| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೩. ಅದ್ಧಾಕಥಾವಣ್ಣನಾ
3. Addhākathāvaṇṇanā
೭೨೦-೭೨೧. ಇದಾನಿ ಅದ್ಧಾಕಥಾ ನಾಮ ಹೋತಿ। ತತ್ಥ ‘‘ತೀಣಿಮಾನಿ, ಭಿಕ್ಖವೇ, ಕಥಾವತ್ಥೂನೀ’’ತಿ (ಅ॰ ನಿ॰ ೩.೬೮) ಸುತ್ತಂ ನಿಸ್ಸಾಯ ಕಾಲಸಙ್ಖಾತೋ ಅದ್ಧಾ ನಾಮ ಪರಿನಿಪ್ಫನ್ನೋ ಅತ್ಥೀತಿ ಯೇಸಂ ಲದ್ಧಿ; ತೇಸಂ ‘‘ಅದ್ಧಾ ನಾಮ ಕೋಚಿ ಪರಿನಿಪ್ಫನ್ನೋ ನತ್ಥಿ ಅಞ್ಞತ್ರ ಕಾಲಪಞ್ಞತ್ತಿಮತ್ತಾ। ರೂಪಾದಯೋ ಪನ ಖನ್ಧಾವ ಪರಿನಿಪ್ಫನ್ನಾ’’ತಿ ವಿಭಾಗಂ ದಸ್ಸೇತುಂ ಅದ್ಧಾ ಪರಿನಿಪ್ಫನ್ನೋತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಅಥ ನಂ ‘‘ಸಚೇ ಸೋ ಪರಿನಿಪ್ಫನ್ನೋ, ರೂಪಾದೀಸು ಅನೇನ ಅಞ್ಞತರೇನ ಭವಿತಬ್ಬ’’ನ್ತಿ ಚೋದೇತುಂ ರೂಪನ್ತಿಆದಿಮಾಹ। ಇತರೋ ಪಟಿಕ್ಖಿಪತಿ। ಸೇಸಂ ಯಥಾಪಾಳಿಮೇವ ನಿಯ್ಯಾತೀತಿ।
720-721. Idāni addhākathā nāma hoti. Tattha ‘‘tīṇimāni, bhikkhave, kathāvatthūnī’’ti (a. ni. 3.68) suttaṃ nissāya kālasaṅkhāto addhā nāma parinipphanno atthīti yesaṃ laddhi; tesaṃ ‘‘addhā nāma koci parinipphanno natthi aññatra kālapaññattimattā. Rūpādayo pana khandhāva parinipphannā’’ti vibhāgaṃ dassetuṃ addhā parinipphannoti pucchā sakavādissa, paṭiññā itarassa. Atha naṃ ‘‘sace so parinipphanno, rūpādīsu anena aññatarena bhavitabba’’nti codetuṃ rūpantiādimāha. Itaro paṭikkhipati. Sesaṃ yathāpāḷimeva niyyātīti.
ಅದ್ಧಾಕಥಾವಣ್ಣನಾ।
Addhākathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೪೭) ೩. ಅದ್ಧಾಕಥಾ • (147) 3. Addhākathā
