| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. ཨདྡྷཱཀཐཱཝཎྞནཱ
3. Addhākathāvaṇṇanā
༧༢༠-༧༢༡. ཨིདཱནི ཨདྡྷཱཀཐཱ ནཱམ ཧོཏི། ཏཏྠ ‘‘ཏཱིཎིམཱནི, བྷིཀྑཝེ, ཀཐཱཝཏྠཱུནཱི’’ཏི (ཨ॰ ནི॰ ༣.༦༨) སུཏྟཾ ནིསྶཱཡ ཀཱལསངྑཱཏོ ཨདྡྷཱ ནཱམ པརིནིཔྥནྣོ ཨཏྠཱིཏི ཡེསཾ ལདྡྷི; ཏེསཾ ‘‘ཨདྡྷཱ ནཱམ ཀོཙི པརིནིཔྥནྣོ ནཏྠི ཨཉྙཏྲ ཀཱལཔཉྙཏྟིམཏྟཱ། རཱུཔཱདཡོ པན ཁནྡྷཱཝ པརིནིཔྥནྣཱ’’ཏི ཝིབྷཱགཾ དསྶེཏུཾ ཨདྡྷཱ པརིནིཔྥནྣོཏི པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘སཙེ སོ པརིནིཔྥནྣོ, རཱུཔཱདཱིསུ ཨནེན ཨཉྙཏརེན བྷཝིཏབྦ’’ནྟི ཙོདེཏུཾ རཱུཔནྟིཨཱདིམཱཧ། ཨིཏརོ པཊིཀྑིཔཏི། སེསཾ ཡཐཱཔཱལི༹མེཝ ནིཡྻཱཏཱིཏི།
720-721. Idāni addhākathā nāma hoti. Tattha ‘‘tīṇimāni, bhikkhave, kathāvatthūnī’’ti (a. ni. 3.68) suttaṃ nissāya kālasaṅkhāto addhā nāma parinipphanno atthīti yesaṃ laddhi; tesaṃ ‘‘addhā nāma koci parinipphanno natthi aññatra kālapaññattimattā. Rūpādayo pana khandhāva parinipphannā’’ti vibhāgaṃ dassetuṃ addhā parinipphannoti pucchā sakavādissa, paṭiññā itarassa. Atha naṃ ‘‘sace so parinipphanno, rūpādīsu anena aññatarena bhavitabba’’nti codetuṃ rūpantiādimāha. Itaro paṭikkhipati. Sesaṃ yathāpāḷimeva niyyātīti.
ཨདྡྷཱཀཐཱཝཎྞནཱ།
Addhākathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༤༧) ༣. ཨདྡྷཱཀཐཱ • (147) 3. Addhākathā
