| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૩. અદ્ધાકથાવણ્ણના
3. Addhākathāvaṇṇanā
૭૨૦-૭૨૧. ઇદાનિ અદ્ધાકથા નામ હોતિ. તત્થ ‘‘તીણિમાનિ, ભિક્ખવે, કથાવત્થૂની’’તિ (અ॰ નિ॰ ૩.૬૮) સુત્તં નિસ્સાય કાલસઙ્ખાતો અદ્ધા નામ પરિનિપ્ફન્નો અત્થીતિ યેસં લદ્ધિ; તેસં ‘‘અદ્ધા નામ કોચિ પરિનિપ્ફન્નો નત્થિ અઞ્ઞત્ર કાલપઞ્ઞત્તિમત્તા. રૂપાદયો પન ખન્ધાવ પરિનિપ્ફન્ના’’તિ વિભાગં દસ્સેતું અદ્ધા પરિનિપ્ફન્નોતિ પુચ્છા સકવાદિસ્સ, પટિઞ્ઞા ઇતરસ્સ. અથ નં ‘‘સચે સો પરિનિપ્ફન્નો, રૂપાદીસુ અનેન અઞ્ઞતરેન ભવિતબ્બ’’ન્તિ ચોદેતું રૂપન્તિઆદિમાહ. ઇતરો પટિક્ખિપતિ. સેસં યથાપાળિમેવ નિય્યાતીતિ.
720-721. Idāni addhākathā nāma hoti. Tattha ‘‘tīṇimāni, bhikkhave, kathāvatthūnī’’ti (a. ni. 3.68) suttaṃ nissāya kālasaṅkhāto addhā nāma parinipphanno atthīti yesaṃ laddhi; tesaṃ ‘‘addhā nāma koci parinipphanno natthi aññatra kālapaññattimattā. Rūpādayo pana khandhāva parinipphannā’’ti vibhāgaṃ dassetuṃ addhā parinipphannoti pucchā sakavādissa, paṭiññā itarassa. Atha naṃ ‘‘sace so parinipphanno, rūpādīsu anena aññatarena bhavitabba’’nti codetuṃ rūpantiādimāha. Itaro paṭikkhipati. Sesaṃ yathāpāḷimeva niyyātīti.
અદ્ધાકથાવણ્ણના.
Addhākathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૪૭) ૩. અદ્ધાકથા • (147) 3. Addhākathā
