| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༡. ཨདྷམྨཝགྒོ
11. Adhammavaggo
༡༤༠. ‘‘ཡེ ཏེ, བྷིཀྑཝེ, བྷིཀྑཱུ ཨདྷམྨཾ ཨདྷམྨོཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ། བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི 1། པཋམཾ།
140. ‘‘Ye te, bhikkhave, bhikkhū adhammaṃ adhammoti dīpenti te, bhikkhave, bhikkhū bahujanahitāya paṭipannā bahujanasukhāya, bahuno janassa atthāya hitāya sukhāya devamanussānaṃ. Bahuñca te, bhikkhave, bhikkhū puññaṃ pasavanti, te cimaṃ saddhammaṃ ṭhapentī’’ti 2. Paṭhamaṃ.
༡༤༡. ‘‘ཡེ ཏེ, བྷིཀྑཝེ, བྷིཀྑཱུ དྷམྨཾ དྷམྨོཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ། བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི། དུཏིཡཾ།
141. ‘‘Ye te, bhikkhave, bhikkhū dhammaṃ dhammoti dīpenti te, bhikkhave, bhikkhū bahujanahitāya paṭipannā bahujanasukhāya, bahuno janassa atthāya hitāya sukhāya devamanussānaṃ. Bahuñca te, bhikkhave, bhikkhū puññaṃ pasavanti, te cimaṃ saddhammaṃ ṭhapentī’’ti. Dutiyaṃ.
༡༤༢-༡༤༩. ‘‘ཡེ ཏེ, བྷིཀྑཝེ, བྷིཀྑཱུ ཨཝིནཡཾ ཨཝིནཡོཏི དཱིཔེནྟི…པེ॰… ཝིནཡཾ ཝིནཡོཏི དཱིཔེནྟི…པེ॰… ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟི…པེ॰… བྷཱསིཏཾ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེནྟི…པེ॰… ཨནཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟི…པེ॰… ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟི…པེ॰… ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟི…པེ॰… པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟི ཏེ, བྷིཀྑཝེ, བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ, བཧུནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ། བཧུཉྩ ཏེ, བྷིཀྑཝེ, བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱི’’ཏི། དསམཾ།
142-149. ‘‘Ye te, bhikkhave, bhikkhū avinayaṃ avinayoti dīpenti…pe… vinayaṃ vinayoti dīpenti…pe… abhāsitaṃ alapitaṃ tathāgatena abhāsitaṃ alapitaṃ tathāgatenāti dīpenti…pe… bhāsitaṃ lapitaṃ tathāgatena bhāsitaṃ lapitaṃ tathāgatenāti dīpenti…pe… anāciṇṇaṃ tathāgatena anāciṇṇaṃ tathāgatenāti dīpenti…pe… āciṇṇaṃ tathāgatena āciṇṇaṃ tathāgatenāti dīpenti…pe… apaññattaṃ tathāgatena apaññattaṃ tathāgatenāti dīpenti…pe… paññattaṃ tathāgatena paññattaṃ tathāgatenāti dīpenti te, bhikkhave, bhikkhū bahujanahitāya paṭipannā bahujanasukhāya, bahuno janassa atthāya hitāya sukhāya devamanussānaṃ. Bahuñca te, bhikkhave, bhikkhū puññaṃ pasavanti, te cimaṃ saddhammaṃ ṭhapentī’’ti. Dasamaṃ.
ཨདྷམྨཝགྒོ ཨེཀཱདསམོ།
Adhammavaggo ekādasamo.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༡. ཨདྷམྨཝགྒཝཎྞནཱ • 11. Adhammavaggavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༠. དུཏིཡཔམཱདཱདིཝགྒཝཎྞནཱ • 10. Dutiyapamādādivaggavaṇṇanā
