| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៤. អទន្តវគ្គវណ្ណនា
4. Adantavaggavaṇṇanā
៣១. ចតុត្ថស្ស បឋមេ អទន្តន្តិ សវិសេវនំ អទន្តហត្ថិអស្សាទិសទិសំ។ ចិត្តន្តិ វដ្ដវសេន ឧប្បន្នចិត្តមេវ។
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
៣២. ទុតិយេ ទន្តន្តិ និព្ពិសេវនំ ទន្តហត្ថិអស្សាទិសទិសំ។ ឥមស្មិម្បិ សុត្តទ្វយេ វដ្ដវិវដ្ដវសេន ឧប្បន្នចិត្តមេវ កថិតំ។ យថា ចេត្ថ, ឯវំ ឥតោ បរេសុបីតិ។
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
៣៣. តតិយេ អគុត្តន្តិ អគោបិតំ សតិសំវររហិតំ អគុត្តហត្ថិអស្សាទិសទិសំ។
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
៣៤. ចតុត្ថេ គុត្តន្តិ គោបិតំ អវិស្សដ្ឋសតិសំវរំ គុត្តហត្ថិអស្សាទិសទិសំ។
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
៣៥-៣៦. បញ្ចមឆដ្ឋានិ អរក្ខិតំ រក្ខិតន្តិ បទវសេន ពុជ្ឈនកានំ អជ្ឈាសយេន វុត្តានិ។ អត្ថោ បនេត្ថ បុរិមសទិសោយេវ។
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
៣៧-៣៨. សត្តមដ្ឋមេសុបិ ឯសេវ នយោ។ ឧបមា បនេត្ថ អសំវុតឃរទ្វារាទិវសេន វេទិតព្ពា។
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
៣៩-៤០. នវមទសមានិ ចតូហិបិ បទេហិ យោជេត្វា វុត្តានិ។ ឥមស្មិម្បិ វគ្គេ វដ្ដវិវដ្ដមេវ កថិតន្តិ។
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
អទន្តវគ្គវណ្ណនា។
Adantavaggavaṇṇanā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៤. អទន្តវគ្គោ • 4. Adantavaggo
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៤. អទន្តវគ្គវណ្ណនា • 4. Adantavaggavaṇṇanā
