| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൩. അദ്ധാകഥാവണ്ണനാ
3. Addhākathāvaṇṇanā
൭൨൦-൭൨൧. ഇദാനി അദ്ധാകഥാ നാമ ഹോതി. തത്ഥ ‘‘തീണിമാനി, ഭിക്ഖവേ, കഥാവത്ഥൂനീ’’തി (അ॰ നി॰ ൩.൬൮) സുത്തം നിസ്സായ കാലസങ്ഖാതോ അദ്ധാ നാമ പരിനിപ്ഫന്നോ അത്ഥീതി യേസം ലദ്ധി; തേസം ‘‘അദ്ധാ നാമ കോചി പരിനിപ്ഫന്നോ നത്ഥി അഞ്ഞത്ര കാലപഞ്ഞത്തിമത്താ. രൂപാദയോ പന ഖന്ധാവ പരിനിപ്ഫന്നാ’’തി വിഭാഗം ദസ്സേതും അദ്ധാ പരിനിപ്ഫന്നോതി പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘സചേ സോ പരിനിപ്ഫന്നോ, രൂപാദീസു അനേന അഞ്ഞതരേന ഭവിതബ്ബ’’ന്തി ചോദേതും രൂപന്തിആദിമാഹ. ഇതരോ പടിക്ഖിപതി. സേസം യഥാപാളിമേവ നിയ്യാതീതി.
720-721. Idāni addhākathā nāma hoti. Tattha ‘‘tīṇimāni, bhikkhave, kathāvatthūnī’’ti (a. ni. 3.68) suttaṃ nissāya kālasaṅkhāto addhā nāma parinipphanno atthīti yesaṃ laddhi; tesaṃ ‘‘addhā nāma koci parinipphanno natthi aññatra kālapaññattimattā. Rūpādayo pana khandhāva parinipphannā’’ti vibhāgaṃ dassetuṃ addhā parinipphannoti pucchā sakavādissa, paṭiññā itarassa. Atha naṃ ‘‘sace so parinipphanno, rūpādīsu anena aññatarena bhavitabba’’nti codetuṃ rūpantiādimāha. Itaro paṭikkhipati. Sesaṃ yathāpāḷimeva niyyātīti.
അദ്ധാകഥാവണ്ണനാ.
Addhākathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൪൭) ൩. അദ്ധാകഥാ • (147) 3. Addhākathā
