| Library / Tipiṭaka / තිපිටක • Tipiṭaka / අඞ්ගුත්තරනිකාය (ටීකා) • Aṅguttaranikāya (ṭīkā) |
4. අදන්තවග්ගවණ්ණනා
4. Adantavaggavaṇṇanā
31-36. චතුත්ථස්ස පඨමෙ අදන්තන්ති චිත්තභාවනාය විනා න දන්තං. තෙනාහ – ‘‘සතිසංවරරහිත’’න්ති. චතුත්ථෙ තතියෙ වුත්තවිපරියායෙන අත්ථො වෙදිතබ්බො. පඤ්චමඡට්ඨෙසු පුරිමසදිසොයෙවාති තතියචතුත්ථසදිසො එව.
31-36. Catutthassa paṭhame adantanti cittabhāvanāya vinā na dantaṃ. Tenāha – ‘‘satisaṃvararahita’’nti. Catutthe tatiye vuttavipariyāyena attho veditabbo. Pañcamachaṭṭhesu purimasadisoyevāti tatiyacatutthasadiso eva.
37-38. සත්තමට්ඨමෙසු උපමා පනෙත්ථාති යථා පඨමාදීසු අදන්තහත්ථිඅස්සාදයො උපමාභාවෙන ගහිතා, එවමෙත්ථ සත්ථමට්ඨමෙසු ‘‘අසංවුතඝරද්වාරාදිවසෙන වෙදිතබ්බා’’ති වුත්තං.
37-38. Sattamaṭṭhamesu upamā panetthāti yathā paṭhamādīsu adantahatthiassādayo upamābhāvena gahitā, evamettha satthamaṭṭhamesu ‘‘asaṃvutagharadvārādivasena veditabbā’’ti vuttaṃ.
39-40. නවමදසමෙසු චතූහිපි පදෙහීති අදන්තාදීහි චතූහි පදෙහි යොජෙත්වා නවමදසමානි සුත්තානි වුත්තානීති යොජනා.
39-40. Navamadasamesu catūhipi padehīti adantādīhi catūhi padehi yojetvā navamadasamāni suttāni vuttānīti yojanā.
අදන්තවග්ගවණ්ණනා නිට්ඨිතා.
Adantavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්තපිටක • Suttapiṭaka / අඞ්ගුත්තරනිකාය • Aṅguttaranikāya / 4. අදන්තවග්ගො • 4. Adantavaggo
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / අඞ්ගුත්තරනිකාය (අට්ඨකථා) • Aṅguttaranikāya (aṭṭhakathā) / 4. අදන්තවග්ගවණ්ණනා • 4. Adantavaggavaṇṇanā
