| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
অধম্মকম্মাদিদ্ৰাদসককথা
Adhammakammādidvādasakakathā
৩৯. পুরিমেহি কম্মেহীতি সম্বন্ধো। তত্থাতি অঙ্গেসু। যথা পরিসক্কিযমানে গিহিনো লাভং ন লভন্তীতি যোজনা। পরিপুব্বো সক্কধাতু পরক্কমত্থোতি আহ ‘‘পরক্কমন্তো’’তি। তত্থাতি অনত্থাদীসু । অত্থভঙ্গোতি গিহীনং অত্থস্স ভঙ্গো। অৰসনন্তি গিহীনং অৰসনং। গিহীনন্তি এত্থ সাম্যত্থে সামিৰচনন্তি আহ ‘‘গিহীনং সন্তিকে’’তি। যথা করিযমানে সচ্চো হোতি, এৰং ন করোতীতি যোজনা। একঙ্গেনাপীতি পিসদ্দো সম্ভাৰনত্থো, ততো অধিকেহি অঙ্গেহি কা নাম কথাতি দস্সেতি। এত্থাতি পটিসারণীযকম্মে। পটিমুখং অত্তনো দোসং সরাপেতব্বং অনেন ৰিনযকম্মেনাতি পটিসারণীযং, তমেৰ কম্মং পটিসারণীযকম্মং।
39. Purimehi kammehīti sambandho. Tatthāti aṅgesu. Yathā parisakkiyamāne gihino lābhaṃ na labhantīti yojanā. Paripubbo sakkadhātu parakkamatthoti āha ‘‘parakkamanto’’ti. Tatthāti anatthādīsu . Atthabhaṅgoti gihīnaṃ atthassa bhaṅgo. Avasananti gihīnaṃ avasanaṃ. Gihīnanti ettha sāmyatthe sāmivacananti āha ‘‘gihīnaṃ santike’’ti. Yathā kariyamāne sacco hoti, evaṃ na karotīti yojanā. Ekaṅgenāpīti pisaddo sambhāvanattho, tato adhikehi aṅgehi kā nāma kathāti dasseti. Etthāti paṭisāraṇīyakamme. Paṭimukhaṃ attano dosaṃ sarāpetabbaṃ anena vinayakammenāti paṭisāraṇīyaṃ, tameva kammaṃ paṭisāraṇīyakammaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / আকঙ্খমানচতুক্কং • Ākaṅkhamānacatukkaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / চূল়ৰগ্গ-অট্ঠকথা • Cūḷavagga-aṭṭhakathā / অধম্মকম্মাদিদ্ৰাদসককথা • Adhammakammādidvādasakakathā
