| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
အဓမ္မကမ္မာဒိဒ္ဝာဒသကကထာ
Adhammakammādidvādasakakathā
၃၉. ပုရိမေဟိ ကမ္မေဟီတိ သမ္ဗန္ဓော။ တတ္ထာတိ အင္ဂေသု။ ယထာ ပရိသက္ကိယမာနေ ဂိဟိနော လာဘံ န လဘန္တီတိ ယောဇနာ။ ပရိပုဗ္ဗော သက္ကဓာတု ပရက္ကမတ္ထောတိ အာဟ ‘‘ပရက္ကမန္တော’’တိ။ တတ္ထာတိ အနတ္ထာဒီသု ။ အတ္ထဘင္ဂောတိ ဂိဟီနံ အတ္ထသ္သ ဘင္ဂော။ အဝသနန္တိ ဂိဟီနံ အဝသနံ။ ဂိဟီနန္တိ ဧတ္ထ သာမ္ယတ္ထေ သာမိဝစနန္တိ အာဟ ‘‘ဂိဟီနံ သန္တိကေ’’တိ။ ယထာ ကရိယမာနေ သစ္စော ဟောတိ, ဧဝံ န ကရောတီတိ ယောဇနာ။ ဧကင္ဂေနာပီတိ ပိသဒ္ဒော သမ္ဘာဝနတ္ထော, တတော အဓိကေဟိ အင္ဂေဟိ ကာ နာမ ကထာတိ ဒသ္သေတိ။ ဧတ္ထာတိ ပဋိသာရဏီယကမ္မေ။ ပဋိမုခံ အတ္တနော ဒောသံ သရာပေတဗ္ဗံ အနေန ဝိနယကမ္မေနာတိ ပဋိသာရဏီယံ, တမေဝ ကမ္မံ ပဋိသာရဏီယကမ္မံ။
39. Purimehi kammehīti sambandho. Tatthāti aṅgesu. Yathā parisakkiyamāne gihino lābhaṃ na labhantīti yojanā. Paripubbo sakkadhātu parakkamatthoti āha ‘‘parakkamanto’’ti. Tatthāti anatthādīsu . Atthabhaṅgoti gihīnaṃ atthassa bhaṅgo. Avasananti gihīnaṃ avasanaṃ. Gihīnanti ettha sāmyatthe sāmivacananti āha ‘‘gihīnaṃ santike’’ti. Yathā kariyamāne sacco hoti, evaṃ na karotīti yojanā. Ekaṅgenāpīti pisaddo sambhāvanattho, tato adhikehi aṅgehi kā nāma kathāti dasseti. Etthāti paṭisāraṇīyakamme. Paṭimukhaṃ attano dosaṃ sarāpetabbaṃ anena vinayakammenāti paṭisāraṇīyaṃ, tameva kammaṃ paṭisāraṇīyakammaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / အာကင္ခမာနစတုက္ကံ • Ākaṅkhamānacatukkaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / အဓမ္မကမ္မာဒိဒ္ဝာဒသကကထာ • Adhammakammādidvādasakakathā
