| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. அத³ந்தவக்³க³வண்ணனா
4. Adantavaggavaṇṇanā
31. சதுத்த²ஸ்ஸ பட²மே அத³ந்தந்தி ஸவிஸேவனங் அத³ந்தஹத்தி²அஸ்ஸாதி³ஸதி³ஸங். சித்தந்தி வட்டவஸேன உப்பன்னசித்தமேவ.
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
32. து³தியே த³ந்தந்தி நிப்³பி³ஸேவனங் த³ந்தஹத்தி²அஸ்ஸாதி³ஸதி³ஸங். இமஸ்மிம்பி ஸுத்தத்³வயே வட்டவிவட்டவஸேன உப்பன்னசித்தமேவ கதி²தங். யதா² செத்த², ஏவங் இதோ பரேஸுபீதி.
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
33. ததியே அகு³த்தந்தி அகோ³பிதங் ஸதிஸங்வரரஹிதங் அகு³த்தஹத்தி²அஸ்ஸாதி³ஸதி³ஸங்.
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
34. சதுத்தே² கு³த்தந்தி கோ³பிதங் அவிஸ்ஸட்ட²ஸதிஸங்வரங் கு³த்தஹத்தி²அஸ்ஸாதி³ஸதி³ஸங்.
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
35-36. பஞ்சமச²ட்டா²னி அரக்கி²தங் ரக்கி²தந்தி பத³வஸேன பு³ஜ்ஜ²னகானங் அஜ்ஜா²ஸயேன வுத்தானி. அத்தோ² பனெத்த² புரிமஸதி³ஸோயேவ.
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
37-38. ஸத்தமட்ட²மேஸுபி ஏஸேவ நயோ. உபமா பனெத்த² அஸங்வுதக⁴ரத்³வாராதி³வஸேன வேதி³தப்³பா³.
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
39-40. நவமத³ஸமானி சதூஹிபி பதே³ஹி யோஜெத்வா வுத்தானி. இமஸ்மிம்பி வக்³கே³ வட்டவிவட்டமேவ கதி²தந்தி.
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
அத³ந்தவக்³க³வண்ணனா.
Adantavaggavaṇṇanā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. அத³ந்தவக்³கோ³ • 4. Adantavaggo
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. அத³ந்தவக்³க³வண்ணனா • 4. Adantavaggavaṇṇanā
