| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
অধম্মকম্মপটিক্কোসনাদিকথা
Adhammakammapaṭikkosanādikathā
১৫৪. অধম্মকম্মং ৰুত্তনযমেৰ। পটিক্কোসিতুন্তি ৰারেতুং। দিট্ঠিম্পি আৰিকাতুন্তি ‘‘অধম্মকম্মং ইদং ন মে খমতী’’তি এৰং অঞ্ঞস্স সন্তিকে অত্তনো দিট্ঠিং পকাসেতুং। চতূহি পঞ্চহীতিআদি তেসং অনুপদ্দৰত্থায ৰুত্তং। সঞ্চিচ্চ ন সাৰেন্তীতি যথা ন সুণন্তি এৰং ভণিস্সামাতি সঞ্চিচ্চ সণিকং উদ্দিসন্তি।
154.Adhammakammaṃ vuttanayameva. Paṭikkositunti vāretuṃ. Diṭṭhimpi āvikātunti ‘‘adhammakammaṃ idaṃ na me khamatī’’ti evaṃ aññassa santike attano diṭṭhiṃ pakāsetuṃ. Catūhi pañcahītiādi tesaṃ anupaddavatthāya vuttaṃ. Sañcicca na sāventīti yathā na suṇanti evaṃ bhaṇissāmāti sañcicca saṇikaṃ uddisanti.
১৫৫. থেরাধিকন্তি থেরাধীনং; থেরাযত্তং ভৰিতুন্তি অত্থো। ‘‘থেরাধেয্য’’ন্তিপি পাঠো, তস্মা থেরেন সযং ৰা উদ্দিসিতব্বং, অঞ্ঞো ৰা অজ্ঝেসিতব্বো। অজ্ঝেসনৰিধানঞ্চেত্থ ধম্মজ্ঝেসনে ৰুত্তনযমেৰ। সো ন জানাতি উপোসথং ৰাতিআদীসু চাতুদ্দসিকপন্নরসিকভেদেন দুৰিধং, সঙ্ঘউপোসথাদিভেদেন নৰৰিধঞ্চ উপোসথং ন জানাতি, চতুব্বিধং উপোসথকম্মং ন জানাতি, দুৰিধং পাতিমোক্খং ন জানাতি, নৰৰিধং পাতিমোক্খুদ্দেসং ন জানাতি। যো তত্থ ভিক্খু ব্যত্তো পটিবলোতি এত্থ কিঞ্চাপি দহরস্সাপি ব্যত্তস্স পাতিমোক্খো অনুঞ্ঞাতো। অথ খো এত্থ অযমধিপ্পাযো। সচে থেরস্স পঞ্চ ৰা চত্তারো ৰা তযো ৰা পাতিমোক্খুদ্দেসা নাগচ্ছন্তি; দ্ৰে পন অখণ্ডা সুৰিসদা ৰাচুগ্গতা হোন্তি, থেরাযত্তোৰ পাতিমোক্খা। সচে পন এত্তকম্পি ৰিসদং কাতুং ন সক্কোতি, ব্যত্তস্স ভিক্খুনো আযত্তো হোতি।
155.Therādhikanti therādhīnaṃ; therāyattaṃ bhavitunti attho. ‘‘Therādheyya’’ntipi pāṭho, tasmā therena sayaṃ vā uddisitabbaṃ, añño vā ajjhesitabbo. Ajjhesanavidhānañcettha dhammajjhesane vuttanayameva. So najānāti uposathaṃ vātiādīsu cātuddasikapannarasikabhedena duvidhaṃ, saṅghauposathādibhedena navavidhañca uposathaṃ na jānāti, catubbidhaṃ uposathakammaṃ na jānāti, duvidhaṃ pātimokkhaṃ na jānāti, navavidhaṃ pātimokkhuddesaṃ na jānāti. Yo tattha bhikkhu byatto paṭibaloti ettha kiñcāpi daharassāpi byattassa pātimokkho anuññāto. Atha kho ettha ayamadhippāyo. Sace therassa pañca vā cattāro vā tayo vā pātimokkhuddesā nāgacchanti; dve pana akhaṇḍā suvisadā vācuggatā honti, therāyattova pātimokkhā. Sace pana ettakampi visadaṃ kātuṃ na sakkoti, byattassa bhikkhuno āyatto hoti.
সামন্তা আৰাসাতি সামন্তং আৰাসং। সজ্জুকন্তি তদহেৰ আগমনত্থায। নৰং ভিক্খুং আণাপেতুন্তি এত্থ যো সক্কোতি উগ্গহেতুং, এৰরূপো আণাপেতব্বো, ন বালো।
Sāmantā āvāsāti sāmantaṃ āvāsaṃ. Sajjukanti tadaheva āgamanatthāya. Navaṃ bhikkhuṃ āṇāpetunti ettha yo sakkoti uggahetuṃ, evarūpo āṇāpetabbo, na bālo.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
৮২. অধম্মকম্মপটিক্কোসনাদি • 82. Adhammakammapaṭikkosanādi
৮৩. পাতিমোক্খুদ্দেসকঅজ্ঝেসনাদি • 83. Pātimokkhuddesakaajjhesanādi
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পাতিমোক্খুদ্দেসকঅজ্ঝেসনাদিকথাৰণ্ণনা • Pātimokkhuddesakaajjhesanādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
অধম্মকম্মপটিক্কোসনাদিকথাৰণ্ণনা • Adhammakammapaṭikkosanādikathāvaṇṇanā
পাতিমোক্খুদ্দেসকঅজ্ঝেসনাদিকথাৰণ্ণনা • Pātimokkhuddesakaajjhesanādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অধম্মকম্মপটিক্কোসনাদিকথাৰণ্ণনা • Adhammakammapaṭikkosanādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
৮২. অধম্মকম্মপটিক্কোসনাদিকথা • 82. Adhammakammapaṭikkosanādikathā
৮৩. পাতিমোক্খুদ্দেসকঅজ্ঝেসনাদিকথা • 83. Pātimokkhuddesakaajjhesanādikathā
