| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೪. ಅದನ್ತವಗ್ಗವಣ್ಣನಾ
4. Adantavaggavaṇṇanā
೩೧-೩೬. ಚತುತ್ಥಸ್ಸ ಪಠಮೇ ಅದನ್ತನ್ತಿ ಚಿತ್ತಭಾವನಾಯ ವಿನಾ ನ ದನ್ತಂ। ತೇನಾಹ – ‘‘ಸತಿಸಂವರರಹಿತ’’ನ್ತಿ। ಚತುತ್ಥೇ ತತಿಯೇ ವುತ್ತವಿಪರಿಯಾಯೇನ ಅತ್ಥೋ ವೇದಿತಬ್ಬೋ। ಪಞ್ಚಮಛಟ್ಠೇಸು ಪುರಿಮಸದಿಸೋಯೇವಾತಿ ತತಿಯಚತುತ್ಥಸದಿಸೋ ಏವ।
31-36. Catutthassa paṭhame adantanti cittabhāvanāya vinā na dantaṃ. Tenāha – ‘‘satisaṃvararahita’’nti. Catutthe tatiye vuttavipariyāyena attho veditabbo. Pañcamachaṭṭhesu purimasadisoyevāti tatiyacatutthasadiso eva.
೩೭-೩೮. ಸತ್ತಮಟ್ಠಮೇಸು ಉಪಮಾ ಪನೇತ್ಥಾತಿ ಯಥಾ ಪಠಮಾದೀಸು ಅದನ್ತಹತ್ಥಿಅಸ್ಸಾದಯೋ ಉಪಮಾಭಾವೇನ ಗಹಿತಾ, ಏವಮೇತ್ಥ ಸತ್ಥಮಟ್ಠಮೇಸು ‘‘ಅಸಂವುತಘರದ್ವಾರಾದಿವಸೇನ ವೇದಿತಬ್ಬಾ’’ತಿ ವುತ್ತಂ।
37-38. Sattamaṭṭhamesu upamā panetthāti yathā paṭhamādīsu adantahatthiassādayo upamābhāvena gahitā, evamettha satthamaṭṭhamesu ‘‘asaṃvutagharadvārādivasena veditabbā’’ti vuttaṃ.
೩೯-೪೦. ನವಮದಸಮೇಸು ಚತೂಹಿಪಿ ಪದೇಹೀತಿ ಅದನ್ತಾದೀಹಿ ಚತೂಹಿ ಪದೇಹಿ ಯೋಜೇತ್ವಾ ನವಮದಸಮಾನಿ ಸುತ್ತಾನಿ ವುತ್ತಾನೀತಿ ಯೋಜನಾ।
39-40. Navamadasamesu catūhipi padehīti adantādīhi catūhi padehi yojetvā navamadasamāni suttāni vuttānīti yojanā.
ಅದನ್ತವಗ್ಗವಣ್ಣನಾ ನಿಟ್ಠಿತಾ।
Adantavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೪. ಅದನ್ತವಗ್ಗೋ • 4. Adantavaggo
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೪. ಅದನ್ತವಗ್ಗವಣ್ಣನಾ • 4. Adantavaggavaṇṇanā
