ਗੇਨੇવ વਾਯਨ੍ਤਿ, ਨੋ ਅਮਗ੍ਗੇਨਾਤਿ ਅਤ੍ਥੋ।
Samaṃnakkhattāni tārakarūpāni parivattantīti yathā kattikapuṇṇamā kattikanakkhattameva labhati, migasirapuṇṇamā migasiranakkhattamevāti evaṃ tasmiṃ tasmiṃ māse sā sā puṇṇamā taṃ taṃ nakkhattameva labhati, tathā sammā parivattanti. Samaṃ vātā vāyantīti avisamā hutvā samayasmiṃyeva vāyanti, cha māse uttarā vātā, cha māsedakkhiṇāti evaṃ tesaṃ tesaṃ janapadānaṃ anurūpe samaye vāyanti. Samāti samappavattino nātithaddhā nātimudū. Pañjasāti maggappaṭipannā, maggeneva vāyanti, no amaggenāti attho.
ਜਿਮ੍ਹਂ ਗਚ੍ਛਤੀਤਿ ਕੁਟਿਲਂ ਗਚ੍ਛਤਿ, ਅਤਿਤ੍ਥਂ ਗਣ੍ਹਾਤਿ। ਨੇਤ੍ਤੇ ਜਿਮ੍ਹਂ ਗਤੇ ਸਤੀਤਿ ਨਯਤੀਤਿ ਨੇਤ੍ਤਾ। ਤਸ੍ਮਿਂ ਨੇਤ੍ਤੇ ਜਿਮ੍ਹਂ ਗਤੇ ਕੁਟਿਲਂ ਗਨ੍ਤ੍વਾ ਅਤਿਤ੍ਥਂ ਗਣ੍ਹਨ੍ਤੇ ਇਤਰਾਪਿ ਅਤਿਤ੍ਥਮੇવ ਗਣ੍ਹਨ੍ਤੀਤਿ ਅਤ੍ਥੋ। ਨੇਤੇਤਿਪਿ ਪਾਠੋ। ਦੁਕ੍ਖਂ ਸੇਤੀਤਿ ਦੁਕ੍ਖਂ ਸਯਤਿ, ਦੁਕ੍ਖਿਤਂ ਹੋਤੀਤਿ ਅਤ੍ਥੋ।
Jimhaṃgacchatīti kuṭilaṃ gacchati, atitthaṃ gaṇhāti. Nette jimhaṃ gate satīti nayatīti nettā. Tasmiṃ nette jimhaṃ gate kuṭilaṃ gantvā atitthaṃ gaṇhante itarāpi atitthameva gaṇhantīti attho. Netetipi pāṭho. Dukkhaṃ setīti dukkhaṃ sayati, dukkhitaṃ hotīti attho.
ਪਤ੍ਤਕਮ੍ਮવਗ੍ਗੋ ਦੁਤਿਯੋ।
Pattakammavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਅਧਮ੍ਮਿਕਸੁਤ੍ਤਂ • 10. Adhammikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਅਧਮ੍ਮਿਕਸੁਤ੍ਤવਣ੍ਣਨਾ • 10. Adhammikasuttavaṇṇanā
